ក្រុមឆ្មាំទន្លេអភិរក្សាសត្វផ្សោតតំបន់កាំពី សហការជាមួយកម្លាំងនគរបាលប៉ុស្តិ៍រដ្ឋបាលជ្រោយបន្ទាយ ព្រមទាំងសហគមន៍នេសាទកាំពី(ក្រុមធំទី០១)អ្នកចូលរួមចំនួន១២នាក់(ឆ្មាំទន្លេចំនួន០៨នាក់ កម្លាំងនគរបាល០១នាក់ ព្រមទាំងសហគមន៍នេសាទ០៣នាក់) ប្រើប្រាស់ទូកម៉ាសុីនចំនួន០៤គ្រឿង បានចុះល្បាត ត្រួតពិនិត្យ និងបង្ក្រាបបទល្មើសនេសាទតាមដងទន្លេមេគង្គ កន្លែងគ្រប់គ្រង និងការពារសត្វផ្សោត អន្លង់កាំពី និងជ្រោយបន្ទាយ ជាលទលទ្ធផលគឺ:
1តំបន់អភិរក្សផ្សោត :
តំបន់ស្នូល:
ដកហូតមងដាក់ក្នុងអន្លង់បាន០១ត្បូង ប្រវែង៤០ម ក្រលា១៦សម នៅចំណុចគោលបាក់ ភូមិក្បាលជួរ ឃុំសំបុក ស្រុកចិត្របុរី។
តំបន់ទ្រនាប់ :
ដកហូតមងដាក់ក្នុងអន្លង់បាន០៤ត្បូង ប្រវែង១២០ម ក្រលា១២សម និង១៥សម នៅចំណុចភូមិវឌ្ឍនៈ ឃុំវឌ្ឍនៈ ស្រុកសំបូរ។
2ក្រៅតំបន់អភិរក្សផ្សោត :
មន្ត្រីខណ្ឌរដ្ឋបាលជលផលក្រចេះ សហការជាមួយមន្ត្រីអធិការដ្ឋានរដ្ឋបាលជលផលមេគង្គ កម្លាំងនគរបាលនៃស្នងការដ្ឋាននគរបាលខេត្តក្រចេះ ដឹកនាំ សម្របសម្រួលដោយលោក រ៉ា បូរ៉ាន់ឌី ព្រះរាជអាជ្ញារងអមសាលាតំបូងខេត្ត និងដោយមានការចូលរួមពីលោក សាម ណាល់ អភិបាលស្រុកស្នួល អធិការដ្ឋាននគរបាលស្រុក លោកមេឃុំ នគរបាលប៉ុស្តិ៍រដ្ឋបាលស្នួល និងលោកមេភូមិ បានចុះបង្ក្រាបទីតាំងផលិត ទិញ លក់ និងរក្សាទុកឧបករណ៍ឆក់មួយកន្លែងស្ថិតនៅភូមិផ្សារស្នួល ឃុំស្នួល ស្រុកស្នួល ដែលម្ចាស់ទីតាំងខាងលើមានឈ្មោះ សៀង សៀកត្រាយ ជាតិខ្មែរ ភេទប្រុស អាយុ៣១ឆ្នាំ ។ វត្ថុតាងដែលសមត្ថកិច្ចរឹបអូសបានរួមមាន :
1. អាំងវែកទ័រឆក់ត្រីប្រភេទស្រូប និងក្តៅនាំចូលពីប្រទេសចិន ចំនួន ២២គ្រឿង
2. អាំងវែកទ័រកែច្នៃ(ឆក់ក្តៅ)ចំនួន ១៥គ្រឿង។
3. ប្រអប់ឈើសម្រាប់កែច្នៃអាំងវែកទ័រឆក់ត្រី ចំនួន ២៨០ប្រអប់។
ពេលនេះវត្ថុតាងទាំងអស់ និងម្ចាស់ទីតាំងត្រូវបានសមត្ថកិច្ចនាំមកខណ្ឌរដ្ឋបាលជលផលក្រចេះ និងបានកសាងសំណុំឯកសារ បញ្ជូនទៅសាលាតំបូងខេត្តក្រចេះ ដើម្បីចាត់ការតាមនីតិវិធី ច្បាប់ស្តីពីជលផល។
