សាមគ្គីភាពជាកម្លាំង! ជាថ្មីម្តងទៀត ខ្ញុំសូមកោតសរសើរនិងថ្លែងអំណរគុណយ៉ាងជ្រាលជ្រៅប្រកបដោយមោទកភាពចំពោះថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃក្រសួងព័ត៌មាន ជាពិសេសថ្នាក់ដឹកនាំនៃអគ្គនាយកដ្ឋានទូរទស្សន៍ជាតិកម្ពុជា, អគ្គនាយកដ្ឋានវិទ្យុជាតិកម្ពុជា, អគ្គនាយកដ្ឋានទីភ្នាក់ងារសារព័ត៌មានកម្ពុជា, អគ្គនាយកដ្ឋានព័ត៌មាននិងសោតទស្សន៍ ដែលបានលះបង់កម្លាំងកាយ កម្លាំងចិត្ត និងបញ្ញារៀបចំការផ្សាយផ្ទាល់នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅឆ្នាំ២០២៣ នេះ ប្រកបដោយភាពជោគជ័យដ៏ត្រចះត្រចង់ និងជាទីមោទនៈ។ បងប្អូនប្រជាពលរដ្ឋ ដែលបានអញ្ជើញមកទស្សនាផ្ទាល់រាប់លាននាក់…
