កំពង់ឆ្នាំង ៖ តុលាការខេត្តកំពង់ឆ្នាំង សម្រេចបញ្ជូនខ្លួនជនជាតិវៀតណាម ២នាក់ (ឈ្មោះ ឡាំ យុំាងថាប់ ឆក់ត្រជាក់/ឈ្មោះ ហ៊ី ប៊ុនធី ទទួលទិញត្រីឆក់គ្រប់ប្រភេទ) ដាក់ពន្ធនាគារ ពាក់ព័ន្ធ នេះបើយោងតាមការបញ្ជាក់របស់ឯកឧត្តម ព្រះរាជអាជ្ញាអយ្យការសាលាដំបូងខេត្តកំពង់ឆ្នាំង នាព្រឹកថ្ងៃទី ២៨ ខែមិនា ឆ្នាំ២០២២នេះ។
នៅថ្ងៃទី១៧/៣/២០២២ ក្រោមការបញ្ជារផ្ទាល់ ពីឯកឧត្តម អ៉ិត សុធា ព្រះរាជអាជ្ញាអមសាលាដំបូងខេត្ត ដែលមានផ្នែកជលផលផ្សារឆ្នាំង សហការណ៍ និងអធិការខាងត្បូងបឹងទន្លេសាប ចុះអនុវត្តដីកាអោយចូលខ្លួនរបស់អយ្យការអមសាលាដំបូងខេត្ត លេខ ៤៥ អក ចុះថ្ងៃទី១៦/៣/២០២២។ ឃាត់ខ្លួន ឈ្មោះ ឡាំ យុំាងថាប់ រស់នៅឆ្នុកទ្រូ បរិបូណ៍ ពីបទឆក់ត្រី (ឆក់ត្រជាក់) ក្នុងនោះជនល្មេីសបានឆ្លេីយមានគូកន ៣ នាក់ផ្សេងទៀត ដែល២ នាក់រស់នៅ ឃុំផាត់សណ្តាយ កំពង់ធំ ត្រូវបានសមត្តកិច្ចក៍បង្ក្រាបបាន មធ្យោបាយរបស់គេប្រើប្រាស់ឆក់ត្រី ទូកបាឡាស្មាច់ ភ្ជាប់ម៉ាស៊ីន លុចសុីស ៣៣០ មួយគ្រឿងទៀតផងដែរ បានបញ្ជូនមកខណ្ឌជលផលនិងបំពេញនិតិវីធីជាមួយស្ថាប័នតុលាការ ។
ក្រោយពីចាប់បានជនជាតិវៀតណាមឈ្មោះ ឡាំ យុំាងថាប់ ដែលសកម្មឆក់ត្រី បានបន្តស៊ើបអង្កេត ឈ្មោះនេះបានសារភាពថារាល់បទល្មើសទាំងឡាយ ដែលខ្លួនបានប្រព្រឹត្តយកទៅលក់ឲ្យឈ្មោះ ហ៊ី ប៊ុនធី ជាជនជាតិវៀតណាម ភេទ ប្រុស អាយុ ២៩ ឆ្នាំ នៅចំណុចកោះមនោ ភូមិឆ្នុកទ្រូ ឃុំ ឆ្នុកទ្រូ ស្រុក បរិបូរណ៍ ដែលជាអ្នកទទួលទិញទាំងអស់ រហូតដល់ឈានដល់សមត្ថកិច្ចចាប់ខ្លួនឈ្មួញទិញត្រីឆក់ត្រជាក់ ឈ្មោះ ហ៊ី ប៊ុនធី ជាជនជាតិវៀតណាម នាថ្ងៃទី២៦ ខែមីនា ឆ្នាំ២០២២ វេលាម៉ោង ៣និង៣០ នាទី។
