(ក្រចេះ)÷កម្លាំងចម្រុះ ក្រោមការសម្របសម្រួលពីលោក ជា សុភក្រ័ ព្រះរាជអាជ្ញារងសាលាដំបូងខេត្ត បានចុះបង្ក្រាបទីតាំងសប្បកម្មកែច្នៃឈើអត់ច្បាប់ ដ៍ធំមួយកន្លែង ដោយរឹបអុសបានឈើជាច្រើនម៉ែត្រគូប និងវត្ថុតាងផ្សេងៗជាច្រើនទៀត។
ប្រតិបត្ត័ការបង្ក្រាបនេះធ្វើឡើងនៅល្ងាចថ្ងៃទី១១ ខែមិថុនា ឆ្នាំ២០១៩ ស្ថិតនៅភូមិ កន្ទ្រីង សង្កាត់អូរឬស្សី ក្រុងក្រចេះ។
មន្ត្រីរដ្ឋបាលព្រៃឈើបានឲ្យដឹងថា កម្លាំងចម្រុះចុះបង្ក្រាបរួមមាន÷កម្លាំងអាវុធហត្ថ កម្លាំងផ្នែករដ្ឋបាលព្រៃឈើក្រចេះ កម្លាំងសង្កាត់រដ្ឋបាលព្រៃឈើថ្មក្រែ រួមនិងអាជ្ញាធរមូលដ្ឋាន បានចុះបង្ក្រាបទីតាំងសប្បិកម្មនោះ ហើយខណះពេលនេះកម្លាំងជំនាញ់កំពុងដឹកជញ្ជូនឈើចេញពីសប្បិកម្មនោះមិនទាន់អស់នៅឡើយទេ កំពុងតែបន្ដដឹកជញ្ជូន។
លោក មី វុទ្ធី នាយសង្កាត់រដ្ឋបាលព្រៃឈើថ្មក្រែ បានឲ្យដឹងនៅព្រឹកថ្ងៃទី១២ខែមិថុនា នេះថា កម្លាំងរដ្ឋបាលព្រៃឈើកំពុងដឹងជញ្ជូនឈើយកទៅរក្សាទុកនៅស្ថានីបណ្ដុះកូនឈើខ្សា មិនទាន់រួចរាល់នៅឡើយទេ ហើយក៍មិនទាន់ដឹងចំនួនម៉ែត្រដែរដោយសារមិនទាន់បានធ្វើការវាស់វែង។
លោកបន្តទៀតថា ឈើទាំងនោះភាគច្រើជាឈើប្រភេទលេខ១(សុក្រំ)កម្លាំងជំនាញរឹបអុសបានឈើជាច្រើន និងម៉ាស៊ីនឈូសឈើចំនួន១គ្រឿង ម៉ាស៊ីនតាបចំនួន២គ្រឿង ចំណែកម្ចាស់សិប្បកម្មកែច្នៃនោះ មិនបានស្គាល់អត្តសញ្ញាណទេ ពេលកម្លាំងចុះទៅដល់ទីតាំងនោះពួកគេបានរត់គេចខ្លួនបាត់អស់។
