ខេត្តកំពង់ស្ពឺ ៖ រថយន្តបុករថយន្ត 3 គ្រឿងបណ្ដាលឲ្យស្លាប់10នាក់ស្រី01នាក់របួស3នាក់ធ្ងន់ធ្ងរ01នាក់ស្រី ខណៈបើកវ៉ាបញ្ច្រាស់ទិសគ្នាករណីគួឲ្យតក់ស្លុតនេះបង្កឲ្យមានការភ្ញាក់ផ្អើលនៅ
វេលាម៉ោង17និង50នាទី ថ្ងៃទី08.ខែមិថុនា ឆ្នាំ2019 នៅលើកំណាត់ផ្លូវជាតលេខ4 ចន្លោះគីឡូម៉ែត្រលេខ85និង86 ត្រង់ចំណុចភូមិទី 1 ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានរថយន្តម៉ាកហាឡែនឌ័រ 01គ្រឿង ពាក់ស្លាកលេខភ្នំពេញ2L-0071 ទិសដៅពីកើតទៅលិច ដល់ចំណុចកើតហេតុខាងលើ បានវ៉ារថយន្ត 01គ្រឿងម៉ាកហ៊ីយាន់់ដាយពាក់ស្លាកលេខភ្នំពេញ3E-6503 (ប្រភេទទេសចរណ៍) រួចជ្រុលទៅបុករថយន្ត 01គ្រឿងទៀតម៉ាកហ៊ីយ៉ាន់ដាយ ពាក់ស្លាកលេខភ្នំពេញ3D-7107 ក្នុងដំណើរបញ្ច្រាស់ទិសគ្នា បណ្តាលឲ្យឆេះរថយន្តចំនួន 02គ្រឿងខូចខាតអស់ទាំងស្រុងចំណែក01គ្រឿងទៀតខូចខាតធ្ងន់ធ្ងរ ស្លាប់មនុស្ស 10នាក់ ស្រី 01នាក់ របួស 03នាក់ ធ្ងន់ 01នាក់ស្រី ។
ករណីនេះ កម្លាំងនគរបាលស្រុកភ្នំស្រួចអន្តរាគមន៍ ប្រើប្រាស់រថយន្តពន្លត់អគ្គីភ័យ 01គ្រឿង អស់ទឹក 01រថយន្ត និងប្រមូលវត្ថុតាងយកមករក្សាទុកនៅផ្នែកចរាចរណ៍ផ្លូវគោក នៃអធិការដ្ឋាននគរបាលស្រុកភ្នំស្រួចដើម្បី អនុវត្តន៍ពេលក្រោយតាមផ្លូវច្បាប់ ៕
ដោយះអ៊ុំ ចិត្ត្រា
