ឱរ៉ាល់-កំពង់ស្ពឺ ៖ ន្លងមកគេតែងតែសង្កេតឃើញមានបុគ្គលដែលជាអាជ្ញាធរដែនដីមួយក្តាប់តូច និងបុគ្គលដែលជាសមត្ថកិច្ចជំនាញមួយចំនួនទៀត តែងតែបានធ្វើការរិះគន់និងវាយប្រហារជាពាក្យសម្ដីឬក៏សរសេរជាសារបង្ហោះនៅតាមបណ្ដាញសង្គមថា អ្នកកាសែតនៅតាមបណ្ដាអង្កភាពមួយចំនួន ផ្សាយព័ត៌មានមិនពិតផ្សាយព័ត៌មានបំភ្លៃពីការពិត ផ្សាយព័ត៌មានបំពុលសង្គម បរិហារបង្ខូចបង្កាច់កេរ្ត៍ជាសារធារណៈ នៅក្នុងខណៈពេលដែលអ្នកកាសែតមួយចំនួនទាំងនោះ ពួកគេបានធ្វើការចេញផ្សាយព័ត៌មានលាតត្រដាងអំពីរឿងពិត ដើម្បីជូនជាដំណឹងដល់ថ្នាក់ដឹកនាំក៏ដូចជាប្រមុខដឹកនាំនៃរាជរដ្ឋាភិបាលកម្ពុជា ដើម្បីឲ្យលោកបានជ្រាបជាព័ត៌មាន ដែលជាហេតុធ្វើឲ្យប៉ះពាល់ ឬក៏ខាតបង់ដល់ ផលប្រយោជន៍ដោយផ្ទាល់ខ្លួនរបស់ពួកគេនិងផលប្រយោន៍បក្សពួករបស់ពួកគេមួយក្តាប់តូចទៀត.ជួនកាលក៏មានអស់លោកអាជ្ញាធរដែនដីដែលគ្រប់គ្រងនៅតាមបណ្ដាតំបន់ខ្លះឬក៏នៅតាមបណ្ដាមូលដ្ឋានមួយចំនួនរួមទាំងអស់លោកសមត្ថកិច្ចជំនាញនៅតាមបណ្ដាសស្ថាប័នពាក់ព័ន្ធមួយចំនួនទៀត ពួកគេឈានទៅដល់ដាក់ពាក្យបណ្ដឹងប្ដឹងអ្នកសារព័ត៌មាន ផ្សេងៗដែលពួកគេធ្វើការចេញផ្សាយព័ត៌មាន ពាក់ពទ្ធ័ទៅនឹងហេតុការណ៍អ្វីមួយដែលបានកើតឡើងដោយជាក់ស្ដែង ដោយពិតប្រាកដ ស្របទៅតាមគោលនយោបាយនៃការដឹកនាំរបស់ប្រមុខដឹកនាំនៃរាជរដ្ឋាភិបាលកម្ពុជា ដោយស្របទៅតាមក្រមសីលធម៌និងវិជ្ជាជីវៈ របស់អ្នកសារព័ត៌មាននៅតាមបណ្ដាអង្គភាពទាំងនោះ..ដោយបំពានទៅនឹងការពិតទៅកាន់តុលាការ វិញថែមទៀតផងក៏មាននោះដែរ។
ដោយឡែកថ្ងៃនេះក្រុមការងាបាសិទ្ធធីវីរបស់យើងខ្ញុំ និងបង្វែរអារម្មណ៍របស់បងប្អូនប្រជាពលរដ្ឋក៏ដូចជាសាធារណ:ជនផ្សេងៗទៀត ព្រមទាំងថ្នាក់ដឹកនាំនៅតាមបណ្ដាស្ថាប័នពាក់ព័ន្ធមួយចំនួនទៀតឲ្យមកក្រឡេកមើល អំពីសកម្មភាព យ៉ាងអនាធិបតេយ្យ និងយ៉ាងគគ្រឹកគគ្រេងហុយដីឲ្យទ្រលោម ឆ្លងកាត់តាមខាងមុខស្នាក់ការដែនជម្រកសត្វព្រៃភ្នំឱរ៉ាល់ ដែលមានទីតាំងស្ថិតនៅក្នុងឃុំ សង្កែសាទប ស្រុកឱរ៉ាល់ ខេត្តកំពង់ស្ពឺ ដែលស្ថិតនៅក្រោមការគ្រប់គ្រងរបស់លោក ហ៊ុល ម៉ារ៉ា ប្រធានការិយាល័យដែនជម្រកសត្វព្រៃភ្នំឱរ៉ាល់សព្វថ្ងៃនេះតែម្ដង។
ហើយសកម្មភាពនៃការដឹកជញ្ជូនអុសខ្នាតឬក៏ឈើខ្នាតស្រស់ៗ និងសកម្មភាពនៃការដឹកជញ្ជូនផលអនុផលព្រៃឈើចម្រុះប្រភេទផ្សេងៗទៀត ព្រមទាំងសកម្មភាពរបស់ក្រុមឈ្មួញទាំងនោះ ចេញពីក្នុងតំបន់ដែនជម្រកសត្វព្រៃភ្នំឱរ៉ាល់និងសកម្មភាពនៃការដឹកជញ្ជូនធ្យូង របស់ក្រុមឈ្មួញទាំងនោះ ដែលបាននឹងកំពុងតែប្រព្រឹត្តទៅយ៉ាងគគ្រឹកគគ្រេងនិងយ៉ាងអនាធិបតេយ្យទាំងនេះ គឺក្រុមការងារបាសិទ្ធ ធីវី របស់យើងខ្ញុំបានចុះទៅថតផ្ដិតយកនូវរូបភាពនៃសកម្មភាពទាំងនេះ នៅក្នុងរាត្រីនៃយប់ថ្ងៃទី ១៩ មករា ២០២៤ បានយ៉ាងជាក់ៗស្ដែងតែម្ដង ដោយមិនអាចប្រកែកឬក៏ធ្វើការចោទប្រកាន់មកលើក្រុមការងារ បាសិទ្ធ ធីវី របស់យើងខ្ញុំ ទៅតាមតែការនឹកឃើញដោយបំពាន មកលើក្រុមការងាររបស់យើងខ្ញុំដោយផ្ទុយអំពីការពិតបាននោះឡើយ។
បើយោងទៅតាមសេចក្តីរាយការណ៍ដ៏ច្បាស់ការ ពីប្រជាពលរដ្ឋនៅឃុំ សង្កែសាទប ស្រុកឱរ៉ាល់ ខេត្តកំពង់ស្ពឺបានប្រាប់ឲ្យដឹងថា រាល់ការដឹកជញ្ជូនអុសម៉ែត្រដឹកជញ្ជូនឈើខ្នាតស្រស់ៗ ដឹកជញ្ជូនធ្យូង និងការដឹកជញ្ជូនផលអនុផលព្រៃឈើប្រភាពផ្សេងៗទៀតតាមរថយន្តសាំយ៉ុង រថយន្តកូរ៉េ រថយន្តប្រភេទផ្សេងៗទៀត ឆ្លងកាត់តាមខាងមុខស្នាក់ការដែនជម្រកសត្វព្រៃភ្នំឱរ៉ាល់ ដែលស្ថិតនៅក្រោមការគ្រប់គ្រងរបស់លោកហ៊ុល ម៉ារ៉ា ប្រធានការិយាល័យដែន ជម្រកសត្វព្រៃភ្នំឱរ៉ាល់ភូមិសាស្ត្រខេត្តកំពង់ស្ពឺ ដែលបាននឹងកំពុងតែបោះទីតាំងឈរជើងប្រចាំការ នៅក្នុងភូមិសាស្ត្រនៃឃុំ សង្កែរសាទប ស្រុកឱរ៉ាល់ សព្វថ្ងៃនេះ ចេញពីតាមបណ្ដាតំបន់ផ្សេងៗទៀតដោយឆ្លងកាត់តាមរង្វង់មូលកន្ទួត ជារៀងរាល់ថ្ងៃនេះ គឺក្រុមឈ្មួញទាំងនោះពួកគេបានបង់លុយ បង់កាក់ ទៅឲ្យអស់លោកមន្ត្រីបរិស្ថាន ត្រូវជាកូនចៅរបស់លោក ហ៊ុល ម៉ារ៉ា ប្រធានការិយាល័យដែនជម្រកសត្វព្រៃភ្នំឱរ៉ាល់ សព្វថ្ងៃនេះដែលបានឈជើងប្រចាំការនៅស្នាក់នៃចំណុចនោះតែម្ដង ដោយគ្រប់ៗគ្នា រួចរាល់អស់បាត់ទៅហើយដោយមិនអាចរំលងបានឡើយ បើទោះបីជាដឹកច្រើនឬក៏ដឹកតិចយ៉ាងណាក៏ដោយក្តី។
សេចក្តីរាយការណ៍ដ៏ច្បាស់ការដដែលនោះបានលើកឡើងឲ្យបានដឹងជាបន្តទៅទៀតថា ប្រសិនបើក្រុមឈ្មួញ ដែលពួកគេធ្វើសកម្មភាពដឹកជញ្ជូនអុសខ្នាតឬក៏ឈឺខ្នាតស្រស់ៗ ដឹកជញ្ជូនធ្យូង និងដឹកជញ្ជូនផលអនុផលព្រៃឈើប្រភេទផ្សេងៗទៀត ចេញពីក្នុងតំបន់ដែនជំរកសត្វព្រៃភ្នំឱរ៉ាល់.និងចេញពីក្នុងតំបន់ដែនព្រៃអភិរក្សផ្សេងៗទៀត ស្ថិតនៅក្នុងភូមិសាស្ត្រនៃទឹកដីខេត្តកោះកុង ដែលមានព្រំប្រទល់ជាប់ទៅនឹងទឹកដីនៃស្រុកឱរ៉ាល់ ខេត្តកំពង់ស្ពឺ ជារៀងរាល់ថ្ងៃនេះ មិនបានចរចាឬក៏ធ្វើការទំនាក់ទំនង ក៏ដូចជាជម្រាបប្រាប់ឬក៏ជូនជាដំណឹង អំពីសកម្មភាពនៃការដឹកជញ្ជូនផលអនុផលព្រៃឈើចម្រុះគ្រប់ប្រភេទ ចេញពីតាមបណ្ដាតំបន់ព្រៃនៃដែនអភិរក្សទាំងនោះ ដើម្បីឱ្យអស់លោកមន្ត្រីបរិស្ថានដែលត្រូវជាកូនចៅរបស់លោក ហ៊ុល ម៉ារ៉ា ដែលបាននឹងកំពុងតែឈរជើងប្រចាំការនៅស្នាក់ការដែនជម្រកសត្វព្រៃភ្នំឱរ៉ាល់ ស្ថិតនៅចំណុចដូចបានជម្រាបជូនខាងលើ ឲ្យបានដឹងជាមុនទេនោះទេ ក៏អស់លោកមន្ត្រីបរិស្ថានទាំងនោះពួកគេមិនអនុញ្ញាត ឲ្យក្រុមឈ្មួញទាំងនោះដឹកជញ្ជូនផលអនុផលព្រៃឈើ តាមមធ្យោបាយផ្សេងៗ ឆ្លងកាត់តាមខាងមុខដែនជម្រកសត្វព្រៃភ្នំឱរ៉ាល់ បានយ៉ាងងាយៗប្រកបទៅដោយសភាពយ៉ាងរលូនទៅបានយ៉ាងដូច្នេះនោះដែរ.។
សេចក្តីរាយការណ៍បានលើកឡើងឲ្យបានដឹងជាបន្តទៅទៀតថាពួកគាត់ក៍មិនបានដឹងដែរថាតើក្រុមឈ្មួញដែលពួកគេបាននឹងកំពុងតែធ្វើសកម្មភាព សម្រុកដឹកជញ្ជូនអុសម៉ែត្រឬក៏ឈើខ្នាតស្រស់ៗ ដឹកជញ្ជូនធ្យូង និងដឹកជញ្ជូនផលអនុផលព្រៃឈើប្រភេទផ្សេងៗទៀតតាមរយ: រថយន្តសាំយ៉ុង
តាមរថយន្តធុនឬក៏ម៉ាកផ្សេងៗទៀត ចេញពីក្នុងតំបន់ដែនជម្រកសត្វព្រៃភ្នំឱរ៉ាល់ភូមិសាស្ត្រខេត្តកំពង់ស្ពឺ ឆ្លងកាត់តាមខាងមុខស្នាក់ការបរិស្ថានដែនជម្រសត្វព្រៃភ្នំឱរ៉ាល់ភូមិសាស្ត្រ ខេត្តកំពង់ស្ពឺ ដែលស្ថិតនៅក្រោមការគ្រប់គ្រងរបស់លោក ហ៊ុល ម៉ារ៉ា ប្រធានការិយាល័យដែលជម្រុះសត្វព្រៃភ្នំឱរ៉ាល់ភូមិសាស្ត្រខេត្តកំពង់ស្ពឺសព្វថ្ងៃនេះ និងចេញពីតាមបណ្ដាញច្រកផ្លូវផ្សេងៗទៀត ឆ្លងកាត់តាមរង្វង់មូលកន្ទួត ស្រុក ឱរ៉ាល់ ជារៀងរាល់ថ្ងៃនេះ ដោយពួកគេបានបង់លុយ ឱ្យទៅអស់លោកមន្ត្រីឧទ្យានុរក្ស ដែលបានឈរជើងប្រចាំការ នៅស្នាក់ការដែនជំរកសត្វព្រៃភ្នំឱរ៉ាល់ ដែលមានទីតាំងនៅចំណុចដូចបានលើកឡើងខាងលើនោះ ក្នុងមួយរថយន្តមួយរថយន្តៗ ចំនួនប៉ុន្មានម៉ឺនរៀល ឬក៏ចំនួនប៉ុន្មានដុល្លា ឲ្យប្រាកដដែរនោះឡើយ សេចក្តីរាយការណ៍បានបន្តទៀតថា ប្រហែលជាដោយសារតែក្រុមឈ្មួញទាំងនោះពួកគេសំអាងទៅលើ ពួកគេបានបង់លុយ បង់កាក់ ទៅអស់លោកមន្ត្រីឧទ្យានុរក្ស ដែលឈរជើងប្រចាំការនៅស្នាក់ការដែនជម្រកសត្វព្រៃភ្នំឱរ៉ាល់ សព្វថ្ងៃនេះ និងអស់លោកសមត្ថកិច្ចជំនាញនៅតាមបណ្ដាស្ថាប័នពាក់ព័ន្ធមួយចំនួនទៀត ដែលបាននឹងកំពុងតែឈរជើងប្រចាំការចាំបង្ក្រាបបទល្មើសព្រៃឈើ នៅលើទឹកដីនៃស្រុកឱរ៉ាល់ខេត្តកំពង់ស្ពឺសព្វថ្ងៃនេះ ហើយមើលទៅនោះ បានជាក្រុមឈ្មួញទាំងនោះ ពួកគេហ៊ានដឹកជញ្ជូនអុសម៉ែត្រឬក៍ដឹកជញ្ជូនឈើខ្មាតស្រស់ៗ ដឹកជញ្ជូនធ្យូង និងដឹកជញ្ជូនផលអនុផលព្រៃឈើចម្រុះប្រភេទផ្សេងៗទៀតឆ្លងកាត់តាមតំបន់នោះ យ៉ាងសម្ងែង ពើងទ្រូង អួតអាងវ៉ាងទី ព្រមទាំងវាយឬកវាយពា យ៉ាងខែងរ៉ែងនិងយ៉ាងក្រអឺតក្រទម ដោយមិនខ្លាចញញើតជាមួយនឹងអស់លោកសមត្ថកិច្ចជំនាញនៅតាមបណ្ដាសាបន្ថ័ពាក់ព័ន្ធណាម្នាក់ នៅលើកទឹកដីនៃស្រុកឱរ៉ាល់សព្វថ្ងៃនេះយ៉ាងដូច្នេះទៅវិញនោះ។
ប្រជាពលរដ្ឋទាំងនោះពួកគាត់បានលើកឡើងឲ្យបានដឹងជាបន្តទៅទៀតថា ព្រៃឈើចម្រុះទាំងតូចទាំងធំគ្រប់ប្រភេទដែល ជាគម្របព្រៃឈើនៅសេសសល់ចុងក្រោយ នៅក្នុងតំបន់ដែនជំរកសត្វព្រៃភ្នំឱរ៉ាល់ភូមិសាស្ត្រខេត្តកំពង់ស្ពឺ ស្ថិតនៅក្រោមការគ្រប់គ្រងរបស់មន្ទីរបរិស្ថានខេត្តកំពង់ស្ពឺសព្វថ្ងៃនេះ ដូចជាព្រៃឈើចម្រុះនៅតាមបណ្ដាតំបន់អភិរក្សផ្សេងៗទៀត ស្ថិតនៅលើទឹកដីនៃខេត្តកោះកុងនិងស្ថិតនៅលើទឹកដីនៃខេត្តពោធិ៍សាត់ បាននឹងកំពុងតែរងនៅការកាប់បំផ្លាញយ៉ាងរង្គាលនិងរាលដាលយ៉ាងដំណំ យ៉ាងស្រស្រាក់ ស្រស្រាំពីតំបន់មួយទៅកាន់តំបន់មួយ ជារៀងរាល់ថ្ងៃ ពីសំណាក់ប្រជាពលរដ្ឋ ក្រុមឈ្មួញតូចធំជាច្រើនផ្សេងៗទៀត ស្ថិតនៅក្រោមការបើកសញ្ញាភ្លើងខៀវឬក៏បើកដៃយ៉ាងពេញទំហឹង តាមរយៈនៃការឃុបឃិតគ្នាដោយស្ងាត់ៗ ជាលក្ខណៈប្រព័ន្ធ ជាមួយមន្ត្រីឧទ្យានុរក្សទាំងនោះ ដែលពួកគេបាននឹងកំពុងតែឈរជើងប្រចាំការ ចាំការពារថែរក្សានិងទប់ស្កាត់រាល់ការអារឬក៍ការកាប់បំផ្លាញព្រៃឈើនិងការដឹកជញ្ជូនផលអនុផលព្រៃឈើចម្រុះគ្រប់រូបភាពទាំងអស់ នៅតាមបណ្ដាតំបន់ព្រៃ នៃដែនអភិរក្សទាំងនោះ និងការដេឹកជញ្ជូនផលអនុផលព្រៃឈើចម្រុះ ចេញពីក្នុងតំបន់ព្រៃដែនជំរកសត្វភ្នំឱរ៉ាល់និងចេញពីតាមបណ្ដាតំបន់ដែនព្រៃអភិរក្ស នៅតាមបណ្ដាតំបន់ទាំងនោះសព្វថ្ងៃនេះតែម្ដង។
ចំណែកឯសេចក្តីរាយការណ៍ដ៏ច្បាស់ការដាច់ដោយឡែកមួយទៀត ក៏បានប្រាប់ឲ្យក្រុមការងារ បាសិទ្ធ ធីវី របស់យើងខ្ញុំបានដឹង ព្រឹកថ្ងៃទី ២០ មករាពី ២០២៤ នេះថា បើតាមតែពួកគាត់ធ្វើការសន្និដ្ឋានឬក៏ទោះទាយមើលទៅ ព្រៃឈើចម្រុះនៅក្នុងតំបន់ ដែនជម្រកសត្វព្រៃភ្នំឱរ៉ាល់ ដែលជាគម្របព្រៃឈើនៅសេសសល់បន្តិចបន្តួចចុងក្រោយនៅក្នុងតំបន់នោះសព្វថ្ងៃនេះ ប្រាកដជានឹងត្រូវរលាយហិនហោចក្លាយទៅជាវាលរហោឋាន នៅក្នុងពេលដ៏ឆាប់ៗនាថ្ងៃខាងមុខនេះជាក់ជាពុំខាន នោះឡើយ នោះប្រសិនបើថ្នាក់ដឹកនាំនៅតាមបណ្ដាមន្ទីរ ឬក៍ នៅតាមបណ្ដាក្រសួងពាក់ព័ន្ធមួយចំនួនទៀត លោកមិនបានរឹតបន្តឹងអំពីរយន្តការ នៃការទប់ស្កាត់និងបង្ក្រាបបទល្មើសធនធានធម្មជាតិដែលបាននឹងកំពុងតែកើតមានឡើងយ៉ាងចម្រុងចម្រាស់និងយ៉ាងអនាធិបតេយ្យនៅលើ ទឹកដីនៃស្រុកឱរ៉ាល់ ខេត្តកំពង់ស្ពឺសព្វថ្ងៃនេះ ឲ្យបានទាន់ពេលវេលាទៅតាមបទបញ្ជាដ៏ម៉ឺងម៉ាត់របស់ប្រមុខដឹកនាំនៃរាជរដ្ឋាភិបាលកម្ពុជា ដែលលោកបានដាក់ចេញមកឲ្យ អស់លោកអាជ្ញាធរដែនដីក៏ដូចជាអស់លោកមន្ត្រីជំនាញ នៅតាមបណ្ដាស្ថាប័នពាក់ព័ន្ធនានា ដែលជាអ្នកអនុវត្តច្បាប់ថ្នាក់ក្រោមជាតិ នាគ្រាកន្លងមកនោះ។
ពាក់ព័ន្ធជុំវិញបញ្ហាដែលប្រជាពលរដ្ឋនៅស្រុកឱរ៉ាល់ក៏ដូចជាមហាជនមួយចំនួនទៀតដែលពួកគាត់ បានលើកឡើងនិងបានរិះគន់យ៉ាងចំៗ ទៅលើលោកហ៊ុល ម៉ារ៉ា ប្រធានការិយាល័យដែនជម្រកកសត្វព្រៃភ្នំឱរ៉ាល់ ដូចជាបានលើកឡើងខាងលើនោះ ក្រុមការងារបាសិទ្ធ ធី វីរបស់យើងខ្ញុំ នៅពុំទាន់អាចស្វែងរកប្រភពណាមួយ ដើម្បីធ្វើការទំនាក់ទំនងសុំការប្រតិកម្ម ពីសំណាក់លោកហ៊ុល ម៉ារ៉ាប្រធានការិយាល័យដែលជម្រកសត្វព្រៃភ្នំឱរ៉ាល់ រូបនោះ និងលោកប្រធានមន្ទីរបរិស្ថានខេត្តកំពង់ស្ពឺ ដើម្បីជាការឆ្លើយតបទៅនឹងការលើកឡើងរបស់ប្រជាពលរដ្ឋ ព្រមទាំងមហាជនមួយចំនួនទៀតបាននៅឡើយនោះទេ នៅក្នុងថ្ងៃនេះ ។
