សំរោងទង.កំពង់ស្ពឺ.កម្លាំងសមត្ថកិច្ចនៃអធិការស្រុកសំរោងទង ខេត្តកំពង់ស្ពឺ ចុះទៅបង្ក្រាបទី សង្វៀនប្រជល់មាន់មួយកន្លែងដែលមានទីតាំងស្ថិតនៅក្នុងភូមិកែវឧត្តមឃុំត្រពាំងគងស្រុកសំរោងទង ។ ការចុះទៅបង្ក្រាបសង្វៀនប្រជល់មាន់មួយកន្លែងស្ថិតនៅក្នុងទីតាំងដូចបានលើកឡើងខាងលើនោះ កម្លាំងសមត្ថកិច្ចនៃអធិការដ្ឋាននគរបាលស្រុកសំរោងទង បានធ្វើឡើងកាលពីថ្ងៃទី ២០២៤ មករា ២០២៤ តាមការចង្អុលបង្ហាញរបស់ លោកសម សាមួនស្នងការនគរបាលខេត្តកំពង់ស្ពឺ។ សមត្ថកិច្ចបានឲ្យដឹងថាចំពោះប្រតិបត្តិការនៃការចុះទៅបង្ក្រាបទីតាំងនៃសង្វៀន ប្រជល់មាន់មួយកន្លែងស្ថិតនៅក្នុងភូមិកែវឧត្តម ឃុំត្រពាំងគង នៅក្នុងគ្រានោះ សមត្ថកិច្ចបានធ្វើការឃាតខ្លួនក្រុមអ្នកជល់មាន់បានចំនួន ៤ នាក់និងមានឈ្មោះដូចខាងក្រោម។
១.ឈ្មោះឱ សំណាង ភេទប្រុសអាយុ 58 ឆ្នាំ ជាម្ចាស់សង្វៀប្រជល់មាន់
២..ខាត់ ចាន់ធឿន ភេទប្រុសអាយុ ៤៤ អ្នកពីរនាក់ ខាងលើនេះមានទីលំនៅនៅភូមិកែវឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ។
៣.ឈ្មោះហាយ ហាន ភាតប្រុសអាយុ ៤១ ឆ្នាំមានទីលំនៅនៅភូមិត្រពាំងរកាឃុំត្រពាំងកងស្រុកសំរោងទង
និង ៤ ឈ្មោះជាងមិនាភេទប្រុសអាយុ ២៤ ឆ្នាំមានទីលំនៅនៅភូមិឈើទាល ឃុំរលាំងគ្រើល ស្រុកសំរោងទង ខេត្តកំពង់ស្ពឺ។ ដែលកម្លាំងសមត្ថកិច្ច រឹបអូសបានពីក្រុមអ្នកប្រជល់មាន់ទាំងនោះមានរួមដូចខាងងក្រោម។
មាន់២ ក្បាល សង្វៀន ១ ម៉ូតូ ២ គ្រឿងចង្ក្រានហ្គាស ១ កន្ធុនទឹក ១ ចាន ១ នឹងប្រាក់ ចំនួន១០៨០០០ម៉ឺនរៀល។
ចំណែក ជនសង្ស័យទាំង ៤ នាក់ ដែលជាអ្នកញៀននៅក្នុងការលេងល្បែងប្រជល់មាន់ដាច់បាយ ក្រហាយទឹកទាំងនោះៗវិញ ត្រូវបានសមត្ថកិច្ចជំនាញនៃអធិការដ្ឋាននគរបាលស្រុកសំរោងទងកសាងសំណុំរឿងចាត់ការទៅតាមផ្លូវច្បាប់ជាបន្ត។
