កណ្តាល.ក្រុមចោរចិត្តឆើតដៃឆៅដែលបានទៅលួចគាស់ផ្ទះរបស់ប្រជាពលរដ្ឋនៅភូមិព្រៃរំដួល ឃុំទួលព្រេជ ស្រុកអង្គស្នួល ខេត្តកណ្ដាល កាលពីរសៀលថ្ងៃទីថ្ងៃទី០៨ ខែតុលា ឆ្នាំ២០២៥ ថ្មីៗនេះដែលត្រូវបានប្រជាការពារនិងសមត្ថកិច្ចប៉ុស្តិ៍នគរបាលរដ្ឋបាលទូលព្រេជពទ្ធ័ចាប់បាននោះបានបញ្ជូនជនសង្ស័យទាំងពីរនាក់ទៅកាន់អធិការដ្ឋាននគរបាលស្រុកអង្គស្នួលហើយ ៕ ហើយចំណែកឯប្រជាពលរដ្ឋដែលជាជនរងគ្រោះដោយសារតែជនសង្ស័យទាំងពីរនោះបានលួចគាស់ផ្ទះរបស់គាត់នៅក្នុងគ្រានោះ
មាន ឈ្មោះ ឈឺន នុង ភេទប្រុស អាយុ៣០ឆ្នាំ ជនជាតិខ្មែរ មុខរបរកម្មករ ទីលំនៅបច្ចុប្បន្នភូមិព្រៃរំដួល ឃុំទួលព្រេជ ស្រុកអង្គស្នួល ខេត្តកណ្ដាល។
រីឯកជនសង្ស័យទាំងពីរនាក់ដែលត្រូវបានកម្លាំងសមត្ថកិច្ចចាប់ខ្លួននោះវិញ
១-ឈ្មោះ រិន ខ័ណ្ឌសីម៉ា ហៅប្រុស ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិព្រៃល្វា ឃុំពញាឮ ស្រុកពញាឮ ខេត្តកណ្ដាល នឹង ២-ឈ្មោះ សែម វាសនា ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នស្នាក់នៅបន្ទប់ជួលសង្កាតព្រែកព្នៅ ខណ្ឌព្រែកព្នៅ រាជធានីភ្នំពេញ និងដកហូតវត្ថុតាងពីជនសង្ស័យទាំងពីរនាក់នោះរួមមានដូចខាងក្រោម
១-ម៉ូតូ០១គ្រឿង Honda MSX ពណ៌ខៀវ គ្មានផ្លាកលេខ។
២-ក្បាំង Honda dream សេរីឆ្នាំ២០២២ ម៉ូឈុត
+សម្ភារៈបាត់បង់រួមមាន
-ក្បាំង Honda dream សេរីឆ្នាំ២០២២ មួយឈុត។
សមត្ថកិច្ចបានឲ្យដឹងថាមុនពេលរហេតុការណ៍នេះបានកើតឡើងនៅថ្ងៃទី០៨.១០.២០២៥ វេលាម៉ោង០៧ និង១៥នាទីព្រឹក ជនរងគ្រោះបានជិះម៉ូតូចេញពីផ្ទះដឹកប្រពន្ធ និងកូនទៅដាក់នៅផ្ទះម្ដាយក្នុងភូមិ រួចខ្លួនបានបន្តជិះទៅធ្វើការនៅការដ្ឋានសំណង់មួយកន្លែងដូចសព្វមួយដង។ លុះដល់វេលាកើតហេតុកូនរបស់ជនរងគ្រោះបានមកមើលផ្ទះ រួចក៏បានឃើញជនសង្ស័យខាងលើកំពុងតែធ្វើសកម្មភាពចូលក្នុងផ្ទះលួចយករបស់របរហើយបម្រុងជិះម៉ូតូរត់គេចខ្លួន ភ្លាមនោះកូនជនរងគ្រោះក៏បានស្រែកឆោឡោ ពេលនោះជនសង្ស័យភ័យរត់ចូលក្នុងស្រែ តែត្រូវបានប្រជាពលរដ្ឋដេញប្រផាប់ចាប់ប្រផីងទើបឃាត់ខ្លួនបាន ក្រោយមកប្រពន្ធរបស់ជនរងគ្រោះបានតេហៅជនរងគ្រោះឲ្យត្រឡប់មកផ្ទះវិញ និងរាយការណ៍ទៅកាន់សមត្ថកិច្ចប៉ុស្តិ៍នគរបាលរដ្ឋបាលទួលព្រេជ។ ក្រោយពីទទួលបានសេចក្ដីរាយការណ៍ពីប្រជាពលរដ្ឋ កម្លាំងសមត្ថកិច្ចប៉ុស្ដិ៍សហការជាមួយកម្លាំងផ្នែកនគរបាលយុត្តិធម៌ស្រុកអង្គស្នួល បានចុះដល់កន្លែងកើតហេតុ ធ្វើការនាំខ្លួនជនសង្ស័យ និងបក្ខពួករួមទាំងវត្ថុតាងមកអធិការដ្ឋាននគរបាលស្រុកអង្គស្នួលដើម្បីសួរនាំ។
-នៅចំពោះមុខសមត្ថកិច្ចជនសង្ស័យ និងបក្ខពួកបានឆ្លើយសារភាពថា ខ្លួនបានចូលទៅផ្ទះជនរងគ្រោះហើយធ្វើសកម្មភាពលួចយកទ្រព្យសម្បត្តិ ហើយបានបន្តសារភាពទៀតថា ពួកខ្លួនចេះប្រើប្រាស់ថ្នាំញៀនរយ:ពេល០៤ឆ្នាំមកហើយ។
បច្ចុប្បន្ននេះកម្លាំងកម្លាំងសមត្ថកិច្ចជំនាញបានកំពុងកសាងសំណុំរឿងដើម្បីបញ្ជូនទៅកាន់តុលាការចាត់ការតាមនិតិវិធីជាបន្ត។
