- ព័ត៌មានជាតិ

មន្ត្រី​ពេទ្យសត្វ​ខេត្ត​កំពង់ឆ្នាំង​ចុះ​ធ្វើការ​អប់រំ​ផ្សព្វផ្សាយ​អប់រុំ​និង​ចែក​ថ្នាំ​ព្យាបាល​ជំងឺ អ៊ុត​ក្តាម ដល់​ប្រជាពលរដ្ឋ​ឃុំ​ច្រណូក​នៃ​ស្រុក​កំពង់លែង

ខេត្ត​កំពង់ឆ្នាំង ៖ មន្ត្រី​ការិយាល័យ​ផលិតកម្ម​និង​បសុព្យាបាល នៃ​មន្ទីរ​កសិកម្ម​រុក្ខាប្រមាញ់​និង​នេសាទ ខេត្ត​កំពង់ឆ្នាំង​បស​ន​ចុះ​ធ្វើ​ការផ្សព្វផ្សាយ​អប់រំ​ណែនាំ​អំពី​របៀប​ព្យាបាល​គោ​កើត​ជំងឺ​អុតក្តាម​និង​សត្វ​ក្របី​ដែល​កើត​ជំងឺ​ក្តាម​គ្រាដែល​ស្ថានភាព​ទឹកជំ​នន់​ទឹកភ្លៀង​ធ្វើអោយ​សត្វ​គោ​ក្របី​កើត​ជម្ងឺ​ខាងលើនេះ ។​

​ការចុះ​ផ្សព្វផ្សាយ​អប់រំ​សត្វ​គោ​ក្របី​ដឹកនាំ​ដោយ​អនុប្រធាន​ការិយាល័យ​ផលិតកម្ម​និង​បសុព្យាបាល​នៃ​មន្ទីរ​កសិកម្ម​រុក្ខា​ប្រមាញ់​និង​នេសាទ​ខេត្ត​កំពង់ឆ្នាំង​លោក ហ៊ុន លី និង​សហការី​ធ្វើឡើង​ព្រឹក​ថ្ងៃទី 14 ខែតុលា ឆ្នាំ 2020 ។​

​គោលបំណង​ចុះ​អប់រំ​ផ្សព្វផ្សាយ ស្ដីអំពី ជម្ងឺ​អុតក្តាម​ដល់​សត្វ​គោ​និង​ក្របី ព្រមទាំង​ចែក​ថ្នាំ​ព្យាបាល សត្វ​ដល់​ប្រជាពលរដ្ឋ​ចំនួន 3 ភូមិ​ក្នុង​ឃុំ​ច្រណូក ស្រុក​កំពង់លែង ដែល​កំពុងតែ​ជួប​ហានិភ័យ​លើ​សត្វពាហនៈ​ដែល​ជា​កម្លាំង​អូសទាញ​ដ៍​សំខាន់​របស់​បងប្អូន​ប្រជាពលរដ្ឋ ។

​អនុប្រធាន​ការិយាល័យ ផលិតកម្ម និង​បសុព្យាបាល​នៃ​មន្ទីរ​កសិកម្ម​រុក្ខា​ប្រមាញ់​ខេត្ត​កំពង់ឆ្នាំង លោក ហ៊ុន​លី បាន មានប្រសាសន៍ថា ខែ​នេះ​ជា​រដូវ​ធ្លាក់ភ្លៀង ធ្លាក់​ខ្យល់​បូកផ្សំ​នឹង​ទឹកជំនន់​ផង​នោះ​បណ្ដាល​ឲ្យ​សត្វពាហនៈ​គោ​ក្របី តែង​កើត​ជំងឺ​អុតក្តាម​ជា​រៀងរាល់ឆ្នាំ ។

​លោក​បាន​ណែនាំ​ដល់​ប្រជាពលរដ្ឋ​ឱ្យ​ត្រូវ​ចេះ​អនាម័យ​ការពារ​ដល់​សត្វ​គោ​ក្របី​កុំឲ្យ​កើត​ជំងឺ​អុតក្តាម ដូចជា​ឱ្យ​ដេក​កន្លែង​ទី​ទួល​ស្ងួត​មិន​ដក់​ទឹក​នុង​មាន​សុវត្ថិភាព ។​

​លោក​ថា​សត្វ​គោ ក្របី​ដែល​កើត​ជំងឺ​អុត​ក្តាម ត្រូវតែ​ធ្វើការ​ព្យាបាល​ដោយ​យក​ទឹក​ម្ជូរ មាន​ដូចជា​ទឹក​ក្រូចឆ្មារ ឬ​យក​ស្លឹក​អំពិល​មក​ដាំ​ធ្វើជា​ទឹក​ម្ជូរ មក​លាង​សម្អាត ក្រចកជើង​ឬ​កន្លែង​ផ្សេងៗ​ដូច​យើង​លាង​របួស បន្ទាប់មក​យើង យក​ថ្នាំ​ដែល​បាន​ចែក​នៅពេលនេះ មក​លាង​នូវ​ចំណុច​ដែល​ឈឺ ជា​ការ​ស្រេច ។​

​ត្រូវ​រក​ស្មៅ​ខ្ចី​ឲ្យ គោ​ក្របី បរិភោគ សត្វ​ខ្លះ​អាច​កើត​ជំងឺ​មាត់​ផងដែរ​ដែល​វា​ពិបាក​នឹង​ទំពារ​ចំណី​រឹង ដូចជា​ចំបើង​ស្មៅ​រឹង​ផងដែរ​។

​ចំពោះ​ថ្នាំ​ដែល​បាន​ចែក​ជូន​បងប្អូន​នៅ​ពេល​នេះ​គឺជា​ថ្នាំ​ដែល​មាន​ប្រសិទ្ធិភាព​បំផុត ពេល​បងប្អូន​លាង​ក្រចកជើង​គោក្របី ដែល​កើត​ជំងឺ​រួច​លាប ទៅ​លើ​វា​រយៈពេល​ត្រឹមតែ​មួយ​ថ្ងៃ​ឬ​ពីរ​ថ្ងៃ​វា​នឹង ធូរស្រាល ហើយ​រយៈពេល​ប្រហែលជា ៤​ទៅ​៥​ថ្ងៃ​វា​នឹង ជាសះស្បើយ​អាច​ដើរ ស៊ី​ស្មៅ​បាន ជាក់​ជា​ពុំខាន​ឡើយ ។​

​សូម​បញ្ជាក់​ដែរ​ថា ប្រជាពលរដ្ឋ​ដែល​នាំ​គោ​ក្របី​មក​ទទួល​ថ្នាំ​វ៉ាក់សាំង​ការពារ​និង​ព្យាបាល​ជំងឺ​អុត​ក្តាម នឹង​ថ្នាំ​បាញ់​សម្លាប់​មេរោគ​នៅ​ព្រឹក​នោះ​មាន​ចំនួន ១១០​គ្រួសារ មកពី​ភូមិ​ចំនួន 3 គឺ​ភូមិ​ឯ​លិច ភូមិ​កណ្ដាល និង​ភូមិ​ធ្លក ដែល​មាន​គោ ក្របី​សរុប ១ ៦៥០​ចំនួន ក្បាល ក្នុងនោះ ក្របី ៥៨៩ ក្បាល​ផង​ដែរ​៕

Leave a Reply

Your email address will not be published. Required fields are marked *