ខេត្តកំពង់ស្ពឺ÷ នៅថ្ងៃទី ១០ ខែ ធ្នូ ឆ្នាំ ២០២០នៅភូមិអន្លង់សង្កែ ឃុំតាសាល ស្រុកឱរ៉ាល់ ខេត្តកំពង់ស្ពឺ មានករណីគ្រោះថ្នាក់ចរាចរណ៍មួយ បានកើតឡើង រវាងរថយន្តម៉ាស្តារពណ៌សរ ពាក់ផ្លាកលេខ ភ្នំពេញ 2BF 4036និងគោយន្តកន្ត្រៃដែលដឹកបង្គោលរបង ។
យោងតាមប្រភពប្រជាពលរដ្ឋដែលរស់នៅភូមិឃុំខាងលើបានប្រាប់អង្គភាពសារព័ត៌មានយើងឲ្យដឹងថានៅវេលាម៉ោង 17:10នាទី ពួកគាត់បានឃើញរថយន្តmasda ពណ៌សបានបោះពួយយ៉ាងលឿនតាមបណ្ដោយផ្លូវគ្រួសក្រហម លុះដល់ចំណុចកើតហេតុខាងលើបានវាក់អឺនិងគោយន្តកន្ត្រៃដែលផ្ទុកទៅដោយបង្គោលរបងពីលើជាច្រើនដើមដោយសារការបើក
បរក្នុងល្បឿនលឿនហើយស្ថានភាពផ្លូវគ្រួសក្រហមផងនោះតែកុងរថយន្តបានចាប់ប្រាំងមិនជាប់ក៏ជ្រុលទៅបុកគោយន្តកន្ត្រៃពីក្រោយយ៉ាងពេញទំហឹងបណ្ដាលអោយគោយន្តកន្ត្រៃធ្លាក់ពីលើថ្នល់គ្រោះក្រហមចូលទៅចិញ្ចើមផ្លូវស្របពេលនោះដែររថយន្តខាងលើក៏ធ្លាក់ប្រឡាយដូចគ្នា ។
តាមការបញ្ជាក់ពីប្រជាពលរដ្ឋនៅនឹងកន្លែងកើតហេតុបានបន្តទៀតថា គោយន្តកន្ត្រៃនិងរថយន្តខាងលើបានបើកទិសដៅស្របគ្នាហេតុការណ៍គ្រោះថ្នាក់ចរាចរណ៍ខាងលើនេះដែរបណ្ដាលឱ្យតិចកុងរថយន្តរងរបួសយ៉ាងធ្ងន់ធ្ងរចំណែកខាងរថយន្តវិញរងការខូចខាតមួយកំណាត់មុខស្ទើរទាំងស្រុងផងដែរចំណែកតៃកុងរថយន្តរងរបួសស្រាល ។
ភ្លាមៗនោះដែរប្រជាពលរដ្ឋបានបញ្ជូនតៃកុងគោយន្តកន្ត្រៃទៅសង្គ្រោះនៅមណ្ឌលសុខភាពចំណែកគោយន្តកន្ត្រៃនិងរថយន្តខាងលើត្រូវបានប្រជាពលរដ្ឋរាយការណ៍ជូនសមត្ថកិច្ចស្រុកឪរ៉ាល់យកទៅរក្សាទុកដើម្បីរង់ចាំម្ចាស់ដោះស្រាយតាមនីតិវិធីច្បាប់នៅពេលក្រោយ ៕