ខេត្តស្ទឹងត្រែង៖ ជនជាតិឡាវចំនួន២នាក់រងការចាប់ខ្លួនដោយមន្ទីរប្រឆាំងគ្រឿងញៀក្រសួងមហាផ្ទៃការិយាល័យ(ក៩)រួមសហការជាមួយកម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្ត។ដោយរឹបអូសថ្នាំញឿនបានមួយចំនួនធំនិងឃាត់ខ្លួនជនសង្ស័យចំនួន២នាក់កាលពីវេលាម៉ោង០៧និង៥០ នាទី ថ្ងៃទី១៥ ខែមករា ឆ្នាំ២០២១ នៅចំណុច ក្នុងព្រៃក្បែរស្ពានទី២ ផ្លូវ ប៉ុស្តិ៍អូរស្វាយ (ហៅប៉ុស្តិ៍ទឹក) ស្ថិត ភូមិអូរស្វាយ ឃុំ អូរស្វាយ ស្រុក បុរីអូរស្វាយសែនជ័យ។
ជនសង្ស័យជាជនជាតិឡាវចំនួន០២ នាក់ ទី១.ឈ្មោះ អៀ ថ ភេទ ប្រុស អាយុ ២៩ ឆ្នាំ ជនជាតិឡាវ ទី២.ឈ្មោះ ទន់ កែវ ភេទ ប្រុស អាយុ ២៨ ឆ្នាំ ជនជាតិឡាវអ្នកទាំង២រស់នៅទីក្រុងវៀងច័ន្ទ ប្រទេសឡាវ។
ក្រោយការឃាត់ខ្លួនជនសង្ស័យជនជាតិឡាវទាំង២នាក់រួមវត្ថុតាងជាក់ស្តែងក្រោមការសម្របសម្រួលពីព្រះរាជអាជ្ញាអមសាលាដំបូងខេត្តកម្លាំងសមត្ថកិច្ចបានបញ្ជូនជនសង្ស័យនិងវត្ថុតាងមកកាន់ស្នងការរដ្ឋាននគរបាលខេត្តស្ទឹងត្រែង ដើម្បីអនុវត្តន៍តាមនិតិវិធីច្បាប់ ៕
