- ព័ត៌មានជាតិ

ទីបំផុត ចេញ​ដី​ការ​បង្គាប់​ឲ្យ​សមត្ថកិច្ច​នាំ​ខ្លួន ស្នងការរង​នគរបាល​ខេត្ត​កំពត​ម្នាក់ និង​បក្ខពួក​២​នាក់ ដាក់​ពន្ធនាគារ​ព្រៃ​ស ពាក់ព័ន្ធ​ការជួញដូរ​គ្រឿងញៀន​ជិត​២​គីឡូក្រាម​..!!!

ភ្នំពេញ ៖ នៅ​រសៀល​ថ្ងៃ​ទី​១២ ខែ​មេសា ឆ្នាំ​២០២១ បាន​ចេញ​ដី​ការ​បង្គាប់​ឲ្យ​សមត្ថកិច្ច​នាំ​ខ្លួន​ស្នងការរង​នគរបាល​ខេត្ត​កំពត​ម្នាក់ និង​បក្ខពួក​២​នាក់​ដាក់​ពន្ធនាគារ​ព្រៃ​ស ។​

​មេខ្លោង​ជួញដូរ​គ្រឿងញៀន​ម្នាក់ គឺ​លោក​ស្នងការរង​នគរបាល​ខេត្ត​កំពត និង​បក្ខពួក​ចំនួន​២​នាក់​ទៀត ត្រូវបាន​តំណាង​អយ្យការ​ចោទប្រកាន់​ពីបទ រក្សាទុក និង​ដឹកជញ្ជូន​គ្រឿងញៀន និង​បទ សម្អាត​ប្រាក់ ហើយ​បញ្ជូន​បន្ដ​ទៅ​ចៅក្រម​ស៉ើបសួរ ដើម្បី​ចាត់ការ​តាម​នីតិវិធី​។​

​សំណុំរឿង​នេះ លោក សេង គឹម​ឡាក់ ព្រះរាជអាជ្ញារង ក្រោយពី​បញ្ចប់​ការសួរនាំ​នោះ បានសម្រេច​ចោទប្រកាន់​ជន​ទាំង​៣​នាក់​នេះ ពីបទ រក្សាទុក និង​ដឹកជញ្ជូន​គ្រឿងញៀន និង​បទ សម្អាត​ប្រាក់ តាម​មាត្រា ៤០ និង​មាត្រា​៧២ ច្បាប់​ស្តីពី​ការ​ត្រូតពិនិត្យ​គ្រឿងញៀន​។​

​ជនជាប់ចោទ​ទាំង​៣​នាក់ ដែល​ពាក់ព័ន្ធ​បទល្មើស​ជួញដូរ​គ្រឿងញៀន​នេះ​មាន
១.​ឈ្មោះ អ៉ឹម ឈួន អាយុ​៥១​ឆ្នាំ ជា​ស្នងការរង​នគរបាល​ខេត្ត​កំពត ទទួល​ផែន​អគ្គិភ័យ និង​អាវុធជាតិផ្ទុះ
២.​ឈ្មោះ កែវ ទិត្យ​មេសា អាយុ​២១​ឆ្នាំ
៣.​ឈ្មោះ ហុង គា អាយុ​៦១​ឆ្នាំ​។ ក្នុង​ប្រតិបត្តិការ​នេះ​កម្លាំង​នគរបាល​ជំនាញ ដកហូត​បាន ថ្នាំញៀន ប្រភេទ​ម៉េតំ​ហ្វេ​តា​មីន (ICE) ទម្ងន់​១,៧៣៨.៣៣​ក្រាម ។​

​ឃាត់ខ្លួន​មនុស្ស​៣​នាក់ និង​ថ្នាំញៀន​ជិត​២​គីឡូក្រាម ក្នុងនោះ​មេក្លោង​ជា​ស្នងការរង​នគរបាល​ខេត្ត​កំពត គឺ​ឧត្តមសេនីយ៍ត្រី អ៉ឹម ឈួន​។ ប្រតិបត្តិការ​នេះ ធ្វើឡើង​នៅ​ថ្ងៃទី​០៦ ខែ​មេសា ឆ្នាំ​២០២១ នៅ​ចំណុច​ចំណត​រថយន្ត​ផ្សារ​ខា​លែ​ន​ឌែ​ល ម៉ល (​បឹងកក់​) ស្ថិតក្នុង​សង្កាត់​ស្រះចក ខណ្ឌដូនពេញ ដោយ​កម្លាំង​មន្ទីរ​ប្រឆាំង​គ្រឿងញៀន ៕

Leave a Reply

Your email address will not be published. Required fields are marked *