- ព័ត៌មានជាតិ, សន្តិសុខ សង្គម

បុរស​ដែល​ជា​តៃកុង​ឡាន​ដឹក​ដី​ម្នាក់​បាន​អង្គុយលេង​នៅ​ក្រោម​ខាង​ស្រាប់តែ​តៃកុង​ឡាន​ម្នាក់​ទៀត​បញ្ឆេះ​រថយន្ត​ជាប់​លេខ​កិន​បណ្ដាល​ឱ្យ​ឲ​ស្លាប់​យ៉ាង​អនោចអធម្ម​

ខេត្ត​បន្ទាយមានជ័យ ៖ បុរស​ម្នាក់​អង្គុយ​និយាយ​លេង​ក្រោម​កង់​ឡាន​ដឹក​ដី ដល់​ពេល​ថៅ​កុង​ឡើង​បញ្ឆេះ​ឡាន​ស្រាប់តែ​ជាប់​លេខ​ឡាន​បើក​ទៅ​មុខ​បណ្តាលឲ្យ​កិន​ស្លាប់​យ៉ាងអ​ណោ​ចអាធ័ម នៅវេលា​ម៉ោង​៨​និង​១០​នាទី​ព្រឹក​ថ្ងៃទី​២០ ខែ​ឧសភា ឆ្នាំ​២០២១ នៅ​ភូមិ​ដូន​ឡឹ​ក ឃុំ​សំបួរ ស្រុក​មង្គល​បូរី ខេត្ត​បន្ទាយមានជ័យ ។

​នគរបាល​មូលដ្ឋាន ឃុំ​សំបួរ បានឲ្យដឹងថា​ ​ជនរងគ្រោះ​មាន ឈ្មោះ សេង ហ៊ឺ ភេទ ប្រុស អាយុ ៣៦ ឆ្នាំ មុខរបរ​អ្នកបើករថយន្ត រស់នៅ​ភូមិ​ស្រមោច ឃុំ​ព្រះនេត្រព្រះ ស្រុក​ព្រះនេត្រព្រះ ខេត្ត​បន្ទាយមានជ័យ ។​

​នគរបាល​បាន​បញ្ជាក់​ឲ្យដឹង​បន្ត​ទៀត​ថា នៅ​មុនពេល​កើតហេតុ​ជនរងគ្រោះ រួមទាំង អ្នកបើកអេ​ស្ការបាន​អង្គុយលេង​នៅ​ក្រោម​កង់​រថយន្តបែន​ដឹក​ដី​របស់​ឈ្មោះ ឈុំ កញ្ញា ភេទ​ប្រុស អាយុ ៣១​ឆ្នាំ នៅ​ភូមិ​តា​ឡំ​ចុង ឃុំ​តា​ឡំ ស្រុក​មង្គល​បូរី ខេត្ត​បន្ទាយមានជ័យ មុខរបរ​អ្នកបើករថយន្ត អង្គុយ​លេង​ជា​ច្រើន​ម៉ោង អ្នកបើកអេ​ស្ការក៏​ដើរ​ទៅ​បើ​កអេ​ស្ការ​ដើម្បី​កាយ​ដី ចំំ​ណែក​ឈ្មោះ​ឈុំ កញ្ញា បាន​ដើរ​ឡើង​រថយន្ត​របស់​ខ្លួន​ហើយ​បាន​បញ្ឆេះ​ដើម្បី​លើក​ទ្រុង​ឡាន​ចាក់​ដី​នៅ​ជាប់​ពី​ល្ងាច​ចេញ​ពេល​នោះ​ជនរងគ្រោះ​មិន​បាន​ក្រោក​ចេញ​ពី​កង់​ក្រោយ​រថយន្ត​នៅពេល​ដែល​ឈ្មោះ​ឈុំ កញ្ញា បាន​បញ្ឆេះ​ម៉ាស៊ីន​បាញ់​ខ្យល់​ចាក់​ដី​ចេញពី​ឡាន​ក៏​ស្រាប់តែ​ឡាន​ជាប់​លេខ​ហើយ​ជ្រុល​ទៅមុខ​កិន​ជនរងគ្រោះ​ដែល​កំពុង​អង្គុយ​ជាប់​នឹង​កង់​ឡាន​ខាងក្រោយ​ស្លាប់​ភ្លាមៗ​នៅនឹងកន្លែង ។​

​ក្រោយ​ដឹងថា ឡាន​របស់​ខ្លួន​កិន​អ្នកបើក​ដឹក​ដី​ជាមួយ​គ្នា​ស្លាប់​ឈ្មោះ​ឈុំ កញ្ញា បាន​បើកទ្វារ​រថយន្ត​រត់គេច​ខ្លួន​បាត់ បន្សល់​ទុក​តែ​រថយន្ត​និង​សព​នៅ​កន្លែង​ដឹក​ដី​។​ក្រោយពី​កើតហេតុ​ហើយ​សមត្ថកិច្ច​បាន​មក​ដល់​កន្លែងកើតហេតុ​បាន​ធ្វើ​កំណត់ហេតុ​ប្រគល់​សព​ឲ្យទៅ​ក្រុមគ្រួសារ​យក​ទៅ​ធ្វើបុណ្យ​តាម​ប្រពៃណី ចំណែក​រថយន្ត​បង្ករ​ត្រូវបាន​កម្លាំង​អធិការ​នគរបាល​យក​មក​រក្សាទុក​នៅ​អធិការនគរបាល​ដើម្បី​ដោះស្រាយ​នៅពេល​ក្រោយ​៕

Leave a Reply

Your email address will not be published. Required fields are marked *