- ព័ត៌មានជាតិ, សន្តិសុខ សង្គម

សមត្ថកិច្ច​ចាប់ខ្លួន​មេ​ឈ្មួញ​រកស៊ី​ឈើ​ខុសច្បាប់​ល្បី​ឈ្មោះ​ប្រចាំ​ស្រុកែ​វសីមា ពីបទ ប៉ុនប៉ង​ឃាតកម្ម និង​បំផ្លាញ​ទ្រព្យសម្បត្តិ​

មណ្ឌលគិរី​: នៅ​ថ្ងៃ​ទី​០២ ខែ មិថុនា ឆ្នាំ​២០២១ កម្លាំង​សមត្ថកិច្ច​ជំនាញ​ព្រហ្មទណ្ឌ​កម្រិត​ស្រាល​នៃ​ស្នងការដ្ឋាន​នគរបាល​ខេត្ត​មណ្ឌលគិរី សហការ​ជាមួយ​កម្លាំង​ជំនាញ នៃ​ស្នងការដ្ឋាន​នគរបាល​ខេត្ត​ក្រចេះ បាន​ធ្វើការ​ចាប់​ឃាត់ខ្លួន ជនសង្ស័យ​តាម​ដីកា​បញ្ជា ឲ្យចូល​ខ្លួន​របស់​តំណាងអយ្យ​ការ អម​សាលាដំបូង​ខេត្ត​មណ្ឌលគិរី ។​

​ការឃាត់ខ្លួន​ជនសង្ស័យ​ទាំង​០២​នាក់ ត្រូវបាន​សមត្ថកិច្ច​នគ​របាល​ធ្វើឡើង​នៅត្រង់​ចំណុច​រមណីយដ្ឋាន​កាំ​ពី ខេត្ត​ក្រចេះ​។ ជនសង្ស័យ​មាន​ឈ្មោះ​ដូចខាងក្រោម ៖
១–​ឈ្មោះ​សារី គ្រីយ៉ា ភេទ​ប្រុស អាយុ ៤៣ ឆ្នាំ ។​
២–​ឈ្មោះ ហាំ ប៉ូ​លី ភេទ​ប្រុស អាយ​យុ ៤១ ឆ្នាំ​។​

​ជនសង្ស័យ​ត្រូវបាន​ឃាត់ខ្លួន ពីបទ ប៉ុនប៉ង​ឃាតកម្ម និង​បំផ្លិចបំផ្លាញ​ទ្រព្យសម្បត្តិ ប្រព្រឹត្តិ​កាលពី​ថ្ងៃ​ទី ២៣ ខែ មេសា ឆ្នាំ​២០២១ នៅ​ចំណុច​ភូមិ​ពូគ​ង់ ឃុំ​ស្រែ​ព្រះ ស្រុក​កែវ​សីមា ខេត្ត​មណ្ឌលគិរី ។​

​ជនសង្ស័យ​ទាំង​ពីរ​នាក់ បាន​នាំ​ខ្លួន​យក​មក​កាន់ ស្នងការដ្ឋាន​នគរបាល​ខេត្ត​មណ្ឌលគិរី ដើម្បី​ប្រគល់​ជូន​តំណាង អយ្យការ​អម​សាលាដំបូង​ខេត្តមណ្ឌលគិរី ចាត់ការ​ទៅតាម​និតិ​វិធី​តាមច្បាប់ ។​

​គួរបញ្ជាក់ ជនសង្ស័យ​ឈ្មោះ សារី គ្រីយ៉ា ជា​មេ​ឈ្មួញ​រក​សុីខុស​ច្បាប់​ដ៏​ល្បីឈ្មោះ​ម្នាក់​ប្រចាំ​ស្រុក​កែវ​សីមា និង​ជា​អ្នក​គៀងគរ​មនុស្ស​ឲ្យចូល​ទៅ​លួច​កាប់​បំផ្លាញ​ព្រៃឈើ​ក្នុង​ដែន​ដែន​អភិរក្ស​សត្វព្រៃ​កែវ​សីមា និង​ជា​បុគ្គល​ល្បីឈ្មោះ​ខាង​កាប់​ទន្ទ្រាន​ដីព្រៃ​អភិរក្ស​យក​ធ្វើ​កម្មសិទ្ធិ​ផងដែរ​។​

​កាលពី​ឆ្នាំ​២០១៩ បុគ្គល​ឈ្មោះ សារី គ្រីយ៉ា នេះ​ត្រូវបាន​តុលាការ​ខេត្ត​មណ្ឌលគិរី​ចេញ​ដីកា​ស្វែងរក​ចាប់ខ្លួន​ម្តង​ហើយ ពាក់ព័ន្ធ​នឹង​ឧក្រិដ្ឋកម្ម​ព្រៃឈើ ប៉ុន្តែ​មាន​សំណាង​បាន​រួចខ្លួន និង​កាន់​ល្បី​ឈ្មោះ​លើស​ពេលមុន​ខាង​ជំនួញ​ឈើ​ខុសច្បាប់​នៅ​ក្នង​ឆ្ន្នាំំ​២០២០-២០២១ ទីបញ្ចប់​ត្រូវអស់​ល័ក្ខណ៍ ជាប់​អន្ទាក់​សមត្ថកិច្ច ខេត្តមណ្ឌលគិរី​បានសម្រេច ក្រោម​បណ្តាសារ​រុក្ខទេវតា​រក្សា​ព្រៃភ្នំ​៕

Leave a Reply

Your email address will not be published. Required fields are marked *