- ព័ត៌មានជាតិ, សន្តិសុខ សង្គម

​ឃោ​ឃៅ​យ៉ាងនេះ​សំណាញ់​ច្បាប់​ញឹក​ណាស់ សាលាដំបូង​ខេត្តពោធិ៍សាត់ សម្រច​ឃុំខ្លួន​ឃាតក កាប់​ចិញ្ច្រាំ​សម្លាប់​គូ​ដណ្ដឹង​

ពោធិ៍សាត់ ៖ នៅ​រសៀល​ថ្ងៃ​ទី​២ ខែមិថុនា ឆ្នាំ​២០២១ តុលាការ​បាន​សម្រច​ឃុំខ្លួន​ឃាត​.​ក ម្នាក់​ដែល​កាប់​ចិញ្ច្រាំ​សម្លាប់​គូ​ដណ្ដឹង​យ៉ាង​ឃោរឃៅ ។​

​ក្នុង​ដីកា​បាន​បង្គាប់​ឲ្យ​ឃុំ​ខ្លួន​ឈ្មោះ ឡូញ សុភា​រ៉ា ហៅ ភា​រ៉ា ភេទ​ប្រុស​អាយុ​៣៨​ឆ្នាំ ជនជាតិ​ខ្មែរ​សញ្ជាតិ​ខ្មែរ កាន់​សាសនា ព្រះពុទ្ធ មាន​ទីកន្លែង​កំណើត ភូមិ​ដូង​ជ្រុំ សង្កាត់​ព្រៃ​ញី​ក្រុង ខេត្ត​ពោធិ៍សាត់ មាន​ទីលំនៅ​មុនពេល​ឃាត់ខ្លួន ស្ថិតនៅ​ភូមិ​ស្ថានីយ៍​សង្កាត់​ស្វាយ​អាត់​ក្រុង ខេត្ត​ពោធិ៍សាត់ មុខរបរ​លក់ដូរ ។​

​បុរស​នេះ​រៀបការ​ប្រពន្ធ​ឈ្មោះ ពុទ្ធ គង់​ធា​រ័ត្ន (​លែងលះ​) មានកូន ២ នាក់​ឪពុក (​ស្លាប់​) និង​ម្ដាយ​ឈ្មោះ ឡា​ច ស៊ីថន ប្រវត្តិ​នៃ​ការផ្ដន្ទាទោស​ពី​តុលាការ (​គ្មាន​) ជា​នីតិជន ។​

​ឈ្មោះ ឡូញ សុភា​រ៉ា ត្រូវ​ចោទ​ពី​បទ​ហិង្សា​ដោយ​ចេតនា មាន​ស្ថាន​ទម្ងន់ទោស ដោយសារ​មរណភាព​ជនរងគ្រោះ ប្រព្រឹត្ត​នៅ​ភូមិ​ស្ថានីយ៍ សង្កាត់​ស្វាយ​អាត់​ក្រុង ខេត្ត​ពោធិ៍សាត់ កាលពី​ថ្ងៃ​ទី​៣០ ខែ​ឧសភា ឆ្នាំ​២០២១ ។ បទល្មើស​ដែល​មាន​បញ្ញតិ​ឲ្យ​ផ្ដន្ទាទោស​មាត្រា ២២៤ នៃ​ក្រម​ព្រហ្មទណ្ឌ ។​

​គួររំលឹកថា ជន​ត្រូវ​ចោទ ឡូញ សុភា​រ៉ា ហៅ​ភារ៉ា បានធ្វើ​សកម្មភាព​កាប់សម្លាប់​ដែល​គេ​អះអាង​ជា​គូ​ដណ្ដឹង​ឈ្មោះ ស៊ុ ចាន់នី អាយុ​៣០​ឆ្នាំ ជនជាតិខ្មែរ បានរស់នៅ​ជាមួយ​គ្នា​រយៈពេល​ចំនួន ៦ ឆ្នាំ​មកហើយ បន្ទាប់​ពី​ខ្លួន (​ឡូញ​សុភា​រ៉ា​) បាន​លែងលះ​ជាមួយ​ប្រពន្ធដើម ។​

​ឈ្មោះ ឡូញ សុភា​រ៉ា បាន​ប្រើប្រាស់​ពូថៅ​កាប់​លើ​គូ​ដណ្ដឹង​សុសសាច់ បណ្ដាល​ឲ្យ​ប្រកាច់​ដាច់ខ្យល់​ស្លាប់ ក្នុង​ថ្លុកឈាម​យ៉ាង​សាហាវ​ព្រៃផ្សៃ នៅក្នុង​ផ្ទះ​កំពុង​សាងសង់​ស្ថិតនៅ​ភូមិ​ស្ថានីយ៍ សង្កាត់​ស្វាយ​អាត់​ក្រុង​.​ខេត្ត​ពោធិ៍សាត់ កាលពី​យប់​ថ្ងៃ​ទី​៣០ ខែ​ឧសភា ឆ្នាំ​២០២១ រួច​ក៍​គេចខ្លួនបាត់​មួយរយៈ ។ តែ​ក្រោយមក សមត្ថកិច្ច​ស្រាវជ្រាវ​ដឹង​តាម​ចាប់ខ្លួនបាន​៕

Leave a Reply

Your email address will not be published. Required fields are marked *