កណ្តាល ៖ រឿងរ៉ាវមូលបង្កាច់ទាំងប៉ុន្មាន គឺកើតចេញពីអតីតនាយប៉ុស្តិនគរបាលរដ្ឋបាលសង្កាត់តាខ្មៅទាំងអស់ ក្នុងចេតនាបង្ករចលាចលក្នុងមូលដ្ឋាន បន្ទាប់ពីលោកស្នងការខេត្តកណ្តាលដកតំណែង៖
លោក ជៀម ខូយ ចៅសង្កាត់តាខ្មៅ បានលើកឡើងយ៉ាងដូច្នេះ ក្នុងសន្និសិទ្ធសារព័ត៌មាន កាលពីល្ងាចថ្ងៃទី០៦ វិច្ឆកា ២០២១កន្លងទៅនេះ នៅក្នុងសាលាសង្កាត់តាខ្មៅ លោកបានប្រតិកម្មនិងបញ្ជាក់យ៉ាងច្បាស់ៗថា បន្ទាប់ពីលោក ឧត្តមសេនីយ៍ទោ ឈឿន សុចិត្ត ចេញលិខិតបង្គាប់ការដកដំណែង ពីនាយប៉ុស្តិនគរបាលរដ្ឋបាលសង្កាត់តាខ្មៅ ឱ្យទៅជាជំនួយការផែនការងារអត្តសញ្ញាណកម្ម នៃអធិការដ្ឋាននគរបាលក្រុងតាខ្មៅ កាលពីថ្ងៃទី០៧ កក្ដដា ២០ ២១កន្លងទៅ ហើយដាក់លោកវរៈសេនីយ៍ត្រី ប៉ក់ វិចិត្រ ឱ្យមកកាន់ជាមេប៉ុស្តិជំនួស។
លោកវរៈសេនីយ៍ត្រី ហោ សំអុល បានចោទប្រកាន់រូបលោកដែលជាចៅសង្កាត់ ថាបានរាយការណ៍ឱ្យដករូបលោកចេញ ទើបនៅថ្ងៃទីថ្ងៃទី១៩ កក្តដា លោក ហោ សំអុល បានដាក់បណ្តឹងទៅសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងប្តឹងទៅអង្គភាពប្រឆាំងអំពើពុករលួយកាលពីថ្ងៃទី២៧ កក្តដា ២០២១ មួលបង្កាច់ រូបលោក និងកូនប្រុស ឈ្មោះ ជៀម សំរិតធី មន្ត្រីនគរបាលផ្នែកប្រឆាំងគ្រឿងញៀន អធិការដ្ឋាននគរបាលក្រុងតាខ្មៅ និងកូនស្រី ឈ្មោះ ជៀម សំរិតសោភា ជំនួយការសាលាសង្កាត់តាខ្មៅ ព្រមទាំងលោក សុខ សុផា ស្មៀនសង្កាត់ បានរំលោភអំណោច និងប្រព្រឹត្តអំពើពុករលួយ ឃុបឃិតធ្វើសៀវភៅស្នាក់នៅ ជូនប្រជាពលរដ្ឋ ដែលមិនមានអត្តសញ្ញាណច្បាស់លាស់ចំនួន ៤ គ្រួសារ ដែលជាជនជាតិវៀតណាមទាំងបំពាន ។
លោកចៅសង្កាត់ បានបន្តថា តាមពិត រឿងចេញសៀវភៅស្នាក់នៅជូនប្រជាពលរដ្ឋ គឺជាការងាររបស់សមត្ថកិច្ចនគរបាល ហើយដោយពិនិត្យឃើញថា ប្រជាពលរដ្ឋទាំង៤គ្រួសារ រួមទី១ មេគ្រួសារ ឈ្មោះ វួច តឿ ភេទប្រុស អាយុ២៦ឆ្នា មុខរបរលក់នៅ មានទីលំនៅសង្កាត់ផ្សារចាស់ ខណ្ឌដូនពេញ រាជធានីភ្នំពេញ ដែលមានសមាជិកចំនួន៤នាក់ ទី២ មេគ្រួសារ ឈ្មោះ សេង យូហេង ភេទប្រុស អាយុ៣៣ឆ្នាំ ទីលំនៅសង្កាត់ផ្សារចាស់ មានសមាជិក៥នាក់ និងទី៣ មេគ្រួសារ ឈ្មោះ កែវ វិចិត្រ ភេទប្រុស អាយុ៣៧ឆ្នាំ រស់នៅសង្កាត់ផ្សារចាស់ ដែលបានសុំផ្លាស់ទីលំនៅមករស់នៅក្នុងភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ដោយមានឯកសារបញ្ជាក់ពីនគរបាលមូលដ្ឋានសង្កាត់ផ្សារចាស់ និងរបាយការណ៍ ន.ប.៥ បញ្ជាក់ថា ពួកគេពិតជាជនជាតិខ្មែរ សញ្ជាតខ្មែរ ពិតប្រាកដ ហើយមិនមានពាក់ព័ន្ធក្នុងបញ្ជីរ អន្តោប្រវេស ទើបលោកវរៈសេនីយ៍ត្រី ប៉ក់ វិចិត្រ នាយប៉ុស្តិនគរបាលរដ្ឋបាលសង្កាត់តាខ្មៅថ្មីចេញសៀវភៅស្នាក់នៅ ក២ ជូន ពួកគាត់។
ចំណែក១គ្រួសារ ទៀត ដែលមានមេគ្រួសារ ឈ្មោះ សុខ ចាន់ធី ភេទស្រី មានស្វាមី ឈ្មោះ ពាង គូ មានកូន៣នាក់ រស់នៅភូមិថ្មី សង្កាត់តាខ្មៅ ក្រុងតាខ្មៅ បានស្នើរសុំធ្វើសៀវភៅស្នាក់នៅ ក២ ពីលោក ហោ សំអុល ហើយត្រូវបានលោក ហោ សំអុល បង្គាប់ទារលុយចំនួន២០០ដុល្លារ និងធ្វើសៀវភៅស្នាក់នៅដាក់តែឈ្មោះកូនចំនួន៣នាក់ប៉ុណ្ណោះ ដោយមិនឱ្យដាក់បញ្ជូនឈ្មោះ សុខ ចាន់ធី ជាម្តាយ និងឪពុកឈ្មោះ ពាង គូ ចូលទេ ទោះបីលោក ពាង គូ មានសំបុត្របញ្ជាក់កំណើត សញ្ជាតិ ខ្មែរ មានស្រុកកំ ណើត នៅក្នុងភូមិតាត្រាវ ឃុំកំពង់ត្រាច ស្រុករមាសហែក ស្វាយរៀង និងមានអត្តសញ្ញាណប ណ្ណសញ្ជាតខ្មែរ ក៏ដោយ ពោលគឺពុំមានអ្វីពាក់ព័ន្ធហ្នឹងរូបលោក ដែលជាចៅសង្កាត់នោះទេ ប៉ុ ន្តែ បុគ្គល ហោ សំអុល នេះបែរជាប្តឹងមូលបង្កាច់ ក្នុងចេតនាបង្ករចលាចលក្នុងមូលដ្ឋាន ពិសេ សធ្វើឱ្យសាធារណៈជនមានការភាន់ច្រឡំ ហើយរូបលោកក៏បានធ្វើលិខិតបំភ្លឺដាក់ជូនទៅអង្គ ភាពប្រឆាំងអំពើពុករលួយរួចរាល់ហើយដែរ។
ប៉ុន្តែ មួយរយៈចុងក្រោយនេះ ដោយសារមានការចុះផ្សាយតាមបណ្តាញសារព័ត៌មានមួយចំនួន ក៏ដូចជាបណ្តាញសង្គម ដើម្បីបំពុលបរិយា កាស និងបង្ករភាពចលាចលកាន់តែខ្លាំងនោះ ទើបលោកចេញមុខឆ្លើយតបដើម្បីបង្ហាញភាពស្អាតស្អំ ហើយក៏សូមសំណូមទៅដល់ឯកឧត្តមអភិបាលខេត្ត ធ្វើការស្រាវជ្រាវផ្តល់នូវភាពយុ ត្តិធម៌ជូនរូបលោក ក៏ដូចជារដ្ឋបាលសង្កាត់ ផងដែរ។
ក្រោយពីការចេញធ្វើសន្និសិទ្ធកាសែតបំភ្លឺរបស់លោកចៅសង្កាត់តាខ្មៅ អ្នកយកព័ត៌មានយើង បានព្យាយាមទំនាក់ទំនងទៅលោកវរៈសេនីយ៍ត្រី ហោ សំអុល អតីតនាយប៉ុស្តិនគរបាលរដ្ឋបាលសង្កាត់តាខ្មៅ ជាច្រើនលើកផងដែរ ដើម្បីសុំការបកស្រាយ តែត្រូវបានចុចផ្តាច់រហូត។
គួរបញ្ជាក់ផងដែរថា លោក ជៀម ខូយ ចៅសង្កាត់តាខ្មៅ ត្រូវបានប្រធានអង្គភាពប្រឆាំ ងអំពើពុករលួយ ឯកឧត្តម ឱម យ៉ិនទៀង ចេញលិខិតបំភ្លឺ និងផ្តល់ឯកសារ ពាក់ព័ន្ធហ្នឹងពាក្យបណ្តឹងដែលលើកឡើងថា លោកបានឃុបឃិតគ្នាជាមួយ ឈ្មោះ ជៀម សំរិតធី និងឈ្មោះ សុខ សុផា ព្រមទាំងឈ្មោះ ជៀម សំរិតសោភា រៀបចំឯកសារចេញសៀវភៅគ្រួសារឱ្យជនជាតិវៀតណាម៤គ្រួសារខាងលើ ដែលគ្មានទីលំនៅពិតប្រាកដ ក្នុងសង្កាត់តាខ្មៅ កាលពីថ្ងៃទី០៦ កញ្ញា ២០២១កន្លងទៅ៕
