កំពងធំ= ដីព្រៃឈើនៅក្នុងព្រៃឡង់រាប់រយហិកតាស្ថិតនៅក្នុងឃុំសុចិត្រ ស្រុកសណ្ដាន ខេត្តកំពង់ធំ កំពុងរងការកាប់បំផ្លាញយ៉ាងមហាវិនាសកម្ម។
ប្រភពព័ត៌មានបានបញ្ជាក់ថាដីព្រៃឈើក្នុងដែនតំបន់ការពារធនធានធម្មជាតិដែលបានកាប់បំផ្លាញរាប់រយហិកតានេះគឺបានកើតចេញពីលោក ប្រាក់ មិន មេឃុំ សុខចិត្ត ជាអ្នកផ្សំគំនិតផ្ដួចផ្ដើមអោយរៀបចំអោយមានការកាប់រានដីព្រៃទាំងអស់នេះ។
ប្រភពដដែលបានបញ្ចាក់ដែរថាការកាប់បំផ្លាញព្រៃឡង់យ៉ាងមហាវិនាសកម្មនេះ គឺមានឈ្មួញដីជាអ្នកមានលុយនិងបក្សពួកអ្នកមានអំណាចមួយចំនួននៅពីក្រោយខ្នងនិងផ្ដល់ជូនមធ្យោយបាយគ្រប់រូបភាពដើម្បីអោយលោក ប្រាក់ មិន មេឃុំសុខចិត្រ ជួលប្រជាពលរដ្ឋចូលធ្វើការលួចកាប់រាន់ព្រៃ ទាំងយប់ទាំងថ្ងៃដើម្បីបំភ្លីដីទាំងអស់នេះទៅជាដីព្រៃរិចរិល ឬជាដីដែលបានដំណាំស្វាយចន្ទី ដែលផែនការទាំងអស់នេះគឺលោកមេឃុំ សុខចិត្រ។
ពលរដ្ននៅតំបន់នោះបានដាក់សំនួរសួរមកលោក តុប កក្កដា ប្រធានមន្ទីរបរិស្ថានខេត្តកំពង់ធំថា តើលោកបានដឹងរឿងនេះដែរឬទេ? ឬមួយលោកត្រូវរូវជាមួយលោកមេឃុំ សុខចិត្ត នេះដែរ បានជាបណ្ដោយអោយរឿងនេះកើតឡើងនិងមានការកាប់បំផ្លាញដីព្រៃយ៉ាងមហាវិនាសកម្មបែបនេះ។
ពលរដ្នធ្វើការបញ្ចាក់ផងដែរថាកាប់បំផ្លាញព្រៃអស់រាប់រយហិចតានេះគឺនៅត្រង់ចំណុចប្រាសាទបី ស្រីគ្រប់លក្ខណ៍ឬក៏ប្រាសាទត្រពាំងប្រើស ចំងាយ៦០០ម៉ែត្រនៅតំបន់ជុំវិញប្រាសាទនេះ។
