លោកជំទាវ ហឹង ណារី វ៉ា ថន អនុប្រធានកិត្តិយសគណៈកម្មាធិកា សាខាកាកបាទក្រហមកម្ពុជាខេត្ត ប្រធានក្រុមការងារឥស្សរជនឆ្នើមថ្នាក់សាខាខេត្តក្រចេះបានអញ្ជើញផ្តល់អំណោ យជូនគ្រួសាររស់នៅជាមួយមេរោគអេដស៍ចំនួន ៥៩ គ្រួសារ នៅក្រុងក្រចេះ ខេត្តក្រចេះកាលពីព្រឹកថ្ងៃពុធ៤កើត ខែមិគសិរ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៨ ខែធ្នូ ឆ្នាំ ២០២១ ។
ពិធីផ្តល់អំណោយជូនគ្រួសាររស់នៅជាមួយមេរោគអេដស៍នៅពេលនោះគឺធ្វើឡើងក្នុងឱកាសប្រារព្វពិធីអបអរសាទរទិវាពិភពលោកប្រយុទ្ធនឹងជំងឺអេដស៍១ធ្នូ ក្រោមប្រធានបទ « បញ្ចប់វិសមភាព បញ្ចប់ជំងឺអេដស៍ បញ្ចប់ជំងឺឆ្លងរាតត្បាតជាសកល »ដែលមួយគ្រួសារៗទទួលបាន មី ១កេស ត្រីខ ១យួរ ស្ករស ២កញ្ចប់ ជែលលាងដៃ ១ដប អាវរងារចំនួន១ និងថវិកាចំនួន ៥ ម៉ឺនរៀល ។
នៅក្នុងពិធីនោះដែរលោកជំទាវ ហឹង ណារី វ៉ា ថន អនុប្រធានកិត្តិយសគណៈកម្មាធិការសាខាកាកបាទក្រហមកម្ពុជាខេត្ត ប្រធានក្រុមការងារឥស្សរជនឆ្នើមថ្នាក់សាខាខេត្តក្រចេះបានមាន ប្រសាសន៍ដោយបានពាំនាំនូវការផ្តាំផ្ញើសួរសុខ ទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ឥស្សរ ជនឆ្នើមថ្នាក់ជាតិ នៃវេទិកាភាពជាអ្នកដឹកនាំតំបន់អាស៊ី ប៉ាស៊ីហ្វិក ឆ្លើយតបមេរោគអេដស៍ ជំងឺអេដស៍និងការអភិវឌ្ឍនៅកម្ពុជានិងជាឥស្សរ ជនឆ្នើមថ្នាក់ជាតិ នៃផែនការសកម្មភាពរួមអគ្គ លេខាធិការអង្គការសហប្រជាជាតិដើម្បីសុខ ភាពស្ត្រីនិងកុមារ ដោយការនឹករលឹកនិងមនោ សញ្ចេតនាយ៉ាងជ្រាលជ្រៅបំផុត ។ លោកជំទាវ ហឹង ណារី វ៉ា ថន ក៏បានធ្វើការពន្យល់និងទទូចដល់បងប្អូនប្រជាពលរដ្ឋទាំងអស់ ត្រូវរស់នៅតាមបែបគន្លងថ្មីក្នុងបរិបទជំងឺកូវីដ-១៩ និងអនុវត្តឱ្យបានខ្ជាប់ខ្ជួននូវវិធានសុខាភិបាលនិងវិធានការ ៣កុំ ៣ការពារ ដើម្បីទប់ស្កាត់ការឆ្លងជំងឺកូវីដ-១៩ នៅក្នុងសហគមន៍របស់យើង ៕
ជួន សុជាតិ
