កំពង់ឆ្នាំង ៖ ទូមប្រមាណជិត 10 ទូកដែលធ្វើកម្មភាពកាវលាសក្នុងបឹងទន្លេសាប នៅក្នុងទឹកដីខេត្តកំពង់ធំចំណុចចាប់ពីក្បាលកោះដំបររហូតដល់មុខបាឡតក្នុងឃុំពាមបាង ស្រុកស្ទោង ខេត្តកំពង់ធំ ហើយយកមកចូលលក់ឲ្យឈ្មួញរកស៊ីប្រមូលទិញលៀសនៅឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ហើយត្រូវបានកម្លាំងសមត្ថកិច្ចជំនាញជលផល និងសមត្ថកិច្ចពាក់ព័ន្ធនៅខេត្តកំពង់ឆ្នាំងចាប់ហើយបញ្ជូនមកកាន់ផ្នែករដ្ឋបាលជលផលផ្សារឆ្នាំងទៅតាមការចង្អុលបង្ហាញរបស់លោកនាយខណ្ឌរដ្ឋបាលកំពង់ឆ្នាំងនៅថ្ងទី២៤ ធ្នូរ ២០២១នេះហើយក្រោយពីរអ្នកកាសែតបានចេញផ្សាយជាបន្តរបន្ទាប់រួចមក។
បើយោងតាមប្រភពព័ត៌មានពីប្រជានេសាទដែលមានមុខបងរកស៊ីរបស់នេសាទជាលក្ខណៈគ្រួសារដូចជាដាក់មង ដាក់ស្បៃដាក់សៃយ៉ឺនយកកំពឹសនៅក្នុងតំបន់បឹងទន្លេសាបទាំងនោះពួកគាត់បានប្រាប់ក្រុមការងារយើងឱ្យដឹងថា ក្រុមទូកអ្នករកស៊ីកាវ លៀស ទាំងនេះបានធ្វើសកម្មភាពកាវលៀសករកូពេញផ្ទៃបឹងទន្លេសាបធ្វើឱ្យទឹកទន្លេល្អក់បែកពពុះបំពុលបរិស្ថាន ហើយជាពិសេសបានប៉ះពាល់ដល់មុខរបរពួកគាត់ ដាច់មង ចងសន្ទូច ដាច់សៃយ៉ឺនកំពឹសរបស់ពួកគាត់ ដែលជាហេតុធ្វើឲ្យពួកគាត់មិនអាចប្រកបរបរនេសាទជាលក្ខណៈគ្រួសារបន្តមុខរបរនោះបានសោះនោះឡើយ ។
ពាក់ព័ន្ធនឹងការនេសាទល្មើសច្បាប់នៅក្នុងបឹងទន្លេសាបនេះមិនត្រឹមតែក្រុមទូកកាវលៀសប៉ុណ្ណោះទេគឺថែមទាំងមានទូករុញជនប្រមាណជាង១០ទូក របស់ជនជាតិយួនដែលបំពាក់ដោយម៉ាស៊ីនកាវ៉ាកម្លាំង១៨សេះក្នុងទូកមួយបំពាក់ម៉ាស៊ីនពីរគ្រឿងនៅក្នុងនោះផងដែរក៏មានទូកអូសអួនរបស់ជនជាតិយួនដែលតែងតែរកស៊ីអូសអួននិងយ៉ាងកាវជារៀងរាល់ឆ្នាំមកពីខេត្តពោធិ៍សាត់មករកស៊ីនៅទឹកដីខេត្តកំពង់ធំ ដែលគេស្គាល់ឈ្មោះថាមេឈ្មួញធំជាងគេឈ្មោះអេង ចេងមកពីទឹកដីខេត្តពោធិ៍សាត់ ហើយឈ្មោះអេងចេញនេះបានធ្វើសកម្មភាពពួនជារៀងរាល់ឆ្នាំពេញផ្ទៃបឹងទន្លេសាបដោយគេបានរត់ការបង់លុយអោយគ្រប់សមត្ថកិច្ចទាំងអស់ហើយគេអះអាងថាខ្លួនគេមិនមានសមត្ថកិច្ចណាហ៊ានប៉ះពាល់មុខរបរគេឡើយ ។
ប្រជាពលរដ្ឋដែលជាប្រជានេសាទលក្ខណៈគ្រួសារសំណូមពរស្នើសុំឲ្យអង្គភាពប្រឆាំងអំពើពុករលួយចុះស្រាវជ្រាវនិងវែកមុខរកជនខិលខូចដែលឃុបឃិតគ្នាប្រព្រឹតបទល្មើសនេសាទទាំងប៉ុន្មានក្រុមខាងលើដើម្បីយកមកផ្តន្ទាទោសតាមផ្លូវច្បាប់ ព្រោះថាពួកទាំងនេះបានបំផ្លិចបំផ្លាញធនធានជលផលនៅក្នុងផ្ទៃបឹងទន្លេសាបធ្វើឱ្យមច្ឆាជាតិ ក៏ដូចជាវារីវប្បកម្ម ឬពពួកប្លង់តុងដែលជាចំណីមច្ឆាជាតិនៅក្នុងបាតបឹងទន្លេសាបហិនហោចដែលជាហេតុធ្វើឲ្យប៉ះពាល់ដល់ធនធានជល់ផលយ៉ាងធ្ងន់ធ្ងរនឹងអាចបាត់បង់ពូជមច្ឆាជាតិធ្វើឲ្យកូនចៅជាតិសាស្ត្រខ្មែរជំនាន់ក្រោយលែងស្គាល់ពូជមច្ឆាជាតិតទៅថ្ងៃមុខជាក់ជាមិនខានបច្ចុប្បន្នទូកនេសាទត្រី នឹងទូកអូសលាសទាំងនោះត្រូវជលផលខេត្តកំពង់ឆ្នាំងក៍សាងសំរឿងចាត់ការទៅតាមផ្លូវច្បាប់។
