ព្រៃឈើនៅក្នុងតំបន់ដែនជម្រកសត្វព្រៃគូលេនព្រហ្មទេព(ព្រៃព្រះរការ)កំពុងតែប្រឈមនឹងការបាត់បង់ទាំងស្រុង ដោយសារតែមានការឃុបឃិតគ្នាជាប្រព័ន្ធ រវាងក្រុមឈ្មួញកាប់បំផ្លាញព្រៃឈើ នឹងមន្ត្រីបរិស្ថាន ដែលបានបើកដៃអោយមេឈ្មួញចូលទៅកាប់បំផ្លាញព្រៃឈើទៅតាមតែអំបើចិត្តរបស់ពូកគេ ដោយមិនខ្លាចញញើតនិងច្បាប់ បន្តិចទាល់តែសោះ ។
ប្រភពព័ត៌មានពីខេត្តព្រះវិហារបានប្រាប់អោយដឹងថា មានមេឈ្មួញកាប់បំផ្លាញព្រៃឈើដែលមានឈ្មោះល្បីល្បាញម្នាក់ បានឃុបឃិតគ្នាជាប្រព័ន្ធជាមួយនិងមន្ត្រីបរិស្ថាន ដើម្បីចូលទៅកាប់បំផ្លាញព្រៃឈើនៅក្នុងតំបន់ដែនជម្រកសត្វព្រៃគូលេនព្រហ្មទេព(ព្រៃព្រះរការ ហើយត្រូវបានគេស្គាល់ មេឈ្មួញរូបនោះ មានឈ្មោះ( ឡេង ធារ៉ា)ភេទ ស្រី និងប័ក្សពួករបស់គាត់មួយចំនួនទៀត ដែលជាម្ចាស់ក្រុមហ៊ុន ធ្វើផ្លូវ បានឃុបឃិតគ្នាជាមួយមន្ត្រីបរិស្ថាន ឈួសឆាយធ្វើផ្លូវចំនួន២ខ្សែ ដើម្បីងាយស្រួលក្នុងការចូលទៅកាប់បំផ្លាញព្រៃឈើនិងដឹកជញ្ជួនឈើចេញពីក្នុងតំបន់ដែនជម្រកសត្វព្រៃគូលេនព្រហ្មទេព(ព្រៃព្រះរការ) តាមតែអំពើចិត្តរបស់ពួកគេ រួចហើយធ្វើការដឹកជញ្ជួនឈើទាំងអស់នោះយកមកស្តុកទុកនៅ បញ្ជាការស្រាល នៅក្នុងកងពុលតូចលេខ ៩ ។ ដោយពុំមានមន្ត្រីជំនាញនៅតាមស្ថាប័ន្ធ
ពាក់ព័ន្ធផ្សេងៗដែលពួកគេកំពុងឈរជើងប្រចាំការចាំបង្ក្រាបបទល្មើសព្រៃឈើ ពាក់ណាមួយ នៅក្នុងតំបន់នោះមិនហ៊ានចាតវិធានការដើម្បីធ្វើការបង្ក្រាប ក្រុមឈ្មួញទាំងអស់នោះដែលកំពុងតែកាប់បំផ្លាញព្រៃឈើនិងដឹកជញ្ជួនឈើខុសច្បាប់ នៃតំបន់អភិរ័ក្សព្រៃឈើដែនជម្រកសត្វព្រៃគូលេនព្រហ្មទេព (ព្រៃព្រះរការ)នៅឡើយនោះទេ ។
ជុំវិញបញ្ហាខាងលើនេះហើយ ទើបប្រជាពលរដ្ឋដែលរស់នៅក្នុងតំបន់នោះមានការព្រួយបារម្មណ៌យ៉ាងខ្លាំងហើយបាននិយាយថា បើសិនជាមន្ត្រីរដ្ឋបាលព្រៃឈើមិនចាត់វិធានការបង្ក្រាបក្រុមឈ្មួញកាប់បំផ្លាញព្រៃឈើទាងអស់នោះទេ តំបន់អភិរ័ក្សសត្វព្រៃនឹងព្រៃឈើ មួយនេះនឹងត្រូវបាត់បង់ ទាំងស្រុងនៅក្នុងពេលខាងមុខនេះ ។ ដូច្នេះនោះហើយទើបបានប្រជាពលរដ្ឋបាននាំគ្នា សំណូមពរឲ្យលោក(ប្រាក់ សុវណ្ណ) អភិបាលខេត្តព្រះវិហារ ដើម្បីជួយចាត់វិធានការត្រួតពិនិត្យ ការកាប់បំផ្លាញព្រៃឈើ និងដឹកជញ្ជួនឈើ របស់អ្នកស្រី (ឡេង ធារ៉ា) និងប័ក្សពួកមួយចំនួនទៀត ចេញពីក្នុងតំបន់ ដែនជម្រកសត្វព្រៃគូលេនព្រហ្មទេព (ព្រៃព្រះរការ)អោយបានត្រឹមត្រូវទៅតាមផ្លូវច្បាប់ និងអោយមានប្រសិទ្ធិភាព ផង ។
