លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយ រដ្ឋសភា-ព្រឹទ្ធសភា និងអធិការកិច្ច ក្នុងពិធីបុណ្យអភិសេក និងសម្ពោធឆ្លង ព្រះបដិមាព្រះសិអារ្យ បុស្បុក និងសមិទ្ធផលនានា នៅលើកំពូល ភ្នំសន្លុង ក្នុងបរិវេណវត្តរស្មីមហារះភ្នំសន្លុង ស្ថិតនៅឃុំ សន្លុង ស្រុកទ្រាំង ខេត្តតាកែវ នាព្រឹកថ្ងៃចន្ទ ១៥កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៧ ខែមករា ឆ្នាំ២០២២ ដោយមានការអញ្ជើញចូលរួមដោយ ឯកឧត្តម លោកជំទាវ អ្នកតំណាងរាស្ត្រ និង ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ និងលោកជំទាវ ព្រមទាំង លោកស្រី ប្រធានមន្ទីរអង្គភាពជុំវិញខេត្ត និងកងកម្លាំងទាំងបី លោកអភិបាល ក្រុង ស្រុក និង មន្ត្រីរាជការជាច្រើនកុះករផងដែរ ។
ឆ្លៀតក្នុងឱកាសនោះ លោកជំទាវកិត្តិសង្គហបណ្ឌិត ក៏បាននាំមកនូវការផ្តាំផ្ញើរសាកសួរសុខទុក្ខ ពីសំណាក់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់អង្គពិធី និងបាន ថ្លែងអំណរគុណថ្មាក់ដឹកនាំខេត្តគ្រប់លំដាប់ថ្នាក់ និង លោកជំទាវ និន សាផុន តំណាងរាស្ត្រមណ្ឌល ខេត្តតាកែវ និងជាប្រធានគណៈកម្មការទី៩ នៃរដ្ឋសភា ដែលបានផ្តួចផ្តើមគំនិតក្នុងការកសាង ព្រះបដិមាព្រះសិអារ្យ បុស្បុក សម្រាប់ ទុកជាទី សក្ការៈ និងគោរពបូជា ។
លោកជំទាវបានបន្តទៀតថា កាលពី ៤៣ឆ្នាំមុន ប្រទេសកម្ពុជាបានឆ្លងកាត់នូវសង្គ្រាមរាំរ៉ វិស័យទាំងអស់ ត្រូវបានបំផ្លិចបំផ្លាញ ក្នុងនោះវិស័យព្រះពុទ្ធសាសនា ក៏ត្រូវបានបំផ្លិចបំផ្លាញ ចំណែកឯព្រះសង្ឃ ត្រូវានចាប់ផ្សឹក វត្តអារាមបានក្លាយជាទីកន្លែងឃុំឃាំង។ ប៉ុន្តែក្រោយថ្ងៃរំដោះ ៧ មករា ឆ្នាំ១៩៧៩ ក្រោមការដឹកនាំប្រកដោយកិត្តិ បណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រី ដោយអនុវត្ត នូវនយោបាយ ឈ្នះ ឈ្នះ បានកសាងប្រទេសពី បាតដៃទទេរហូតដល់មានការអភិវឌ្ឃន៍ដូចសព្វថ្ងៃ ។
លោកជំទាវបន្តទៀតថា តាមរយៈ សមិទ្ធិផលទាំងនេះ គឺពិតជាបានចូលរួមចំណែកក្នុងការពង្រឹងវស័យ ពុទ្ធចក្រ និងវិស័យអាណាចក្រឲ្យកាន់តែរីកចម្រើនថែមទៀត ។ ម្យ៉ាងទៀតបានចូលរួមចំណែកក្នុងការ លើកសោភណ្ឌភាពរបស់ខេត្តផង ដើម្បីទាញចំណូលពីវិស័យទាំងនេះ ក្នុងការក្លាយទៅជារមណីយដ្ឋាន ទេសចរណ៍ព្រះពុទ្ធសានាផងត់បន្ថយភាពក្រីក្រ ។
លោកជំទាវក៏បានអំពាវនាវឲ្យព្រះសង្ឃ និងប្រជាពលរដ្ឋទាំងអស់គ្នាត្រូវតែប្រុងប្រយ័ត្នខ្ពស់ និងចូលរួមគោរព តាមគោលការណ៍របស់ក្រសួងសុខាភិបាល ៣ការពារ ៣កុំ ដើម្បីទប់ស្កាត់នូវការឆ្លងរីករាលដាលនៃ ជំងឺកូវីដ១៩ ខណៈមេរោគបំផ្លែងខ្លួនថ្មី អូមីក្រុង កំពុងតែរីករាលដាលនៅពាសពេញពិភពលោក៕
លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង ទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច អមដំណើរដោយ ឯកឧត្តម លោកជំទាវ អ្នកតំណាងរាស្ត្រ និង នៅព្រឹកថ្ងៃចន្ទ ទី១៨ ខែមករា ឆ្នាំ២០២២នេះ ព្រមទាំងលោក បានអញ្ជើញចូលរួមសម្ពោធសមទ្ធិផលនានា នៅលើវត្តសន្លុងថ្មី ស្ថិតនៅឃុំសន្លុង ស្រុកទ្រាំង ខេត្តតាកែវ ៕
