កំពង់ឆ្នាំង : រថយន្តដឹកកម្មករមួយគ្រឿងប៉ះគ្នាជាមួយរថយន្តធន់តូច ក្រឡាប់ផ្ងារជើងបណ្ដាលឲ្យកម្មករប្រមាណជា ៥០ នាក់បានរងរបួសធ្ងន់និងស្រាល ក្នុងករណីគ្រោះថ្នាក់ចរាចរមួយ បានកើតឡើងនៅវេលាម៉ោង ៧និង២០នាទីយប់ថ្ងៃទី ២៤ ខែមីនាឆ្នាំ ២០២២ម្សិលមិញ នៅតាមបណ្ដោយផ្លូវកៅស៊ូមួយកន្លែង នៅចំណុចព្រៃឆ្មា.ក្នុងភូមិរលាំង.ឃុំត្បែងខ្ពស់.ស្រុកសាមគ្គីមានជ័យ ខណៈដែលរថយន្តដឹកកម្មករបានបុករះជាមួយនឹងរថយន្តធុនតូចបើកបរបញ្ច្រាស់ទិសគ្នា ក្នុងស្ថានភាពស្រវឹង ។
អធិការនគបាលស្រុកសាមគ្គីមានជ័យលោកវរះសេនីយ៍ឯក.សេងចិន្តា.នគរបាលស្រុកសាមគ្គីមានជ័យ បានអោយដឹងថា ករណីគ្រោះថ្នាក់ចរាចរណ៍ខាងលើ បណ្ដាលមកពីរថយន្តធន់តូចស្រវឹងបើកបរបុកជាមួយនឹងរថយន្ត ធន់ធំដឹកកម្មកបើកបរបញ្ច្រាស់ទិសគ្នាគិចធ្លាក់ផ្លូវក្រឡាប់ផ្ងាជើង ។
អធិការនគរបាលស្រុកសាមគី្គមានជ័យបានបញ្ជាក់ថាមុនពេលកើតហេតុមានរថយន្តដឹកកម្មករមួយគ្រឿងម៉ាកហ៊ីយ៉ាន់ដាយពណ៌សពាក់ស្លាកលេខភ្នំពេញ 3A ១៤២២ បើកបរដោយបុរសឈ្មោះ.យនភាវ.អាយុ ២៧ ឆ្នាំរស់នៅ.ភូមិក្រាំងបេង ឃុំពាម.ស្រុកសាមគ្គីមានជ័យ .ក្នុងដំណើរពីកើតទៅលិច លុះមកដល់ចំណុចកើតហេតុ ក៏បានបុកជាមួយរថយន្តមួយគ្រឿងម៉ាកហុងដា ស៊ីវិត ពណ៌សគ្មានស្លាកលេខបើកបរដោយឈ្មោះ.រិន.អាយុ ៥០ឆ្នាំរស់នៅភូមិត្រពាំងថ្ម.ឃុំស្វាយ.ស្រុកសាមគ្គីមានជ័យ.ក្នុងស្ថានភាពស្រវឹង បណ្ដាលឲ្យរថយន្តដឹកកម្មករក្រឡាប់ផ្ងារជើងឡើងលើ និងបានបណ្ដាលឲ្យកម្មករចំនួន ៥៧ នាក់បានរងរបួសក្នុងនោះ ៨ នាក់រងរបួសធ្ងន់អ្នករងរបួសទាំងអស់ ត្រូវបានដឹកទៅសង្គ្រោះបន្ទាន់នៅមន្ទីរពេទ្យស្អែកស្រុកកំពង់ត្រឡាច ។ ដោយឡែកអ្នករងរបួសធ្ងន់ខ្លះ បានដឹកទៅសង្គ្រោះនៅមន្ទីរពេទ្យក្រុងភ្នំពេញ និងមន្ទីរពេទ្យខេត្តកំពង់ឆ្នាំង ។
លោកអធិការនគបាលស្រុកបានបញ្ជាក់បន្ថែមទៀតថា ក្រោយពេលកើតហេតុអ្នកបើកបររថយន្តដឹកកម្មករបានរត់គេចខ្លួនបាត់ចំណែកអ្នកបើកបររថយន្ត honda civic ត្រូវបានសមត្ថកិច្ចឃាត់ខ្លួនកសាងសំណុំរឿងចាត់ការតាមនីតិវិធី ព្រោះតែការបើកបរក្នុងស្ថានភាពស្រវឹងបង្កឲ្យមានគ្រោះថ្នាក់ចរាចរណ៍កើតឡើងដោយឡែករថយន្តត្រូវបានយកទៅរក្សាទុកនៅអធិការនគរបាលស្រុកសាមគ្គីមានជ័យដើម្បីរង់ចាំការដោះស្រាយតាមនីតិវិធី ៕
