មណ្ឌលគិរី៖ នារសៀលថ្ងៃអង្គារ៍ ៦រោច ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៩ ខែកក្កដា ឆ្នាំ២០២២ លោក ណក់ វ៉ែន ប្រធានក្រុមការងារយុវជនក្រុម៨ ខេត្តមណ្ឌលគិរី និងលោក ភី ងូក ចៅសង្កាត់រមនា និងសហការី តំណាងដ៏ខ្ពង់ខ្ពស់ ឯកឧត្តមបណ្ឌិត ម៉ឹង មករា ប្រធានសមាគមយុវជនក្រុម៨ បានចុះសួរសុខទុក្ខ និងនាំយកអំណោយដ៏ថ្លៃថ្លារបស់ ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ច័ន្ទមុន្នី ប្រគល់ជូន លោក ឡុង ប៉ុក មេភូមិ ពូលូង ដោយមានជំងឺ កក់ឈាមក្នុងខួរក្បាល ( Strock) ស្ថិតនៅគេហដ្ឋាន ក្នុងភូមិពូលូង សង្កាត់រមនា ក្រុងសែនមនោរម្យ ខេត្តមណ្ឌលគិរី។
លោក ណក់ វ៉ែន បានពាំនាំការផ្តាំផ្ញើសួរសុខទុក្ខពីសំណាក់ ឯកឧត្តមបណ្ឌិត ហ៊ុន ម៉ាណែត និងលោកជំទាវ រួមទាំងឯកឧត្តមបណ្ឌិត ម៉ឹង មករា ប្រធានសមាគមយុវជនក្រុម៨ ក៏ដូចជាថ្នាក់ដឹកនាំខេត្តមណ្ឌលគិរី ដែលជានិច្ចកាល ថ្នាក់ដឹកនាំ តែងតែគិតគូរពីសុខុមាលភាពរបស់ប្រជាពលរដ្ឋទូទៅ ជាពិសេស ប្រជាពលរដ្ឋ រងគ្រោះដោយប្រការណាមួយ ឬមានជំងឺតម្កាត់ផ្សេងៗ ដោយមិនប្រកាន់និន្នាការនយោបាយអ្វីឡើយ។ ជាក់ស្តែង លោក មេភូមិពូលូង ដែលមានជំងឺ កក់ឈាមក្នុងខួរក្បាល នាពេលនេះ ទទួលបានថវិកា និងសម្ភារ មួយចំនួនពីសំណាក់ឯកឧត្តមបណ្ឌិត ហ៊ុន ម៉ាណែត និងលោកជំទាវ និងសប្បុរសជននានា តាមរយៈសមាគមយុវជនក្រុម៨។
លោក ណក់ វ៉ែន និងលោក ចៅសង្កាត់រមនា រួមទាំងសហការីទាំងអស់ បានជូនពរដល់លោក ឡុង ប៉ុក មេភូមិពូលូង សូមឆាប់ជាសះស្បើយផងដែរ។
សូមបញ្ជាក់ថា អំណោយដែលប្រគល់ជូនរួមមាន៖ ១. ប៉ូការីស្វេត ចំនួន ១កេស ២. ទឹកត្រចៀកកាំ ៤យួរ ៣. ទឹកផ្លែឈើ ចំនួន ១កេស ៤. ទឹកប្រទាលក្រពើរ ចំនួន ២យួរ ៥. ប្រេងក្រឡា ចំនួន ២ ដប ៦. ទឹកសុទ្ធវិតាល់ ចំនួន ២កេស ៧. ទឹកដោះគោឆៅ ចំនួន ២យួរ ៨. ទឹកផ្លែឈើ ចំនួន ១កេស ៩. ទឹកដោះគោខាប់ ចំនួន២ កំប៉ុង ១០. និង ថវិកាចំនួន ១,៤៥០,៨៨៨( មួយ លាន បួនរយហាសិបពាន់ ប្រាំបីរយប៉ែតសិបប្រាំបីរៀលគត់) ៕
