(ខេត្តកណ្តាល) ៖ ថ្ងៃពុធ ១៤រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៧ ខែកក្កដា ឆ្នាំ២០២២ ក្រោមអធិបតីភាពឯកឧត្តមឈឿន សុចិត្ត ប្រធានក្រុមការគណបក្សចុះមូលដ្ឋានសង្កាត់ដើមមៀន ។
ក្នុងកិច្ចប្រជុំផ្សព្វផ្សាយលទ្ធផលសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជាលើកទី៤៣អាណត្តិទី៥នៅទីស្នាក់ការគណបក្សក្រុងតាខ្មៅ។ដោយមានសមាសភាពចូលរួម មានលោកអនុប្រធានទី១-ទី២-ទី៣ក្រុមការងារចុះមូលដ្ឋានសង្កាត់ដើមមៀនលោកប្រធានក្រុមការងារចុះមូលដ្ឋានភូមិទាំង៦ដែលជាសមាជិកក្រុមប្រឹក្សា សង្កាត់ ។
លោកប្រធានមណ្ឌលសកម្មភាពទាំង១៨នាក់-សមាជិក សមាជិកា គណបក្សប្រជាជនកម្ពុជាសង្កាត់ដើមមៀនសរុបចំនួន២៥០នាក់។
ក្នុងកិច្ចប្រជុំផ្សព្វផ្សាយនេះដែរ ឯកឧត្តម បានឧបត្ថម្ភថវិកាជូនសមាជិក សមាជិកា ក្នុងម្នាក់ៗថវិកា៣០,០០០រៀល សរុប ៧,៥០០,០០០រៀល។ និងជូនសង្កាត់ដើមមៀន ២,០០០,០០០រៀល និងក្រុមការងារ៥០០,០០០រៀល។ សរុបការចំណាយថវិកាទាំងអស់ចំនួន ១០,០០០,០០០រៀល។
