ខេត្តកំពង់ស្ពឺ៖ លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ អញ្ជើញចូលរួមក្នុងកិច្ចប្រជុំផ្សព្វផ្សាយសេចក្ដីសំម្រេច កែសម្រួលសមាសភាពអនុគណៈកម្មការសុវត្ថិភាពចរាចរណ៍ផ្លូវគោកខេត្ដកំពង់ស្ពឺ នៅសាលាខេត្ដកំពង់ស្ពឺ នារសៀលថៃ្ងទី០4 ខែកក្កដា ឆ្នាំ2019 ។
លោកឧត្តមសេនីយ៍ទោ សម សាមួនស្នងការនគរបាលខេត្ត អញ្ញើញចូលរួមក្នុងកិច្ចប្រជុំផ្សព្វផ្សាយសេចក្ដីសម្រេចកែសម្រួលសមាសភាពអនុគណៈកម្មាការ សុវត្ថិភាពចរាចរណ៍ផ្លូវគោកខេត្ដកំពង់ស្ពឺ ដឹកនាំអង្គប្រជុំដោយ ឯកឧត្ដម សរ សុពុត្រា អភិបាលខេត្តកំពង់ស្ពឺ ស្ដីទី និងត្រួតពិនិត្យផែនការសកម្មភាពស្ដីពីការអនុវត្តន៍វិធានការបន្ទាន់ក្នុងការ បង្ការ ទប់ស្កាត់គ្រោះថ្នាក់ចរាចរណ៍ផ្លូវគោក នៅទូទាំងខេត្ត។
ឆ្លងតាមរបាយការណ៍ និងការអានសេចក្ដីសំរេចស្ដីពីការកែសម្រួលសមាសភាពអនុគណៈកម្មការសុវត្ថិភាពចរាចរណ៍ផ្លូវគោកខេត្ដកំពង់ស្ពឺ និងផែនការសកម្មភាពស្ដីពីការអនុវត្តន៍វិធានការបន្ទាន់ក្នុងការ បង្ការ ទប់ស្កាត់គ្រោះថ្នាក់ចរាចរណ៍ផ្លូវគោក រួចមក លោកឧត្តមសេនីយ៍ទោ សម សាមួន ស្នងការនគរបាលខេត្ត បានធ្វើការលើកឡើងអំពីចំណុចប្រឈម ចំណុចខ្លាំង ចំណុចខ្សោយពិសេសការពង្រឹងវិធានការអនុវត្តន៍ច្បាប់យ៉ាងម៉ឺងម៉ាត់ពីសំណាក់កងកម្លាំងនគរបាល កត្ដាសំខាន់គឺជម្រុញការផ្សព្វផ្សាយច្បាប់ដល់គ្រប់ច្រកល្ហកអ្នកបើកបររថយន្ដដឹកកម្មករ ដឹកទំនិញធន់ធំ-តូចនិងការចូលរួមអនុវត្ដន៍ច្បាប់ទាំងអស់គ្នា។
ជាទីបញ្ចប់ ឯកឧត្ដម អភិបាលខេត្ត ស្ដីទី ក្នុងនាមឯកឧត្ដម វ៉ី សំណាង អភិបាលខេត្ត សូមកោតសរសើរចំពោះកងកម្លាំងនគរបាល ស្ថាប័នគ្រប់ថ្នាក់គ្រប់ផ្នែក ទាំងអស់ដែលបានខិតខំបំពេញការងារបានយ៉ាងល្អប្រកបដោយការទទួលខុសត្រូវខ្ពស់ រួមចំណែកកាត់បន្ថយគ្រោះថ្នាក់ចរាចរណ៍ កត្ដាសំខាន់ការកាត់បន្ថយគ្រោះថ្នាក់ចរាចរណ៍គឺចាប់ផ្ដើមពីយើងម្នាក់ៗ ចូលរួមគោរពច្បាប់ចរាចរណ៍ ទាំងអស់គ្នា។
តាមរយៈនេះ ! សូមអរគុណសប្បុរសជនដែលបានឧបត្ថម្ភ បារ៉ាស ចំនួន 50 និង សាជី ចំនួន 150 ដល់កំលាំងនគរបាលចរាចរណ៍ស្នងការដ្ឋាននគរបាលខេត្តកំពង់ស្ពឺ ៕
ដោយ ៖ ឈួន ឆាន
