ខេត្តឧត្តរមានជ័យៈ ប្រភពច្បាស់ការណ៍ពីប្រជាពលរដ្ជបានឲ្យដឹងថា ទីតាំងល្បែងស៊ីសងខុសច្បាប់(ជល់មាន់)តាមប្រព័ន្ធទូរទស្សន៍អនឡាញ ជ្រកក្រោមស្លាកអាជ្ញាប័ណ្ណឆ្នោតឡូតូ បៀរ នៅក្នុងហាងលក់កាហ្វេជាច្រើនកន្លែងរីកដូចផ្សិត ស្ថិតនៅ ស្រុក ត្រពាំងប្រាសាទ ខេត្តឧត្តរមានជ័យ កំពុងបើកឲ្យអ្នកញៀនលែង ចូលលេងយ៉ាងអនាធិបតេយ្យជារៀងរាល់ថ្ងៃ តែអ្វីដែលសំខាន់គឺអាជ្ញាធរនិងសមត្ថកិច្ចក្នុងមូលដ្ឋាន បាននាំគ្នារក្សាភាពស្ងៀមស្ងាត់ មិនចាត់វិធានការបង្ក្រាបឡើយ។
សូមរំលឹកថាៈ កាលនៅថ្ងៃ ទី១៧ ខែកញ្ញា ឆ្នាំ២០២២ បានកន្លងផុតទៅនេះ សម្ដេចជោហ៊ុន សែន បានចេញបទបញ្ជាឲ្យគណៈអភិបាលរាជធានី ទាំង២៤ ខេត្ត ក្រុង តម្រូវបង្រា្កបទីតាំងបនល្បែងសុីសងខុសច្បាប់គ្រប់ប្រភេទ នូវទូទាំងប្រទេស។
សម្ដេចតេជោ ហ៊ុន សែន ក៏បានបញ្ជាក់យ៉ាងដាច់ណាត់ផងទៀតថា បើអាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានអនុវត្ត ក្នុងការទប់ស្កាត់និងបង្ក្រាប ទីតាំងបនល្បែងសុីសងខុសច្បាប់គ្រប់ប្រភេទ នៅក្នុងមូលដ្ឋានរបស់ខ្លួនទេ អាជ្ញាធរនិងសមត្ថកិច្ចមូលដ្ឋានទាំងនោះ និងមានបញ្ហាប្រឈមនិងបាត់បង់ពីតំណែងទៀតផង។
ប៉ុន្តែជាក់ស្តែងអាជ្ញាធរសមត្ថកិច្ច និងមន្ត្រីជំនាញពាក់ព័ន្ធស្រុកត្រពាំងប្រាសាទ មិននាំគ្នាអនុវត្តក្នុងការទប់ស្កាត់និងបង្ក្រាប ទីតាំងល្បែងស៊ីសងនៅក្នុងមូលដ្ឋានរបស់ខ្លួនឡើយ បែរជាទុកឲ្យទីតាំងបនល្បែងសុីសងខុសច្បាប់ជាច្រើនកន្លែង រីកដូចផ្សិតនេះ បើកលេងជារៀងរាល់ថ្ងៃ សង្ស័យជាឆ្នាំងបាយ របស់អាជ្ញាធរនិងសមត្ថកិច្ចមូលផងក៏មិនដឹង។
ប្រភពបានបន្តទៀតថាៈ ល្បែងខុសច្បាប់(ជល់មាន់)តាមប្រព័ន្ធអនឡាញ ជ្រកក្រោមស្លាក អាជ្ញាប័ណ្ណឆ្នោតោឡូតូ បៀរ បង្កប់នៅក្នុងហាងលក់កាហ្វេ នៅក្នុងភូមិសាស្ត្រខាងលើ ឃើញនៅតែដំណើរការបើកលេងហ៊ោរកញ្ជ្រៀវជាធម្មតា ពុំមាអាជ្ញាធរនិងសមត្ថកិច្ចមូលដ្ឋានណា ចុះមកត្រួតពិនិត្យធ្វើការបង្ក្រាបឡើយ! ធ្វើឲ្យប្រជាពលរដ្ឋមានការព្រួយបារម្ភជាខ្លាំង អំពីសុវត្ថិភាពគ្រួសារ ខ្លាចកើតមាននូវអំពើចោរកម្ម និងបទល្មើសផ្សេងៗដូចជា ចោរលួច ឆក់ ប្លន់ និងអំពើហិង្សាជាដើម។ល។
ពួកគាត់លើកឡើងថាៈ តើឯណាទៅ ភូមិ/ឃុំ មានសុវត្ថិភាពទាំង ៧ ចំណុច របស់ប្រមុខរាជរដ្ឋាភិបាលដែលបានកំណត់ និងដាក់ចេញឲ្យមន្ដ្រីមូលដ្ឋានអនុវត្តនោះ?
ដូច្នេះទើបប្រជាពលរដ្ឋ សំណូមពរដល់ ឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ ជាពិសេស លោក ឧត្តមសេនីយ៍ទោ ហួស សុធី ស្នអនងការនគរបាលខេត្តឧត្តរមានជ័យ សូមជួយចាត់វិធានការតាមផ្លូវច្បាប់)ជល់មាន់)តាមប្រព័ន្ធអនឡាញ ជ្រកក្រោមស្លាកអាជ្ញាប័ណ្ណឆ្នោតឡូតូ បៀរ បង្កប់នៅក្នុងហាងលក់កាហ្វេជាច្រើនកន្លែងរីកដូចផ្សិត នៅក្នុងភូមិសាស្ត្រខាងលើនេះផង។
អង្គភាពយើងខ្ញុំធ្វើការផ្សព្វផ្សាយនេះទៅតាមវិជ្ជាជីវៈ រិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬមួយអង្គភាពណាមួយឡើយ៕
