ខេត្តស្ទឹងត្រែង ៖ កម្លាំងចម្រុះរួមមានអាវុធហត្ថខេត្តមន្ទីរបរិស្ថានខេត្តរដ្ឋបាលព្រៃឈើខេត្តនិងអាជ្ញាធរមូលដ្ឋានដឹកនាំដោយលោកឧត្តមសេនីយ៍ត្រី អៀង វ៉ាន់ឌីមេបញ្ជាការកងរាជអាវុធហត្ថខេត្តបានចុះរុករករថយន្តបាត់កុងដែលពាក់ព័ន្ធនឹងការដឹកជញ្ជូនឈើល្មើសច្បាប់នៅក្នុងទីតាំងភូមិស្រែគរថ្មីចំនួន 3 គ្រឿង។
ប្រតិបត្តិការចុះរូបរករថយន្តល្មើសនេះកម្លាំងចម្រុះបានធ្វើឡើងនៅព្រឹកថ្ងៃទី 17 ខែកក្កដាឆ្នាំ 2019 នៅក្នុងចំណុចភូមិស្រែគរថ្មីឃុំស្រែគរ ស្រុកសេសានខេត្តស្ទឹងត្រែង។
លោកឧត្តមសេនីយ៍ត្រីអៀងវ៉ាន់ឌីបានបញ្ជាក់ថាក្នុងកិច្ចប្រតិបត្តិការនេះកម្លាំងចម្រុះបានចុះដល់ទីតាំងនិងបានរកឃើញរថយន្តបាកុងក្នុងគោលដៅទី 1 ចំនួន 2គ្រឿងនិងគោលដៅទី 2 ចំនួន 1គ្រឿងហើយពេលនេះកម្លាំងចម្រុះកំពុងតែបន្តសកម្មភាពចុះរុករកបន្តទៀតនៅតាមទីតាំងផ្សេងៗដើម្បីឈានទៅរកការប្រមូលរថយន្តល្មើសទាំងនោះដើម្បីសុំគោលការណ៍ពីថ្នាក់ដឹកនាំធ្វើការកំទេចចោល។
បច្ចុប្បន្ន មេបញ្ជាការអាវុធហត្ថខេត្តលោកឧត្តមសេនីយ៍ត្រីមន្ទីរបាននិងកំពុងដឹកនាំកម្លាំងបន្តទៅកាន់គោលដៅផ្សេងៗទៀតទូទាំងខេត្តស្ទឹងត្រែងដើម្បីរុករករថយន្តពាក់ព័ន្ធនិងបម្រើឲ្យបទល្មើសដើម្បីប្រមូលយកមករក្សាទុកនិងសុំគោលការណ៍ពីថ្នាក់ដឹកនាំដើម្បីធ្វើការដុតកម្ទេចចោល ៕
