ខេត្តកំពង់ស្ពឺ ៖ ឯកឧត្តម វ៉ី សំណាង អភិបាល នៃ គណៈអភិបាលខេត្តកំពង់ស្ពឺបានដឹកនាំកម្លាំងចុះបង្ក្រាបរថយន្ត ឆ្នៃ(បាកុង)ចំនួន06គ្រឿងដែលក្រុមឈ្មួញដឹកបទល្មើសព្រៃឈើនៅខេត្តពោធិសាត់ យកមកលាក់ទុកក្នុងព្រៃស្ថិតក្នុងស្រុកឱរ៉ាល់ ខេត្តកំពង់ស្ពឺ នារសៀលថ្ងៃច័ន្ទ ១៣រោច ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី29 ខែកក្កដា ឆ្នាំ2019 ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ និងជាប្រធានគណៈបញ្ជាការឯកភាពខេត្ត បានដឹកនាំកម្លាំងចំរុះ ចុះបង្ក្រាបរថយន្តច្នៃ(ប៉ាកុង)ចំនួុន ០6គ្រឿង ដែលក្រុមឈ្មួុញប្រព្រឹត្តបទល្មើសព្រៃឈើនៅតំបន់ខេត្តពោធិ៍សាត់ បើកយកមកលាក់ទុក នៅចំណុចនិយាមកា 405145-1303450 ស្ថិតក្នុងទីតាំងចំការក្រូចមួយកន្លែងស្ថិតក្នុងភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ក្នុងដែនជម្រកសត្វព្រៃភ្នំឱរ៉ាល់ ។
វត្ថុតាងរថយន្តច្នៃ(ប៉ាកុង)ចំនួន ០6គ្រឿងខាងលើត្រូវរង់ចាំក្រុមការងារជំនាញ ដុត និងកាត់កម្ទេចចោល របស់គណៈកម្មការបង្ក្រាបបទល្មើសថ្នាក់ជាតិ នឹងមកធ្វើការដុតបំផ្លាញចោលនៅថ្ងៃទី 3០ ខែកក្កដា ឆ្នាំ2019។
យោងទៅតាមសំណេរ Facebook ផ្ទាល់របស់ឯកឧត្តម វ៉ី សំណាង អភិបាលខេត្ត បានបញ្ជាក់យ៉ាងម៉ឺងម៉ាត់ថា ទឹកដីខេត្តកំពង់ស្ពឺ មិនមែនជាទីកន្លែងស្ងប់សុខសម្រាប់ឧក្រិដ្ឋជនប្រព្រឹត្តនូវបទល្មើសឡើយ។
ដោយ៖អ៊ុំ ចិត្ត្រា
