ខេត្តកំពង់ស្ពឺ ៖ ជនសង្ស័យម្នាក់ជាមុខសញ្ញាជួញដូរដោយខុសច្បាប់នូវសារធាតុញៀនយ៉ាងសកម្មត្រូវបានសមត្ថកិច្ចជំនាញឃាត់ខ្លួនតាមដីកា លេខ 151របស់ចៅក្រមស៊ើបសួរចុះថ្ងៃទី24 ខែ05 ឆ្នាំ2019របស់ចៅក្រម ម៉ែន វណ្ណះសមត្ថកិច្ចជំនាញបានឃាត់ខ្លួនជនសង្ស័យនៅវេលាម៉ោង12 និង30នាទី ថ្ងៃទី 29 ខែកក្កដា ឆ្នាំ2019 នៅចំណុចភូមិអង្គតាឡឹក ឃុំសំបូរ ស្រុកសំរោងទង ខេត្តកំពង់ស្ពឺ ។
កម្លាំងសមត្ថកិច្ចជំនាញ នៃ អធិការដ្ឋាននគរបាលស្រុកសំរោងទងបានឃាត់មុខសញ្ញាម្នាក់ឈ្មោះ គង់ រៀម (ចាន់ រៀម )ភេទប្រុស អាយុ 29 ឆ្នាំនៅភូមិអង្គតាឡឹក ឃុំសំបូរ ស្រុកសំរោងទង ខេត្តកំពង់ស្ពឺ តាមដីកាបង្គាប់អោយចាប់ខ្លួន ក្រោយឃាត់ខ្លួនមុខសញ្ញាខាងលើយើងបានឆែកឆេរខ្លួនរកឃើញគ្រឿងញៀនចំនួន 1កញ្ចប់ធំ ។
ករណីនេះ ជំនាញកំពុងធើ្វការសាកសួនឹងកសាងសំណុំរឿងបញ្ជូនជនសង្ស័យនិងវត្ថុតាងទៅសាលាដំបូងខេត្តកំពង់ស្ពឺចាត់ការតាមនិតិវិធី ៕
ដោយ ៖ អ៊ុំ ចិត្ត្រា
