ខេត្តកណ្តាល៖ ប្រតិភូគណៈកម្មការទី៨ នៃរដ្ឋសភា ដឹកនាំដោយលោកជំទាវ ឡោក ខេង ប្រធានគណៈកម្មការទី៨ នៃរដ្ឋសភា អមដំណេីរដោយឯកឧត្តម នុត ពុធដារ៉ា អភិបាលរងខេត្ត និងលោកជំទាវ ហ៊ុន កុសនី អភិបាលរងខេត្តកណ្តាល បានអញ្ជេីញជួបសំណេះសំណាលជាមួយក្រុមគ្រូពេទ្យ នៅមន្ទីរពេទ្យ បង្អែកស្រុកលើកដែក និងពិនិត្យមើលរោងចក្រកាត់ដេរសួនឧស្សាហកម្ម សំរោងធំ ស្រុកកៀនស្វាយនៅព្រឹកថ្ងៃទី២៣ ខែមករា ឆ្នាំ ២០២៤។
នាឱកាសអញ្ជេីញជួបសំណេះសំណាល់ជាបុគ្គលិកសុខាភិបាលនោះដែរ លោកជំទាវ គណប្រតិភូ បានធ្វេីការកោតសរសេីរ វាយតម្លៃខ្ពស់ ចំពោះមន្ទីរពេទ្យបង្អែកស្រុកលើកដែក ក៏ដូចជាបុគ្គលិកនៅមន្ទីរពេទ្យបង្អែក ត្រូវខិតខំបន្ថែមទៀត និងយកចិត្តទុកដាក់ក្នុងការព្យាបាលអ្នកជម្ងឺដោយគ្មានការរេីសអេីសជាតិសាសន៍ ពោលគឺត្រូវទទួលព្យាបាលទាំងអស់រាល់ការមកទទួលសេវាព្យាបាលដោយយកចិត្តទុកដាក់មេីលថែទាំអ្នកជម្ងឺ ប្រកបដោយភាពទទួលខុសត្រូវ ។
លោកជំទាវប្រធានប្រតិភូ បានលើកទឹកចិត្ត ដល់ថ្នាក់ដឹកនាំ និងមន្ត្រីសុខាភិបាលទាំងអស់ដែលបានខិតខំប្រឹងប្រែងធ្វើអោយមន្ទីរពេទ្យបានរីកចំរើន បំរើសេវាបានល្អ គួរអោយកត់សំគាល់ និងបានផ្តាំផ្ញើរណែនាំ អោយបន្តខិតខំបន្តទៀតដើម្បីបំរើសេវាសុខភាពជូនប្រជាពលរដ្ឋអោយបានកាន់តែប្រសើរ។
បន្ទាប់ពីសំណេះសំណាល់ជាមួយបុគ្គលិកសុខាភិបាលរួចមក លោកជំទាវ ឡោក ខេង ប្រធានគណៈកម្មការទី៨ នៃរដ្ឋសភា រួមនឹងប្រតិភូអមដំណេីរ បានអញ្ជេីញចុះពិនិត្យមេីល ដំណេីរការកាត់ដេររបស់រោងចក្រ Sky line សួនឧស្សាហកម្ម សំរោងធំ និងបានជួបសំណេះសំណាលពិភាក្សា ការងារជាមួយតំណាងរោងចក្រ និងបានពិនិត្យដំណេីរការនៃកាត់កាត់ដេរ សំណេះសំណាលជាមួយកម្មករ-កម្មការិនី រោងចក្រ លោកជំទាវ ក៏បានជម្រុញឲ្យរោងចក្រ ត្រូវមានកន្លែងសំរាប់កម្មករ-កម្មការិនីសំរាកពេលមានបញ្ហាសុខភាព ដេីម្បីបង្កភាពងាយស្រួលក្នុងការជួយសង្គ្រោះកម្មករ-កម្មការិនី ក្នុងករណីណាមួយ ដែលកេីតមាននៅក្នុងរោងចក្រ ដេីម្បីធ្វេីការដឹកបញ្ជូនទៅសង្គ្រោះឲ្យបានទាន់ពេលវេលា ដើម្បីការពារកុំឲ្យកេីតមាននូវហានីភ័យការងារណាមួយ ប៉ះពាល់ដល់ដំណេីរការរោងចក្រ ៕
