(រតនគិរី)៖ដោយអនុវត្តន៍តាមបទបញ្ជាដ៏ម៉ឺងម៉ាត់របស់នាយឧត្តមសេនីយ៍សៅ សុខាមេបញ្ជាការអាវុធហត្ថលើផ្ទៃប្រទេសនិងជាប្រធានគណៈកម្មការជាតិដើម្បីទប់ស្កាត់និងបទបង្ក្រាបបទល្មើសធនធានធម្មជាតិនោះកម្លាំងអាវុធហត្ថខេត្តរតនគិរីសហការជាមួយកម្លាំងបរិស្ថាន,កម្លាំងរដ្ឋបាលព្រៃឈើ,កម្លាំងនគរបាលធ្វើការបង្កាបដុតបំផ្លាញចោលមធ្យោបាយដឹកជញ្ជូនឈើនិងប្រគល់ឈើឲ្យរដ្ឋបាលព្រៃឈើជាបន្តបន្ទាប់។
ជាក់ស្តែងនៅរសៀលថ្ងៃទី៦ខែសីហាឆ្នាំ២០១៩នេះម៉ូតូដឹកឈើចំនួន១១គ្រឿងដុតបំផ្លាញចោលនៅស្រុកអូរយ៉ាដាវនិងឈើប្រភេទលេខ១ផ្ចឹកចំនួន៧ដុំស្មើនឹ១,៦៤៦ម៉ែត្រគូបប្រគល់ឲ្យមន្ត្រីរដ្ឋបាលព្រៃឈើផ្នែកបរកែវចាត់ចែងបន្តតាមច្បាប់។
លោកវរសេនីយ៍ត្រីសុខ មីនមេបញ្ជាការអាវុធហត្ថមូលដ្ឋានស្រុកអូរយ៉ាដាវបានប្រាប់ឲ្យដឹងថាម៉ូតូមធ្យោបាយដឹកឈើចំនួន១១គ្រឿងនេះគឺ៣គ្រឿងទទួលពីកម្លាំងនគរបាលវរការពារព្រំដែនលេខ៦២៣ដែលពួកគាត់បង្ក្រាបបានកាលពីលើកមុនដូច្នេះដុតបំផ្លាញចោលសរុប១១គ្រឿង។
លោកវរសេនីយ៍ត្រីសុខ មីនប្រាប់បន្តទៀតថាដោយទទួលបទបញ្ជាពីគណៈបញ្ជាការឯកភាពខេត្តនិងដឹកនាំកម្លាំងផ្ទាល់ពីលោកឧត្តមសេនីយ៍ត្រីថាវ យ៉េនមេបញ្ជាការអាវុធហត្ថខេត្តរតនគិរីគឺកម្លាំងលោកត្រៀមសហការជាមួយកម្លាំងសមត្ថកិច្ចផ្សេងទៀតប្រចាំការ២៤ម៉ោងលើ២៤ម៉ោងពោលគឺធ្វើការបង្ក្រាបជាបន្តបន្ទាប់ដោយមិនយោគយល់អ្នកតូចអ្នកធំ អ្នកក្រអ្នកមាននោះទេពោលគឺអនុវត្តន៍ច្បាប់៕
