ខេត្តឧត្ដរមានជ័យ÷ប្រជាពលរដ្ឋ៥៦គ្រួសាររស់នៅភូមិខ្ទំ សង្កាត់កូនក្រៀរ ក្រុងសំរោង ខេត្តឧត្ដរមានជ័យ។
នៅថ្ងៃទី២៩ខែសីហាឆ្នាំ២០១៩ សូមអំពាវនាវ ដល់សម្ដេចតេជោហ៊ុន សែន ជួយពួកគាត់ផង។
នៅពេលនេះអាជ្ញាធរខេត្តឧត្ដរមានជ័យបានបញ្ជាគ្រឿងចក្រអេស្ការម៉ូទរ័ កាយបំផ្លិចបំផ្លាញផលដំណាំស្រូវ របស់ពួកគាត់ រាប់សិបហិតា យកដីរបស់ពួកគាត់ ដាក់សម្ទានសង្គមកិច្ចជូនប្រជាពលរដ្ឋក្រីក្រមកពីខេត្តត្បូងឃ្មុំ។
ដោយអាជ្ញាធរមិនបានសិក្សារអំពីផលប៉ះពលជូនពលរដ្ឋឡើយ ស្រាប់តែយកគ្រឿងចក្រមកកាយរំលំដើមឈើនៅក្នុងចំការស្រែ មិនខ្វល់ពីផលដំណាំដែលពលរដ្ឋបានបង្ករបង្កើនផល។
ពលរដ្ឋខាងលើបានអោយដឹងថាពួកគាត់បានប្រើប្រាស់និងអាស្រ័យផលចាប់តាំងពីឆ្នាំ២០០៨និងមានលិខិតកាន់កាប់ប្រើប្រាស់ដឹងលឺពីអាជ្ញាធរភូមិឃុំទៀតផង។
ប្រជាពលរដ្ឋបានលើកឡើងថា÷អាជ្ញាធរបានរំលោភយកដីកម្មសិទ្ធរបស់ពួកគាត់ចំនួន៥៦គ្រួសារ ស្មើ២៣៦ហិតា ស្ថិតនៅចំណុចក្ដាន់ធំ ក្នុងភូមិខ្ទំសង្កាត់កូនក្រៀរ ក្រុងសំរោង យកទៅអោយប្រជាពលរដ្ឋមកពីខេត្តត្បូងឃុំ។
លោកវ៉ាតប៉ារ៉ានីន អភិបាលរង ខេត្តឧត្ដរមានជ័យ ទទួលបន្ទុកដោះស្រាយវិវាទដីធ្លី បានបញ្ជាក់ថា ÷នេះជាដីក្រុមហ៊ុនអង្គរស៊ូហ្គើ ដែលបានចុះបញ្ជីរួច នាក់ណាក៍មិនអាចអាស្រ័យផលរឺប៉ះពល់លើដីនោះទេ លុះត្រាតែមានគោលការណ៍ពី ប្រមុខរាជរដ្ឋាភិបាល រឺក៍ក្រសួងរៀបចំដែនដី តាមរយ:ដីសម្ទានសង្គមកិច្ច ទើបអាចចាត់ចែងបាន នៅខាងកើតភូមិ ខ្ទុំគឺមានការអនុញាត ដីសម្ទានសង្គមកិច្ច ចែកជូនទៅប្រជាពលរដ្ឋអត់ដីស្រែពិតប្រាកដមកពីខេត្តត្បូងឃុំ ចំនួន៤១២គ្រួសារ ក្នុងមួយគ្រួសារ១២ហិតា៕
