ខេត្តក្រចេះ ៖ ប្រទះឃើញសត្វផ្សោត ១ក្បាលបានងាប់អណ្តែតក្នុងទឹក នៅរសៀលថ្ងៃទី១០ ខែឧសភា ឆ្នាំ២០១៩យើងនេះ ដែលស្ថិតនៅក្នុងទន្លេមេគង្គ ចំណុចផែក្រចេះ សង្កាត់ក្រចេះ ក្រុងក្រចេះ ខេត្តក្រចេះ។
សត្វផ្សោតញីចំនួន១ក្បាល ដែលជាសត្វកម្រ ត្រូវបានគេប្រទះឃើញងាប់ ចំនួន១ក្បាល ហើយសត្វផ្សោតមួយក្បាលនេះ មានទំងន់ចំនួន១៩១គីឡូក្រាម ប្រវែង២២៣សង់ទីម៉ែត្រ រស់នៅអន្លង់កាំពីខេត្តក្រចេះ។
ប្រភពព័ត៌មានបានឲ្យដឹងថា នៅលើដងខ្លួនមិនមានស្លាកស្នាមអ្វីទេ គេសង្ស័យអាចមកពីផ្សោតនេះចាស់ ព្រោះទំងន់ដល់ទៅ១៩១គីឡូក្រាម ហើយធ្មេញផ្សោតសឹករិចរិលអស់រលីងទៅហើយ។
បច្ចុប្បន្ន មន្ត្រីជំនាញកំពុងចុះសហការជាមួយឆ្មាំទន្លេ ដើម្បីត្រួតពិនិត្យស្រាជ្រាវរកមូលហេតុ បន្ថែមដោយយកសំណាក់ យកខ្លាញ់ ក្រពះផ្សោត ទៅពិនិត្យ ពិសោធន៍ ជាមួយអង្គការ (ដាប់ប៊លយូ ដាប់ប៊លយូ អេហ្វ) WWF និងខណ្ឌ័រដ្ឋបាលជល់ផល នៃមន្ទីកសិកម្មរុក្ខប្រមាញ់ និងនេសាទខេត្ត ដើម្បីរកមូលហេតុឲ្យច្បាស់លាស់ថាផ្សោតនេះងាប់ដោយសារអ្វី ឲ្យបានច្បាស់លាស់នោះ៕
ដោយ: កញ្ញា
