ខេត្តកំពង់ស្ពឺ ៖ ក្មេងស្រីអាយុ09ឆ្នាំ01នាក់ របួសយ៉ាងធ្ងន់ធ្ងរ និងរបួសស្រាលប្រុសស្រី 02 នាក់ ចំណែកអ្នកបើកបរចុះរត់គេចខ្លួនបាត់ ខណៈបើករថយន្តខ្វះបច្ចេកទេស បណ្ដាលឲ្យរថយន្តបាក់ជន្ទាស នៅលើកំណាត់ផ្លូវជាតិលេខ 04 ។
ហេតុការណ៍នេះបង្កឲ្យភ្ញាក់ផ្អើលនៅវេលាម៉ោង23និង20នាទី ថ្ងៃទី 31 ខែតុលា ឆ្នាំ 2019នៅលើកំណាត់ផ្លូវជាតិលេខ 4 គីឡូម៉ែត្រលេខ 55និង56 ចំណុចភូមិឡ ឃុំកាហែង ស្រុកសំរោងទង ខេត្តកំពង់ស្ពឺ មានរថយន្ត 1គ្រឿងម៉ាកហ៊ីយ៉ិនដាយ ពណ៍ការ៉ុត ពាក់ផ្លាកលេខ ភ្នំពេញ 3E-6398 មានសណ្តោង រ៉ឺម៉ក មានដឹកស៊ីទែនពីលើ (រថយន្តឯកជន ) អ្នកបើកបរឈ្មោះ សុខ ធៀន ភេទប្រុស អាយុ 42ឆ្នាំ ( រត់គេចខ្លួនបាត់ ) មានដឹកអ្នករួមដំណើរជាមួយចំនួន 03នាក់
1- សុខ យំ ភេទស្រី អាយុ 46ឆ្នាំ ( របួសស្រាល )
2- រ៉េត យុត្រា ភេទប្រុស អាយុ 25ឆ្នាំ ( របួសស្រាល )
3- ហឿន នីតា ភេទស្រី អយុ 09ឆ្នាំ ( របួសធ្ងន់ )
អ្នកទាំង03រស់នៅភូមិត្បែង ឃុំថ្កូវ ស្រុកកំពង់ត្របែក ខេត្តព្រៃវែង បើកបរមកពីលិចទៅកើត លុះទៅដល់ចំណុចកើតហេតុខាងលើ រថយន្តបានបាក់ជន្ទាសផ្នែកខាងមុខ បណ្តាលឲ្យស៊ីទែនរុញមកបុកនិងក្បាលរថយន្ត បង្កឲ្យរបួសមនុស្សចំនួន 03នាក់ ស្រី 02នាក់ និងខូចរថយន្ត 01គ្រឿង កម្រិតស្រាល ។
ចំពោះវត្ថុងតាងរថយន្តនៅលើផ្លូវជាតិ ម្ចាស់កំពុងទាក់ទងរថយន្តស្ទួច ។
បញ្ជាក់ ៖ ពេលនេះអ្នករបួសដែលគៀបជាប់ក្នុងរថយន្ត បានយកចេញរួចហើយ ទៅពេទ្យសម្ភពអុំសារ៉នខេត្តកំពង់ស្ពឺ។
ដោយ៖អ៊ុំ ចិត្ត្រា
