នៅព្រឹកថ្ងៃចន្ទ ៩រោច ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី០៩ ខែមិថុនា ឆ្នាំ២០២៥ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញដឹកនាំលោកស្នងការរង និងកងកម្លាំងនគរបាលក្រោមឱវាទ ធ្វើការគោរពទង់ជាតិ នៃព្រះរាជាណាចក្រកម្ពុជា នៅបរិវេណស្នងការដ្ឋាននគរបាលខេត្តកណ្តាល។
បន្ទាប់ពីធ្វើការគោរពទង់ជាតិចប់ លោកឧត្តមសេនីយ៍ទោស្នងការ បានធ្វើការថ្លែងអំណរគុណដល់កងកម្លាំងនគរបាលទាំងអស់ ដែលបានខិតខំបពេញភារកិច្ចទាំងការងារជំនាញប្រចាំថ្ងៃក៏ដូចជាការងារការពារសន្តិសុខ សណ្តាប់ធ្នាប់ ជូនថ្នាក់ដឹកនាំកន្លងមក ប្រកបដោយសុវត្ថិភាពល្អប្រសើរ និងសូមឲ្យបន្តការងារនេះឲ្យបានល្អបន្ថែមទៀត។
ក្នុងឱកាសនោះដែរ លោកឧត្តមសេនីយ៍ទោស្នងការ បានផ្សព្វផ្សាយអំពីសភាពការណ៍ថ្មីៗ ដែលកើតមានក្នុងខេត្ត ក៏ដូចជានៅតាមខ្សែបន្ទាត់ព្រំដែនកម្ពុជា-ថៃ ជូនដល់កងកម្លាំងនគរបាលក្រោមឱវាទទាំងអស់ឲ្យបានជ្រាប និងប្រកាសចំណុចខ្ពស់ចាប់ពីថ្ងៃនេះតទៅរហូតដល់មានបទបញ្ជាថ្មី ដោយណែនាំឱ្យកងកម្លាំងនគរបាលទាំងអស់ ត្រូវត្រៀមលក្ខណ:សម្បត្តិ២៤/២៤ម៉ោង រង់ចាំទទួលបទបញ្ជាដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា ជាពិសេសបទបញ្ជារបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ។
