ខេត្តកំពង់ស្ពឺ ៖ លោក ឡាក់ ប៊ុនធីម ប្រធានសណ្ដាប់ធ្នាប់ក្រុងច្បារមន ស្រវឹងស្រាបើករថយន្តបុកកន្លែងអាជីវករលក់ជើងមាន់អាំងដោយចេតនាហេតុការនេះបង្កឲ្យភ្ញាក់ផ្អើលនៅវេលាម៉ោង8និង5នាទីយប់ថ្ងៃទី 16 ខែវិច្ឆិកា ឆ្នាំ2019ចំណុចភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
ប្រភពពីរអាជីវករជិតខាងក៍ដូចជាស្ត្រីរងគ្រោះមានផ្ទៃពោះ 7 ខែរូបនោះបានប្រាប់ឲ្យអ្នកយកព័ត៍មានយើងដឹងថា ក្រោយពេលកើតហេតុ ស្រាប់តែគាត់បានឃើញលោកប្រធានសណ្ដាប់ធ្នាប់ក្រុងច្បារមនរូបនោះបើករថយន្តមកបុកកន្លែងគាត់លក់តែម្ដង ប៉ុន្តែសំណាងល្អគាត់ជាម្តាយពោះធំ 07 ខែបានយកជើងមាន់អាំងឲ្យភ្ញៀវនៅលើសួន ។ ទុកឲ្យកូនស្រីឈ្មោះធា រីការ អាយុ 13 ឆ្នាំម្នាក់នៅចាំលក់ពេលកូនស្រីរបស់ខ្ញុំស្រែកយំស្លន់ស្លោរប៉ុន្តែមិនបណ្ដាលឲ្យខូចខាតអ្វីទេ ។
គាត់បានបន្តទៀតថា បន្ទាប់មកគាត់បានថយរថយន្តរួចទៅបុកមួយសារទៀតទើបបណ្តាលឲ្យបែកទូកញ្ចក់សម្រាប់ដាក់ជើងមាន់អាំង បែកអាគុយ និងបែកអំពូលភ្លើងសម្រាប់បំភ្លឺថែមទៀតហើយពេលនោះអាជីវករលក់ដូរនៅក្បែរៗទាំងអស់ ក៍ដូចប្រជាពលរដ្ឋទៅកម្សាន្តនៅកន្លែងសួននោះមិនពេញចិត្តនិងទង្វើរបស់លោកឡាក់ ប៊ុនធីម ប្រធានសណ្ដាប់ធ្នាប់ធ្វើដាក់ប្រជាពលរដ្ឋបែបនេះនាំគ្នាផ្ទុះកំហឹងឡើងបានទៅព័ទ្ធរថយន្តលោកប្រធានសណ្ដាប់ធ្នាប់នោះជិតប៉ុន្តែលោកប្រធានមិនបានចុះពីលើរថយន្តទេ។ ប្រហែលជាមួយម៉ោងទើបឃើញមានសមត្ថកិច្ចចុះទៅដល់ជួយអន្តរាគមន៍ ដោយភាគីស្ត្រីរងគ្រោះទាមទាសំណងថ្លៃខូចខាត100,0000មួយលានរៀលដោយលោកប្រធានសណ្ដាប់ធ្នាប់ព្រមសងថ្លៃខូចខាត500,000រៀងហើយឲ្យលក់នៅកន្លែងនិងដ៍ដែល ។ ចុងក្រោយ គំរាមគាត់ថា ហាស៊ិបម៉ឺនរៀល បើយកបានក៍យកទៅ ប្រយ័ត្នលើកក្រោយ កម្ទេចលើសនិងទៀត ហើយអាជីវករទាំអស់សូមណូមពរដល់លោកអភិបាល នៃគណៈអភិបាលក្រុងច្បារមន ។ ជាងនេះទៅទៀត សូមសំណូមពរដល់ឯកឧត្តម វ៉ី សំណាងអភិបាល នៃ គណៈអភិបាលខេត្តកំពង់ស្ពឺជួយរកយុត្តិធម៌ឲ្យពួកខ្ញុំបាទជាអាជីវករលក់នៅជុំវិញសួនកម្សាន្តនេះផង ហើយខ្ញុំលក់តែជើងមាន់អាំងមួយមុខទេត្រូវបុគ្គលលោកឡាក់ ប៊ុនធីម យកសេវាមុន100$ ខែបន្ទាប់ត្រូវបង់300000សាមស៊ឹបម៉ឺនរៀល ជារៀងរាល់មួយខែម្ដង ពួកគាត់បានបន្តទង្វើដែលលោកម្នាក់នេះធ្វើសូម្បីតែប្រជាពលរដ្ឋលក់ដូរដាក់់កញ្ច្រែងបើកឡានកិនរបស់គាត់ក៍មានដើរយកជើងឈួសចោលក៍មានតើសុជីវធម៌លោកម្នាក់និងអាជីវករមិនអាចទទួលយកបានទេ។
សូមឯកឧត្តមអភិបាលខេត្តជួយរកអ្នកដែលមានគុណធម៌មកគ្រប់គ្រងពួកខ្ញុំបាទនាងខ្ញុំទាំងអស់គ្នាដែលជាអាជីវករលក់ដូរបន្តិបន្តួចដើម្បីដោះស្រាយជីវភាពប្រចាំថ្ងៃនេះផង។ជាចុងក្រោយសូមជូនពរឲ្យឯកឧត្តមជួបប្រទះតែពុទ្ធពរទាំងឡាយបួនប្រការគឺអាយុ វណ្ណះ សុខះ ពល្លះ កុំបីឃ្លាងឃ្លាតឡើយ។ប្រាថ្នាអ្វីៗឲ្យបានសម្រេចដូចសេចក្តីប្រាថ្នា ៕
ដោយ៖អ៊ុំ ចិត្ត្រា
