ខេត្តកំពង់ស្ពឺ ៖ កម្លាំងកងរាជអាវុធហត្ថលើផ្ទៃប្រទេស ចុះសហការណ៍កម្លាំងកងរាជអាវុធហត្ថខេត្តកំពង់ស្ពឺនិង កម្លាំងមូលដ្ឋានកងរាជអាវុធហត្ថស្រុកបសេដ្ឋ ចុះទៅបង្ក្រាបទីតាំងរោងម៉ាស៊ីនអាឈើខុសច្បាប់ចំនួន03កន្លែងផ្សេងគ្នា ។ ទីមួយឃុំពោធ៏ចំរើនចំនួន 01 គ្រឿង ទី02 ឃុំពោធ៏អង្គងចំនួន 02 គ្រឿង ក្នុងស្រុកបសេដ្ឋ ខេត្តកំពង់ស្ពឺ ។
ប្រភពព័ត៌មានពីប្រជាពលរដ្ឋនៅក្បែរៗរោងម៉ាស៊ីនអាឈើទាំងបីកន្លែងនោះ បានប្រាប់អ្នកយកព័ត៌មានយើងដឹងថា រោងម៉ាស៊ីនអាឈើទាំង03ទីតាំងនេះ ពួកគាត់មិនដែលឃើញជំនាញផ្នែករដ្ឋបាលព្រៃឈើបសេដ្ឋ សង្កាត់រដ្ឋបាលព្រៃឈើបសេដ្ឋចុះទៅបង្ក្រាបម្ដងណាទេ ។ ទើបតែរសៀល ថ្ងៃទី19 ខែធ្នូ ឆ្នាំ2019នេះពួកគាត់បានឃើញកម្លាំងកងរាជអាវុធហត្ថលើផ្ទៃប្រទេស និងកម្លាំងកងរាជអាវុធហត្ថខេត្តចុះទៅសហការណ៍ជាមួយកម្លាំងមូលដ្ឋានកងរាជអាវុធហត្ថស្រុកទៅបង្ក្រាបហើយ ទើបឃើញមានកម្លាំងជំនាញរដ្ឋបាលព្រៃឈើចុះទៅដល់កន្លែងដែលកម្លាំងកងរាជអាវុធហត្ថបង្ក្រាបនោះដែរ ។
ក្នុងការចុះបង្ក្រាបទីតាំងរោងម៉ាស៊ីនអាឈើខុសច្បាប់ទាំង03កន្លែងនោះដឹកនាំដោយលោកវរសេនីយ៍ឯក នាង ក្វាយ មេបញ្ជាការរងកងរាជអាវុធហត្ថខេត្តកំពង់ស្ពឺ ។
កម្លាំងបានរឹបអូសបានវត្ថុតាងរួមមានឈើ និងម៉ាស៊ីនអារឈើមួយចំនួន ជំនាញនៅមិនទាន់ធ្វើការ វាស់វែងឲ្យដឹងចំនួននៅឡើយទេព្រោះអ្នកយកព័ត៍មានយើងបានព្យាយាមទូរស័ព្ទ ទៅសុំការបំភ្លឺពីលោកចាន់ មុន្នីនាថនាយផ្នែករដ្ឋបាលព្រៃឈើស្ដីទីបសេដ្ឋបានទេព្រោះអត់អ្នកលើក។
ដោយ៖អ៊ុំ ចិត្ត្រា
