ខេត្តកំពង់ស្ពឺ ៖ ស្ត្រីវ័យ ៥៦ ឆ្នាំ ១ នាក់ស្លាប់យ៉ាងអាណោចអាធម ខណៈបើកម៉ូតូត្រូវរថយន្តបែនដឹកដីកង់ ១០ បើកបុកពីក្រោយពេញទំហឹង រួចកិនពីលើ បណ្ដាលឲ្យអ្នកបើកម៉ូតូស្លាប់ភ្លាមៗនៅកន្លែងកើតហេតុ ។
ករណីនេះបណ្ដាលឲ្យភ្ញាក់ផ្អើលនៅវេលាម៉ោង15និង20នាទី ថ្ងៃទី 28 ខែធ្នូ 2019 នៅលើផ្លូវលេខ143 ស្ថិតនៅភូមិស្វាយក្រវ៉ាន់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
ករណីគ្រោះថ្នាក់ចរាចរណ៍រវាងរថយន្តបុកម៉ូតូពីក្រោយបើកស្របទិសគ្នា រថយន្តម៉ាកហ្គ្រេន៍តូ(GRATO) ពណ៍ស អត់មានស្លាកលេខបើកពីត្បួងទៅជើង ពេលបើកមកដល់ចំណុចខាងលើ បានបុកជាមួយម៉ូតូម៉ាកសេ125សេរី2008ពាក់ស្លាកលេខកំពង់ស្ពឺ1B 8412បើកពីត្បួងទៅជើង ។
អ្នកបើកបរបានចុះរត់គេចខ្លួនបាត់បន្សល់រថយន្តនៅកន្លែងកើតហេតុ ។
អ្នកបើកបរឈ្មោះ អ៊ុង សុភាពភេទស្រីអាយុ56ឆ្នាំរស់នៅភូមិព្រៃបេង ឃុំស្គុះ ស្រុកសំរោងទង ខេត្តកំពង់ស្ពឺស្លាប់នៅកន្លែងកើតហេតុ
។
ករណីនេះបណ្ដាលឲ្យរងគ្រោះថ្នាក់នឹងខូចខាតសំភារះដូចខាងក្រោម ស្លាប់01នាក់ស្រី(អ្នកបើកបរម៉ូតូ) ខូចខាតម៉ូតូ 01គ្រឿងធ្ងន់ ខូចខាតរថយន្ត 01គ្រឿងស្រាល
វត្ថុតាងម៉ូតូនិងរថយន្តបង្កបានប្រគល់ឲ្យ ការិយាល័យចរាចរណ៍ផ្លូវគោក នៃស្នង ការដ្ឋាននគរបាលខេត្តកំពង់ស្ពឺរងចាំដោះស្រាយពេលក្រោយតាមផ្លូវច្បាប់ ៕
ដោយ ៖ អ៊ុំ ចិត្ត្រា
