(ក្រចេះ)៖ ករណីគ្រោះថ្នាក់ចរាចរណ៍មួយបានបង្កឡើងដោយរថយន្ដម៉ាកហ៊ីយ៉ាន់ដាយវេអង ពណ៍ត្រេអ៊ី បុកជាមួយរថយន្ដស្តារិច បណ្ដាលឲ្យមនុស្សចំនួន៧នាក់បានរងរបួសជាទម្ងន់។
ហេតុការគ្រោះថ្នាក់នេះបានកើតឡើង នៅវេលាម៉ោង ១៩និង២០នាទីល្ងាចថ្ងៃទី១១ ខែមករា ឆ្នាំ២០២០ នៅលើផ្លូវជាតិលេខ៧ ភូមិក្បាលត្រាច ឃុំស្រែចារ ស្រុកស្នួល ខេត្តក្រចេះ។
យោងតាមរបាយការណ៍នគរបាលស្រុកស្នួលបានឲ្យដឹងថា ហេតុការណ៍គ្រោះថ្នាក់ចរាចរណ៍នេះ បង្កទើងដោយរថយន្ដ វេអងណ៍ត្រេអី គ្មានស្លាកលេខ បុកជាមួយរថយន្ដស្តារិច ក្នុងទិសដៅបញ្ច្រាសទិសគ្នា ពីជើងទៅត្បូង មូលហេតុរថយន្ដវេអងដាច់ហ្វ្រាំង បានបុករថយន្ដស្ថារិចពេញទំហឹងក្រឡាប បណ្ដាលឲ្យមនុស្សចំនួន៧នាក់រងរបួសធ្ងន់ស្រាល។
របាយការណ៍បញ្ជាក់ទៀតថា អ្នកបើកបររថយន្ដវេអងឈ្មោះ អ៊ី ម៉ៃ ភេទប្រុស អាយុ៣២ឆ្នាំ មានទំលំនៅភូមិស្រែខ្ញែ ឃុំពោធិម្រាល ស្រុកបសេដ្ឋ ខេត្តកំពង់ស្ពឺ ក្រោយពីកើតហេតបានរត់គេចខ្លួនបាត់។ចំណែកអ្នកបើកបររថយន្ដ ស្តារិច ឈ្មោះ ខេង សុខហេង ភេទប្រុស អាយុ៣២ឆ្នាំ រស់នៅភូមិ ២ធ្នូ ឃុំ២ធ្នូ ស្រុកស្នួល ខេត្តក្រចេះ រងរបួសធ្ងន់ និងអ្នករួមដំណើរចំនួន៦នាក់រងរបួសទាំងអស់ ត្រូវបានបញ្ជូនទៅព្យាបាល នៅមន្ទីរពេទ្យបង្អែកស្រុកស្នួល។
បច្ចប្បន្នរថយន្ដទាំងពីរគ្រឿងត្រូវបានគរបាលយករក្សាទុកនៅអធិការដ្ឋាននគរបាលស្រុកស្នួល ដើម្បីរងចាំដោស្រាយតាមផ្លូវច្បាប់។
