ខេត្តមណ្ឌលគិរិ ៖ សមត្ថកិច្ចឱ្យដឹងថា ពលរដ្ឋ ជិត១០០គ្រួសារបានប្រមូលផ្ដុំគ្នាទាមទារកយុត្តិធម៌ ករណីមន្ត្រីបរិស្ថាន ដុតផ្ទះសំបែងពួកគាត់អស់ចំនួន១ខ្នង កាលពីថ្ងៃទី២៧មេសាឆ្នាំ២០២០ នៅភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី។
ករណីនេះ សមត្ថកិច្ចបានបន្តឱ្យដឹងទៀតថាប្រជាពលរដ្ឋ ចំនួន ៨០ ក្រួសារ /ស្មើ និង ចំនួនមនុស្ស ១៥៨នាក់/ស្រី ៧៣នាក់ ធ្វេីការតវ៉ារកយុត្តិធម៏ ជូនក្រួសារជនរងគ្រោះ ដោយសារ ការដុតបំផ្លាញ ផ្ទះសំបែង ប្រជាពលរដ្ឋ ចំនួនមួយខ្នងផ្ទះ ដែលមានប្រវែង ទទឹង ៩ម៉ែត្រ បណ្ដោយ១២ម៉ែត្រ (ផ្ទះខ្ពស់ផុតពីដី)ដែលល ម្ចាស់ផ្ទះ ឈ្មោះ ម៉ែវ កុក (ប). ជនជាតិ ភ្នង មុខរបរ ជាប្រជាពលរដ្ឋរស់នៅក្នុងភូមិ ឡៅកា ។
ជុំវិញព័ត៌មានខាងលើនេះ ប្រធានមន្ទីរបរិស្ថានខេត្តមណ្ឌលគិរី លោក កែវ សុភក៌ មិនអាចសុំការពន្យល់បាននៅឡើយទេ ដោយទូរស័ព្ទចូលច្រើនដងពុំមានអ្នកទទួល។
នៅព្រឹកថ្ងៃទី២៨ ខែមេសា ឆ្នាំ២០២០ ពលរដ្ឋភូមិឡៅកា ដែលប្រមូលផ្តុំគ្នកាលពីម្សិលមិញបានមកសុំអោយអាជ្ញាធរក្រុងសែនមនោរម្យ ជួយដោះស្រាយ ពាក់ព័ន្ធករណីមន្ត្រីបរិស្ថានដុតផ្ទះ១ខ្នងរបស់ប្រជាពលរដ្ឋនៅដីស្រែម្អែល ស្ថិតក្នុងភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី ជាថ្មីម្តងទៀត ជាលទ្ធផល តបតាមការស្នើសុំរបស់ប្រជាពលរដ្ឋ លោក ឡុង វិបុលអភិបាលក្រុងសែនមនោរម្យ បានឆ្លើយបំភ្លឺអោយប្រជាពលរដ្ឋជ្រើសរើសដំណាង១០នាក់រងចាំការដោះស្រាយ៕
