ខេត្តក្រចេះ ៖ បុរសម្នាក់ចិត្តខ្លាំងសុំលុយប្រពន្ធ២០ម៉ីនរៀលទៅលេងស្រុក តែប្រពន្ធគ្មានលុយឲ្យ ទៅរកឯណាបានឲ្យព្រោះគ្មាន ក៍កើតក្តៅក្រហាយកម្រោលចូលខ្លួន ប្រើអំពើហឹង្សាវាយប្រពន្ធចាស់ដៃ ដេញឲ្យទៅរកលុយឲ្យខ្លួន ក្រោយពេលប្រពន្ធចុះរត់ចេញពីរផ្ទះ ក៍សម្រេចដុតផ្ទះ ដុតទាំងខ្លួនឯងផង ហេតុការណ៍នេះកើតឡើងនៅថ្ងៃទី២៩ ខែមីនា ឆ្នាំ២០២០ នៅភូមិស្រែត្រែង ឃុំក្បាលដំរី ស្រុកសំបូរ ខេត្តក្រចេះ។
បើតាមការរៀបរាប់ស្ត្រីជាកូនបានឲ្យសមត្ថកិច្ចដឹងថា: មុនពេលកើតហេតុបុរស់ឈ្មោះ(ឌី) ត្រូវជាឪពុកចុង ប្តីក្រោយរបស់ម្តាយខ្លួននោះ បានឈ្លោះប្រកែកគ្នានឹងម្តាយ រឿងសុំលុយម្តាយចំនួន២០ម៉ីនរៀលថាទៅស្រុក តែម្តាយខ្លួនមានតែ១០ម៉ីនរៀលទេ ២០ម៉ីនគ្មានទេទៅរកឯណាបាន រួចឈ្មោះ(ឌី)នោះក៍កើតក្តៅក្រហាយ វាយតប់ទៅលើម្តាយខ្លួន ក្រោយមកម្តាយក៍រត់ចេញពីផ្ទះ មិនបានប៉ុន្មាននាទីផង ស្រាប់តែមានភ្លើងឆេះផ្ទះខ្លួនតែម្តង រួមទាំងជនបង្កស្លាប់នៅលើផ្ទះនេះតែម្តង។
ស្ត្រីជាកូនបញ្ចាក់ថា: ផ្ទះនេះមានទំហ៊ុំ៨ម៉ែត្រ គុណ ៩,៥ម៉ែត្រ ប្រក់ស័ង្កសី ផ្ទះនេះធ្វើឡើងដោយខ្ចីលុយអង្គការមកធ្វើ បច្ចុប្បន្ននៅជំពាក់គេ៥ពាន់ដុល្លាទៀត បងជាអ្នករកសងបង់រំលោះ តែឥលូវឆេះអស់ហើយដោយសារឪពុកចុង ចិត្តតិរិឆ្ឆាននេះ។
សូមរំលឹកថា:ស្ត្រីជាកូនបានលើកដៃសុំអំពាវវនាវ ដល់សពបុរសជនជិតឆ្ងាយ សូមជួយដល់គាត់ផងម្តាយរងរបួសធ្ងុន គ្មានថ្នាំងព្យាបាល ផ្ទះក៍ឆេះអស់ គ្មានអ្វីទីពឹងទេ កូនចៅច្រើន ដូចជាអាជ្ញាធរមូលដ្ឋាន ជាពិសេសលោកអភិបាលនៃគណ:អភិបាលខេត្ត សូមមេត្តាជួយដល់គ្រួសារគាត់ផងទាន។