(រតនគិរី) ៖ ប្រជាពលរដ្ឋចំនួន៧៥នាក់មធ្យោបាយម៉ូតូ៤០គ្រឿងនៅថ្ងៃទី១០ខែឧសភាឆ្នាំ២០២០បាននាំគ្នាទៅដុតបំផ្លាញទីស្នាក់ការប៉ុស្តិ៍ឧទ្យានជាតិវរៈជ័យចំនួន២ខ្នងត្រង់ចំណុចអូរឡាប៉ងស្ថិតក្នុងភូមិតាបូកឃុំតាវែងលើស្រុកតាវែងខេត្តរតនគិរី។
ក្រោយពីទទួលព័ត៌មានកម្លាំងនគរបាលស្រុកតាវែងបានសហការគ្នាចុះត្រួតពិនិត្យនិងស៊ើបអង្កេតករណីខាងលើនេះបានឲ្យដឹងថាដោយសារមន្ត្រីឧទ្យានុរក្សចំនួន៤នាក់ទី១-ឈ្មោះបាន អន(ដឹកនាំ),ទី២-ឈ្មោះទុំ វ័ន,ទី៣-ឈ្មោះសាយ សំអាននិងទី៤-ឈ្មោះជា ប៊ុនលឿ បានចុះដកហូតដីចំការដោយវាយផ្លាកសញ្ញាលើដើមឈើដោយសរសេរថា(ដីនេះត្រូវដកហូត)ព្រមទាំងដុតខ្ទមចំការរបស់ប្រជាពលរដ្ឋចំនួន២កន្លែងកាលពីថ្ងៃទី៩ខែឧសភាឆ្នាំ២០២០កន្លងទៅ ។
ប្រភពព័ត៌មានដដែលខាងលើបន្តថាដោយសារតែមានគំនុំជាមួយមន្ត្រីឧទ្យាននុរក្សទើបពួកគេគៀងគរគ្នាជិត១០០នាក់មកដុតបំផ្លាញទីស្នាក់ការឧទ្យានជាតិវរៈជ័យនោះចោលតែម្តង ។
ប្រភពព័ត៌មានខាងលើបញ្ជាក់ឲ្យដឹងទៀតថាសម្ភារខូចខាតរួមមាន៖អង្ករចំនួន១បេ,ឆ្នាំងចំនួន៦,អង្រឹងចំនួន៤,អាគុយចំនួន១,កានដាក់ទឹកចំនួន៣,ក្តារងឿប្រភេទឈើកកោះចំនួន២សន្លឹក ។
ជាមួយគ្នានឹងសកម្មភាពប្រជាពលរដ្ឋលើកគ្នាមកដុតបំផ្លាញទីស្នាក់ការចោលខាងលើនេះដែរលោកផុន ខេមរិន្ទប្រធានមន្ទីរបរិស្ថានខេត្តរតនគិរីបានប្រាប់ភ្នាក់ងារ ទូរទស្សន៍ប៉ុស្តិ៍លេខ 8 HDTVនៅព្រឹកថ្ងៃទី១១ខែឧសភាឆ្នាំ២០២០នេះថាពួកគាត់លើកគ្នាមកដុតបំផ្លាញទ្រព្យសម្បត្តិរដ្ឋត្រូវតែប្រឈមមុខចំពោះមុខច្បាប់។
លោកថា ឥឡូវនេះ កំណត់មុខសញ្ញាមេខ្លោងបានហើយកំពុងតែរៀបចំឯកសារបញ្ជូនទៅសាលាដំបូងខេត្តរតនគិរីផ្តន្ទាទោសតាមច្បាប់ ៕
