- ព័ត៌មានជាតិ, រាយការណ៍ពិសេស

លោកភា​រម្យជាមួយ​ឈ្មួញ​ដឹកជ​ញ្ជូ​ន​ឈើ​ចេញ​ពី​ឃុំ​គ្រញូង​សែន​ជ័យ​ស្រុក​ស្នួល​ខេត្ត​ក្រចេះ​នៅតែ​បន្ត​ដឹកឈើ​ឆ្លងទៅ​ប្រទេស​វៀតណាម​បាន​យ៉ាង​រលូន​

ខេត្ត​ក្រចេះ ៖ តាំងពី​ថ្ងៃ​ទី 1​រហូត​ដល់​ទី​12 ខែ ឧ​សាភា ឆ្នាំ 2020 លោក​ភារម្យ​ជាមេ​ឈ្មួញ​ដឹកជញ្ជូន​ឈើ​យ៉ាង​សកម្ម​ចេញពី​ឃុំ​ស្រែ​ឈូក​ស្រុក​កែវ​សីមា​ឆ្ពោះ​មក​ឃុំ​ក្រញូង​សែន​ជ័យ​ស្រុក​ស្នួល​យកទៅ​លក់​តាម​ច្រក​ប៉ុស្តិ៍នគរបាល​ការពារ​ព្រំដែន​គោក 16 គេ​ហៅថា​ជ្រោះ​ជ្រៅ យ៉ាង​រលូន​មិនមាន​រំខាន​ពី​សំណាក់​សមត្ថកិច្ច​ដែល​កំពុង​ឈរជើង​ជ្រោះ​ជ្រៅ​វ​ស្ថិតនៅក្នុង​ឃុំ​ក្រ​ញ៉ូង​សែនជ័យ​ស្រុក​ស្នួល​នោះទេ​។​ជាក់ស្ដែង​កម្លាំង​រាជ​អាវុធហត្ថ​ដែល​កំពុង​ឈរជើង​មាន​ដូច​ជា​កម្លាំង​សហការ 709 និង​កម្លាំង​របស់​បញ្ជា​ការ​រាជ​អាវុធហត្ថ​ខេត្តក្រចេះ​ឈរជើង​នៅ​គោលដៅ​នេះ​មិន​ត្រឹមតែ​ប៉ុណ្ណោះ​មាន​ទាំង​ជំនាញ​រដ្ឋបាល​ព្រៃឈើ​កម្លាំងយោធា​និង​ប៉ូលីស​ការពារ​ព្រំដែន​គោក​និង​ទាហាន​ការពារ​ព្រំដែន​គោក​ដែល​បាន​ឈរជើង​តាម​គោលដៅ​ចាំ​បង្ក្រាប​បទល្មើស​។

​បែប​ជា​លោក ភារម្យ កំពុង​តែ​ដឹក​ជញ្ជូន​ឈើ​យ៉ាងសកម្ម​ឆ្លង​ទៅ​ប្រទេស​វៀតណាម​យ៉ាង​អនាធិបតេយ្យ​ទៅវិញ​សូម​បញ្ជាក់​ផង​ដែរ​នៅត្រង់​ចំណុច​ភូមិ​ឃុំ​ដូច​ខាងលើ​នេះ​មិន​មាន​តែ​ឡាន​គោយន្ត​កែច្នៃ​របស់​លោក​ភារម្យ​នោះទេ​មាន​ក្រុម​ឈ្មួញ​ជាច្រើន​នាក់​ដឹកជញ្ជូន​ឈើ​តាម​ម៉ូតូ​កែច្នៃ​ចេញពី​ភូមិ​ឃុំ​ដូចខាងលើ​នឹង​ចូល​ទៅ​តាម​ទីតាំង​ដូច​ខាងលើ​នោះ​ផង​ដែរ​។​

​ប្រជាពលរដ្ឋ​ដាក់​សំណួរ​សួរ​ទៅ​មន្ត្រី​ដែល​ឈរជើង​នៅក្នុង​ឃុំ​ក្រញូង​សែន​ជ័យ​ព្រំប្រទល់​ស្រុក​ស្នួល​និង​ស្រុក​កែវ​សីមា​.​ថា​លោក​មេបញ្ជាការ​អាវុធហត្ថ​ខេត្ត​ក្រចេះ​និង​ថ្នាក់ដឹកនាំ​កំពូល​នៅក្នុង​ខេត្ត​ក្រចេះ​បានដាក់ឲ្យ​អស់លោកឈ​រ​ជើង​តាម​គោលដៅ​ធ្វើ​ការបង្ក្រាប​និង​ទប់ស្កាត់​មិន​ឲ្យ​ក្រុម​ឈ្មួញ​បន្ត​ដឹកជញ្ជូន​ឈើ​ឆ្លង​ទៅ​ប្រទេស​វៀតណាម​ទៀត​ទេ​។​

​តែ​បែប​ជា​អស់លោក​ដែល​កំពុង​តែ​មក​នៅ​ទីតាំង​ដូច​ខាងលើ​នេះ ធ្វើ​មិនដឹងមិនឮ​មិន​ស្ដាប់​បទបញ្ជា​នោះទេ​។​

​អោយ​តែ​បាន​លុយ​ដាក់​ហោប៉ៅ​យក​ធ្វើ​មាន​បាន​នាំគ្នា​លាក់បាំង​ពី​ថ្នាក់ដឹកនាំ​ខេត្ត​ក្រចេះ​
​រាល់​ជុំវិញ​រឿង​ជញ្ជូន​ឈើ​ឆ្លងទៅ​ប្រទេស​វៀតណាម​រៀង​រាល់​ថ្ងៃនេះ​ក្រុមការងារ​បណ្ដាញ​ព័ត៌មាន​ថ្មី​សុំ​ធ្វើ​ការបំភ្លឺ​ពី​កម្លាំង​រាជ​អាវុធហត្ថ​មិនបាន​នោះទេ​ព្រោះ​ដោយសារ​ចុច​ទូរ​សព្ទ​គ្មាន​អ្នកទទួល​ពិសេស​គេ​ដូច​យប់​ថ្ងៃ​ទី 11 ត្រូវ​នឹង​ម៉ោង 10:30 ខែ ឧ​សាភា ឆ្នាំ 2020 ក្រុម​ការងារ​បាន​រាយ​ការណ៍​ទៅ​លោក​តោ​ជា​មន្ត្រី​ស្នាក់ការ 709 ថា​ក្រុម​ឈ្មួញ​ដឹក​ជញ្ជូន​ឈើ​ទៀតហើយ​តែ​បែប​ជា​គ្មាន​អ្នក​ណា​ទទួ​ទូរសព្ទ​នោះ​ទេ ។​

​ចុងក្រោយ ប្រជាពលរដ្ឋ​នៅក្នុង​ឃុំ​ក្រញូង​សែន​ជ័យ​សូម​សំណូមពរ​ដល់​ឯកឧត្តម​អភិបាល​ខេត្ត​ក្រចេះ​រួមទាំង​ឯកឧត្តម​មេបញ្ជាការ​រាជ​អាវុធហត្ថ​ខេត្ត​ជួយ​ដល់​ពួកគាត់​ផង​ព្រោះ​អី​ឡាន​ដឹកជញ្ជូន​ឈើ​និង​ម៉ូតូ​ដឹកជញ្ជូន​ឈើ​ឆ្លង​ទៅ​ប្រទេស​វៀតណាម​នេះ​ពុំ​មាន​បំពង់​ស៊ី​ម៉ាង់​ត្រឹមត្រូវ​នោះ​ទេ​តែងតែ​រំខាន​ដល់​ពួកគាត់​ដេក​ពួន​នៅពេល​យប់​. ៕

 

Leave a Reply

Your email address will not be published. Required fields are marked *