ខេត្តឧត្តរមានជ័យ ៖ ប្រជាពលរដ្ឋ បានលើកឡើងថា សកម្មភាពកាប់និងដឹកជញ្ជូនឈើបានកើតមានឡើង យ៉ាងអនាធិបតេយ្យរាលដាលដដែលហើយក្រុមឈ្មួញទាំងនោះបានត្រូវរ៉ូវគ្នាជាមួយសមត្ថកិច្ចពាក់ព័ន្ធជាពិសេសសមត្ថកិច្ចជំនាញ និង មន្ត្រីបរិស្ថាន ជាពិសេសមន្ត្រី រដ្ឋាភិបាលព្រៃឈើ មិនបានធ្វើការចុះទប់ស្កាត់បង្ក្រាបបទល្មើសធនធានធម្មជាតិ។
ប្រភពបន្តទៀតថាក្រុមឈ្មួញទាំងនោះបានធ្វើការដឹកជញ្ជូនឈើចេញពីព្រៃសហគមន៍ឡានជាតិគូលែនព្រំទេពនិងមួយចំនួនទៀតចេញពីព្រៃ សហគមន៍តោងយ៉ោងខេត្តព្រះវិហារ ហើយសម្រុកដឺកចេញតាមភ្នំពុល រួចហើយយកមកទុកក្នុងស្រុកត្រពាំងប្រាសាទ ដើម្បីចែកចាយបន្តទៀត។
ប្រភពបញ្ជាក់ទៀតថា លោកលុយសម្បត្តិហៅខេននាយ សេនាធិការកងពលលេខ ០៦ ជាអ្នកបើកដៃឱ្យក្បួនឈើទាំងនោះឆ្លងកាត់ដែនគ្រប់គ្រងរបស់ខ្លួនរួចហើយបានតម្រូវឱ្យក្រុមឈ្មួញបាន បង់ប្រាក់ក្នុងមួយគោយន្តចំនួន ៤ មីុនរៀលរួចហើយដឹកជញ្ជូនបានដោយសេរី។
ប្រជាពលរដ្ឋស្លូតត្រង់និងមហាជនជាច្រើន សូមធ្វើការអំពាវនាវទៅដល់ ឯកឧត្តមនាយឧត្តមសេនីយ៍ សៅ សុខា មេបញ្ជាការកងរាជវុធហត្ថលើផ្ទៃប្រទេស និង ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន សូមឯកឧត្តម មានចំណាត់ការណ៍ក្ដៅចំពោះអាជ្ញាធរមូលដ្ឋាន សមត្តកិច្ច និងមន្ត្រីជំនាញថ្នាក់ក្រោមឱវាទ ឲ្យធ្វើការចុះចាប់បង្ក្រាបបទល្មើសព្រៃឈើនោះទេ ហើយបណ្ដោយឲ្យកើតមានសារាចរមានដូចជា រោងម៉ាស៊ីនរ៉ៃជ្រៀឈើ និងរោងសិប្បកម្មកែច្នៃផលអនុផលព្រៃឈើឥតច្បាប់ ជាច្រើនរាប់សិបកន្លែងយ៉ាងអនាធិបតេយ្យក្នុងស្រុកត្រពាំង ប្រាសាទ ខេត្តឧត្តរមានជ័យ បើកធ្វើតាមតែអំពើចិត្ត៕