ខេត្តបន្ទាយមានជ័យ ៖ នៅថ្ងៃទី២១ ខែឧសភាឆ្នាំ២០១៩ នេះមានសេចក្ដីរាយការណ៍ពីក្រុងប៉ោយប៉ែតមកថា លោកវរ:សេនីយ៍ឯកសូ ចាន់ ណារី មេបញ្ជាការ កងអនុសេនាតូចនគរបាលការពារព្រំដែនគោកលេខ៩១១ ដែលជាម្ចាស់អាជីវកម្មរណ្ដៅដីជម្រៅក្បាលប្រេដដឹកដីលក់ បានប្រើប្រាស់រថរបស់រដ្ឋ ដែលជាអំណោយរបស់ សម្ដេចតេជោហ៊ុនសែន រាប់សឹបគ្រឿងដឹកជញ្ជូនដីលក់យ៉ាងអនាធិបតេយ្យពេញក្រុងប៉ោយប៉ែត។
ប្រភពបានបន្ថែមថា លោកអនុសេនីយ៍ឯក សូរ ចាន់ណារី ជាមេបញ្ជាការនគរបាលវរ:ការពារព្រំដែនគោលេខ៩១១ និងជាជំនួយការរបស់ឯកឧត្ដមខេងសាម៉េត ផងទើបមានអំណាចពេញដៃ ទើបហ៊ានយករថយន្ដរបស់រដ្ឋដែលជាអំណោយរបស់សម្ដេចតេជោហ៊ុនសែន មកធ្វើអាជីវកម្មដឹកអាចម៍ដីលក់យ៉ាងអនាធិបតេយ្យ។
ដោយធ្វើការជីកកកាយដីជម្រៅក្បាលប្រេដ ស្ថិតនៅចំណុច ភូមិសិលាខ្មែរ ឃុំអូបីជាន់ យកមកលក់នៅក្រុងប៉ោយប៉ែតខេត្តបន្ទាយមានជ័យ។
ប្រភពបានបញ្ជាក់ថាលោកវរ:សេនីយ៍ឯក សូចាន់ណារីដែលជាម្ចាស់អាជីវកម្មរណ្ដៅដីរូបនេះ បានប្រើប្រាស់រថយន្ដរបស់រដ្ឋដែជាអំណោយសម្ដេចតេជោហ៊ុនសែន ជាយូយាណាស់មកហើយ ប្រៀបដូចជាកម្មសិទ្ធរបស់ខ្លួនអញ្ចឹង។
លោកវរ:សេនីយ៍ឯកសូ ចាន់ណារី មិនបានបកស្រាយជំវិញករណីទាំងអស់ខាងលើនោះទេ លោកដាក់តាមWhats App ថាអោយទៅបន្ទាយរបស់លោកទើបបកស្រាយព័ត៍មានបានច្បាស់៕
ផៃ សុភណ្ឌ័