មណ្ឌលគីរី ៖ ដោយមានការចង្អុលបង្ហាញ បញ្ជាដឹកនាំដោយផ្ទាល់ពីលោកឧត្តមសេនីយ៍ទោ ស្នងការនគរបាល ខេត្តមណ្ឌលគិរី និងមានការសម្របសម្រួលពីឯកឧត្តម ម៉ម វ៉ាន់ដា ព្រះរាជអាជ្ញាអមសាលាដំបូងខេត្តមណ្ឌលគិរី នៅថ្ងៃទី២០ ខែធ្នូ ឆ្នាំ២០២១ វេលាម៉ោង១៩និង០៥នាទី កម្លាំងជំនាញការិយាលយ័ប្រឆាំងគ្រឿងញៀន សហការជាមួយកម្លាំងនៃអធិការដ្ឋាននគរបាលក្រុងសែនមនោរម្យ និងកម្លាំងប៉ុស្ដិ៍នគរបាលរដ្ឋបាលទាំង៤សង្កាត់ ដឹកនាំដោយលោកឧត្តមសេនីយ៍ត្រី ស៊ុម សោភ័ណ្ឌ ស្នងការរងទទួលបន្ទុកផែនប្រឆាំងគ្រឿងញៀន បានចុះបង្ក្រាបករណី ជួញដូរ និងរក្សាទុកដោយខុសច្បាប់នូវសារធាតុញៀន បានចំនួន ១ ករណី នៅចំណុចស្តូកមិត្តភាពកម្ពុជា-វៀតណាម ស្ថិតនៅភូមិជ្រៃសែន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ។
យើងបានធ្វើឃាត់ខ្លួនជនសង្ស័យជួញដូរ និងរក្សាទុក បានចំនួន០១នាក់ ស្រី០០នាក់ ដូចខាងក្រោម ៖
១. ឈ្មោះ ទូច វណ្ណៈ ហៅក្រៅខ្លី ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ពិនិត្យទឹកម៉ូត្រវិជ្ជមាន(+) ។
??ឆែកឆេរចាប់យកសម្ភារៈ វត្ថុតាងរួមមាន៖
១.សារធាតុសង្ស័យជាសារធាតុញៀនមានសណ្ឋានជាក្រាមពណ៌សថ្លា ចំនួន០៨កញ្ចប់តូច ។
២.ទូរស័ព្ទ ចំនួន០១គ្រឿង ម៉ាកOppo ពណ៌ខ្មៅលាយខៀវ។
៣.ម៉ូតូចំនួន០១គ្រឿង ម៉ាក Honda Dream ពណ៌ខ្មៅ គ្មានស្លាកលេខ។
៤.ប្រអប់ដាក់ថ្នាំញៀនចំនួន០១
៥.ប្រាក់រៀលចំនួន៩០.០០០៛ (ប្រាំបួនម៉ឺនរៀល) ។
•លុះវេលាម៉ោង២០និង២០នាទី ថ្ងៃដដែល កម្លាំងយើងបានបន្តនីតិវីធីស្រាវជ្រាវ ដោយមានការសហការពីលោកចៅសង្កាត់រងទី២ សង្កាត់មនោរម្យ និងលោកស្រីប្រធានភូមិដើមស្រល់ និងសម្របសម្រួលដោយឯកឧត្តម ម៉ម វ៉ាន់ដា ព្រះរាជអាជ្ញាអមសាលាដំបូងខេត្តមណ្ឌលគិរី យើងបានឆែកឆេរបន្ទប់ជួលរបស់ឈ្មោះ ទូច វណ្ណៈ ហៅខ្លី ស្ថិតនៅភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ហើយបានរកឃើញ និងដកហូតវត្ថុតាងរួមមាន៖
១.សារធាតុសង្ស័យជាសារធាតុញៀនមានសណ្ឋានជាក្រាមពណ៌សថ្លា ចំនួន០១កញ្ចប់ធំ ស្មើនឹង៤៤.១៦ក្រាម (ថ្លឹងទាំងសំបក)
២.ដាវ ០១ដើម
៣.ថង់វេចខ្ចប់ថ្នាំញៀនមួយចំនួន
៤.ឧបករណ៍កែឆ្នៃសម្រាប់ជក់មួយចំនួន។
ក្រោយមកកម្លាំងយើងបានឃាត់ខ្លួនជនសង្ស័យប្រើប្រាស់គ្រឿងញៀន ចំនួន០៣នាក់ ស្រី០០នាក់ ដូចខាងក្រោម៖
១. ឈ្មោះ ឈឹម ចន្ធី ភេទប្រុស អាយុ៣៣ឆ្នាំ ជនជាតិខ្មែរ មុខរបរជាងឡាន មានទីលំនៅភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ពិនិត្យទឹកម៉ូត្រវិជ្ជមាន(+) ។
២. ឈ្មោះ សេង វ៉ាន់ដា ហៅក្រៅ ប៊ែរ ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិកណ្ដាល សង្កាត់ស្ពានមាន ក្រុងសែនមនោរម្យ ខេត្តមណ្ឌលគិរី ពិនិត្យទឹកម៉ូត្រវិជ្ជមាន(+) ។
៣.ឈ្មោះ តុក តឹប ភេទប្រុស អាយុ២៦ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិដូនដុង ឃុំសុទិប ស្រុកជើងព្រៃ ខេត្តកំពង់ចាម ពិនិត្យទឹកម៉ូត្រវិជ្ជមាន(+) ។
ដកហូតសំភារៈរួមមាន៖
១.ទូរស័ព្ទ ចំនួន០៣គ្រឿង (ម៉ាកOppo ០១គ្រឿង , Nokia ចុចពិល ០១គ្រឿង និង ម៉ាក Icall ០១គ្រឿង)។
ករណីនេះកម្លាំងការិយាល័យប្រឆាំងគ្រឿងញៀន និងអធិការដ្ឋាននគរបាលក្រុង កំពុងកសាងសំណុំរឿងនិងចាត់ការតាមនីតិវិធីច្បាប់ ៕
