កំពង់ស្ពឺ ៖ មេបុស្តិ៍ពោធិ៍អង្ក្រង ទើបឡើងថ្មី បានបាញ់ទៅលើបុរសពីរនាក់បណ្តាលអោយស្លាប់ម្នាក់ ហើយជនសង្ស័យក៏រត់គេចខ្លួនបាត់។ ហេតុការណ៍នេះកើតឡើងនៅភូមិក្រយូង ឃុំពោធិ៍អង្ក្រង ស្រុកបរសេដ្ឋ ខេត្តកំពង់ស្ពឺ កាលពីយប់ថ្ងៃទី 03 ខែតុលា ឆ្នាំ2025នេះ ។
បើតាមសាក្សីនៅក្នុងហេតុការណ៍នោះបានអោយដឹងថា បុរសពីនាក់បានជិះម៉ូតូទៅទិញទឹកកកនៅពេលយប់ថ្ងៃទី03 ខែតុលាឆ្នាំ2025 ក៏បានជួបនិងកម្លាំងសមត្ថកិច្ចរបស់បុស្តិ៍នគបាល ពោធ៍អង្ក្រង ស្រុកបរសេដ្ឋ ដេញតាមពីក្រោយ ហើយបានបាញ់លើជនរងគ្រោះទាំងពីរនាក់នោះ បណ្តាលអោយស្លាប់ម្នាក់ភ្លាមៗនៅកន្លែងកើតហេតុ ហើយដោះសារថា កាំភ្លើងរាលកៃ។
បើយោងងៅតាមការបញ្ជាក់ពីរសមត្ថកិច្ចថា មុនពេលកើតហេតុ មេប៉ុស្តិ៍ខាងលើបាន ឃាត់អោយជនរងគ្រោះឈប់ម៉ូតូ តែជនរងគ្រោះមិនព្រមឈប់ បម្រុងជិះបុក ក៏ជនសង្ស័យ ទាញកាំភ្លើងបាញ់តែម្តង ប៉ុន្ដែសាក្សីដែលបានឃើញហេតុការណ៍ថា ជាការប៉ុនប៉ងមនុស្សឃាត ដោយមានបំណងបាញ់ចំកណ្ដាលដើមទ្រូង ទៅលើជនរងគ្រោះតែម្តង ។
បច្ចប្បន្ន កម្លាំងសមត្ថកិច្ចកំពុងតាមចាប់ជនសង្ស័យ ដើម្បីយកមកដាក់ទោសតាមនិតិវិធីច្បាប់ ឯសពជនរងគ្រោះ ក្រុមគ្រួសារសព យកទៅធ្វើបុណ្យតាមប្រពៃណី ៕
