ខេត្តកំពង់ស្ពឺ ៖ បុរស 02 នាក់ ជិះម៉ូតូឌុបគ្នា ត្រូវបានរថយន្តធុនធំសណ្ដោងរ៉ឺម៉កផ្ដាច់ជីវិតភ្លាមៗ នៅកន្លែងកើតហេតុយ៉ាងអាណោចអាធម៌ ខណៈរថយន្តបើកបត់ឆ្លងផ្លូវបុកម៉ូតូពេញទំហឹងតែម្ដង បង្កឲ្យមានការភ្ញាក់ផ្អើលនៅវេលាម៉ោង17និង05នាទី ថ្ងៃទី29 ខែឧសភា ឆ្នាំ2019មានគ្រោះថ្នាក់ចរាចរមួយកើតឡើងលើកំណាត់ផ្លូវជាតិលេខ 4 ចន្លោះគីឡូម៉ែត្រលេខ 98 និង 99 ស្ថិតក្នុងភូមិស្រល់ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ រវាងរថយន្ត01គ្រឿងម៉ាក Fuso សណ្តោងរ៉ឺម៉ក ពណ៌សលាយបៃតងពាក់ស្លាកលេខភ្នំពេញ3A.3440 បើកបត់ឆ្លងផ្លូវពីជើងទៅត្បូង ។
អ្នកបើកបរមិនស្គាល់ឈ្មោះ (ចុះរត់គេច) ដល់ចំណុចកើតហេតុខាងលើ បានបុកម៉ូតូ01គ្រឿងម៉ាកHonda.C.125ពណ៌ខ្មៅសេរី2009ពាក់ស្លាកលេខភ្នំពេញ1L.4494បើកបរពីកើតទៅលិចជិះគ្នា2នាក់
1-ឈ្មោះ វី ភេទប្រុស អាយុ33ឆ្នាំនៅភូមិវាលធំ ឃុំត្រែងត្រយឹង ស្រុកភ្នំសរួច ខេត្តកំពង់ស្ពឺ
2-ឈ្មោះ ជី ភេទប្រុស អាយុ18ឆ្នាំនៅភូមិជាមួយគ្នា បណ្តាលឲ្យស្លាប់ទាំង2នាក់យ៉ាងអាណោចអាធម៌បំផុត។
ម៉ូតូខូខខាតស្ទើទាំងស្រុង ហើយសមត្ថកិច្ចជំនាញបានចុះទៅកន្លែងកើតហេតុ ធ្វើការវាស់វែងកត់កំណត់ហេតុកសាងសំណុំរឿង ។ ចំណែកសាកសពបុរសទាំង 02 នាក់សមត្ថកិច្ចបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។
រីឯម៉ូតូជនរងគ្រោះនិងរថយន្តបង្កហេតុសមត្ថកិច្ចបានយកមករក្សាទុកនៅផ្នែកចរាចរណ៍ផ្លូវគោក នៃអធិការដ្ឋាននគរបាលស្រុកភ្នំស្រួចរងចាំដោះស្រាយពេលក្រោយតាមផ្លូវច្បាប់ ៕
ដោយ ៖ អ៊ុំ ចិត្ត្រា
