ក្រចេះ ៖ ករណីឃាតកម្ម នៅថ្ងៃព្រហស្បតិ៍ ១២រោច ខែពិសាខ ឆ្នាំកុរ ឯកស័ក ព.ស ២៥៦៣ត្រូវនិងថ្ងៃទី៣០ ខែឧសភា ឆ្នាំ២០១៩ វេលាម៉ោងប្រហែល ១៧ និង ០៥នាទីមានករណីឃាតកម្ម នៅចំនុចដង្ហឹត ភូមិប្រឡាយត្រៀក ឃុំដំរីផុង ស្រុកឆ្លូង ខេត្តក្រចេះ ។
សាកសពឈ្មោះ យ៉ុក ម៉ូច ភេទស្រី អាយុ៥២ឆ្នាំ ជនជាតិខ្មែរ មានទីលំនៅចំនុចដង្ហឹត ភូមិប្រឡាយត្រៀក ឃុំដំរីផុង ស្រុកឆ្លូង ខេត្តក្រចេះ។
ជនសង្ស័យឈ្មោះ សួន ពិសិដ្ឋ ភេទប្រុស អាយុ៤៩ឆ្នាំ ជនជាតិខ្មែរ មានស្រុកកំណើត ភូមិសេរីសុខា ឃុំក្រែក ស្រុកញញ្ញាក្រែក ខេត្តកំពុងចាម ទីលំនៅបច្ចុប្បន្ន នៅចំនុចដង្ហឹត ភូមិប្រឡាយត្រៀក ស្រុកឆ្លូង ខេត្តក្រចេះ។
មូលហេតុដោយសារប្រកែកគ្នារឿងចៅដើរលេងពេលនោះប្តីក៏ទាញដែកជើងជ្រូកសំរាប់ដកដែកគោលប្រវែងប្រហែល៧តឹកវាយទៅលើប្រពន្ធត្រូវចំកញ្ជឹកករផ្នែកខាងស្តាំបណ្តាលអោយស្លាប់នៅនិងកន្លែងហើយជនសង្ស័យក៏បានជិះម៉ូតូគេចទៅបាត់បន្ទាប់មកអ្នកជិតខាងមិនលឺសំលេងសាកសពក៏ឡើងទៅមើលក៏ឃើញសាកសពដេកស្លាប់នៅលើផ្ទះ ហើយគ្រួសារសពតែងតែឈ្លោះគ្នាជារៀងរាល់ថ្ងៃ។
នៅពេលនេះសមត្ថកិច្ចបានតាមរកជនសង្ស័យរហូតដល់ស្រុកតំបែរនិងបានសហការជាមួយលោកអធិការស្រុកតំបែរទើបចាប់បានជនសង្ស័យនេះបាន ។
សេក សក
