ខេត្តកំពង់ស្ពឺ ៖ បុរសម្នាក់ជិះម៉ូតូជួបគ្រោះថ្នាក់ចរាចរណ៍បុកគូទរថយន្តពីក្រោយបណ្ដាលឲ្យស្លាប់ភ្លាមៗនៅកន្លែងកើតហេតុ ។
ហេតុការណ៍នេះ បានកើតឡើងនៅវេលាម៉ោង19និង20នាទី ថ្ងៃទី 22 ខែតុលា ឆ្នាំ2019លើលើកំណាត់ផ្លូវជាតិលេខ 4 គីឡូម៉ែត្រ 33និង34 ត្រង់ចំណុចភូមិត្រពាំងសាំងជៀក ឃុំត្រពាំងគង ស្រុកសំរោងទង ខេត្តកំពង់ស្ពឺ មានម៉ូតូ 01គ្រឿងម៉ាកហុងដាសេ125 សេរី2015 ពណ៍ខ្មៅ ពាក់ស្លាកលេខភ្នំពេញ 1CW-0344 អ្នកបើកបរឈ្មោះ អាំ សីមា ភេទប្រុស អាយុ 20ឆ្នាំ រស់នៅភូមិចោមចៅ 2 សង្កាត់ចោមចៅ ខណ្ឌ ពោធិសែនជ័យ រាជធានីភ្នំពេញ បើកបរពីកើតទៅលិច មកដល់ចំណុចខាងលើ បានបុករថយន្តពីក្រោយ 01គ្រឿងម៉ាកហ៊ីយ៉ិនដាយ ពណ៍ខៀវ ពាក់ផ្លាកលេខកំពង់ស្ពឺ 2A-5991 អ្នកបើកបរមិនស្គាល់ ឈ្មោះ (ចុះរតគេចខ្លួនបាត់) ដែលកំពុងបើកបរស្របគ្នា បណ្តាលអោយអ្នកបើកម៉ូតូស្លាប់នៅកន្លែងកើតហេតុ ។
សពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ ម៉ូតូខូចខាតធ្ងន់ និងរថយន្តខូចស្រាល ចំពោះវត្ថុតាងទាំង 02គ្រឿង រក្សាទុកនៅប៉ុស្តិនគរបាលរដ្ឋាបាលត្រពាំងគងរងចាំជំនាញចុះទៅដោះស្រាយតាមផ្លូវច្បាប់ ។
ដោយ ៖ អ៊ុំ ចិត្ត្រា
